قصيدة أرسلتها للشاعر عوض بن فريد (كور العوالق) وأخيه النمر
أشرح فيها معاناتي مع الشعر وسبب انقطاعي عنه تقول:
[poet font="Simplified Arabic,4,purple,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
أبديت بك يا من لحالي قد نظر=وانت الذي تعلم أسارير الظنون
سالك بجاهك يا إلهي و القدر=تغفر ذنوب العبد ،من غيرك يهون
وانت الذي تعطي إذا عبدك شكر=وانت الذي ترحم وغيرك يغضبون
واغفر لنا الزلاّت في يوم الحشر=واجعل مساكنّا بجنات المنون
صلى عليك الله يا سيد البشر=و صلوا على المختار يا اللي تسمعون
ذا فصل يتفصّل على كل البشر=علمي لكم با الخير يا اللي تنشدون
صاحب لكم ولهان يوم انه حضر=يسأل على زبن المدائن والحصون
يسأل عن الشعار ورجال النظر=وارد على شهد العسل ذي يبدعون
وافد على كور العوالق و النمر=والحق بهم إخوة و حمران العيون
قال العقيلي يوم ضيعت الفكر=ضيعت معها كل عقلي و الفطون
ضيعتها يوم الصبيحة و الخطر= ضيعتها يوم العرب يتفرجون
هاجس معي قد كان روّح و اندثر=تلقي كذا يا هاجسي يو م الطعون؟!
خليتني مهتان في وسط الحفر=يوم الخلايق في الوغى يتحاربون
يوم العرب يقتادهم راعي بقر=طيّر عمايمهم و طيّر باالقرون
واليوم قد دام البعر فوق الشجر=وأمسوا على كل المدائن يصربون
و المشكله،يا للأسف بعض الغجر=يرقص على المغنى و هم ذي يطْبلون
يا هاجسي وينك،تعزْوَى واعتفِر=ضاعت رجال الحق واللي يستحون
يا هاجسي مالي بحلوات النظر=ماباك تطربني وأنا قلبي غبون
مبغاك توصف لي طويلات الشعر=ولا تغنّي لي كحيلات العيون
لا عاش من غنّى و شعبه في خطر=و الكفر في داره و أهله يغصبون
ما ريدك إلا يوم حدّات الشفر=يا يرتفع راسي و إلا يقطعون
يا هاجسي عاد الأمل وإلا انتحر=لا ترتجي الدنيا و غيرك ينحرون
[/poet]
وكان الرد الأجمل من المبدع كور العوالق::
[poet font="Simplified Arabic,4,purple,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يالله يارحــــــــــمن يارب البشر=ياخالق الانسان مــــــــــــن نطفه يكون
وانت اله الكــــــــــــــون قادر مقتدر=ذي مدتك للخــــــــــــــلق منها ينعمون
من بعــــــــديامسافر معزم عل السفر=باحمـــــــــــــــــــلك بالخط شله لاتهون
سلم على باحــــــــــــــاج تعداد المطر=وعــــــــــــــــداد ما سيل ومنه يستقون
ومست سيول الواد تســــــقي في المدر=في ا لطين ذي جـــــــادرومنه يزرعون
هذا سلام الكــــــــــــــــــور منه والنمر=ذي عامــد القلعه ومشرف عل الحصون
مشرف على الوادي ومشرف عل الهجر=الله يصون الحــــــــــد من عين العيون
ذى فصل والثاني ومـــــن عندي صدر=باصــــــــــدره بالمسك والعود الدهون
كلفتنــــــــــــــــي بالرد وانا في ضجر=يا ويح حــــال الكور كم به من شجون
مافي معــــــــــي راحه ودائم في سفر=مره وسط جـــــــــده ومره في المتون
واليوم تشكي لي ومــــــــن راعي بقر=ذي جـــــــــــاب ثيرانه وفينا يحرثون
الارض شـــــــــــــلوها وخلونا طرر=كله مــــــــــن الحكام ذي هم يحكمون
لاخير فـــــي مبارك وذي اسمه عمر=ولاعلـــــــــي صالح وذي هم يركعون
قد ضيعو لمـــــــــــــــه وخلوها طير=وتمســــــــــــكنو للذل صارو يخضعون
يابن العقيلي باك تفـــــــــــــهم تفتكر=مــــــــــــــن باعنا للكفر لازم يدفعون
لابد لهم من يوم حامــــــــي له شرر=في مـــــــــــــزبلة تاريخ لازم ينتهون
ماحد يتمي دوم دائــــــــــم عل المقر=فوق الكراســــــــــي عاد لازم ينزلون
لابوش بايبقى ولا بلير الـــــــــــــذفر=ربك عظـــــــــيم الشان بامره ينتهون
شف قدرة الرحــــــــمن تنهي كل شر=وان البقــــــــــــــى لله ياذي تفهمون
اما حنا والله بالمـــــــــــــــــــحنه نقر=محنة تفككننالها وقــــــــــــع الجنون
ابكي معـــــــي تاريخ ذي شرف ومر=تاريخ مــــــــــن اسس وغيره يهدمون
لابد من صحــــــــــوه تبعد ذا الخطر=عاد الامل فــــــــي الله ياذي ترتجون
[/poet]
مع تحيات محبكم الدائم كور العوالق
1/11/1424ه
و دمتم لنا
Bookmarks