بعد التحيه والاحترام
ارجو ان تتقبلوها كما هي
ما ودي اعلنهـا نهايـه حزينـه
تبكي عيونً عمرهـا مـا تباكـا
يالشارع المجهول وسـط المدينـه
ارضيتك سـوداء وظلـم سماكـا
ما اسمع سوا (نايك) صداه وحنينه
منه الجـروح الخافيـات اتحاكـا
ذكّر علي جـروح كانـت دفينـه
ياجرح وش علتك وشهـو دواكـا
رحله بها الطرقي تزايـد ونينـه
ولا احداً سأل يامرتحل وش بلاكا
طرقي وتعصف به عواصف سنينه
من ذاك فـي هـذا وهـذا لذاكـا
انا الشراع اللي سقط مـن سفينـه
في غبة بحور الحـزن والهلاكـا
يانفس وش عندك عن الشوق وينه
شوقك رحل ما يستمع فـي نداكـا
على رصيف الملتقـي تحترينـه
شوقك رحل عن ديرتي ما احتراكا
Bookmarks