ماذا تعرف عن الواسطة ؟؟*

[الجنرال مرحول]

ماذا تعرف عن الواسطة ؟؟*

القاضي و راعي الدجاجة


جاء رجل ومعه دجاجة مذبوحة ( يعنى ميتة ) وكان رايح (لمحل الدجاج)

عند راعي الدجاج علشان يقطع الدجاجة فقالة راعي الدجاج خلاص روح لك

ربع ساعة وتعال لي تلقاها جاهزة

قاله صاحب الدجاجة : خلاص اوكى

*

فمر قاضى المدينة على راعي الدجاج

وقاله :عطني دجاج

قاله راعى الدجاج : والله ماعندى الا هذى الدجاجة وهى لرجال بيرجع الحين

قاله القاضى : خلاص عطنى اياها واذا جاك صاحبها قول له الدجاجه طارت

قال راعى الدجاج : وشلون مايصير؟؟ هو جايبها ميته كيف ؟؟؟

قالة القاضى : اقول لك قول له كذا ولا عليك وخليه يشتكى ولا يهمك

قال راعى الدجاج : اوكى والله يستر*



*

جاء صاحب الدجاجة عند راعى الدجاج وقال له وين دجاجتى ماخلصت

قالة راعى الدجاج : والله دجاجتك طارت

قال صاحب الدجاجة : وش تقوووول كيف؟؟؟ صاحى انت... أنا جايبها ميتة

وصار بينهم شد في الكلام وبغوا يتهاوشون

فقال صاحب الدجاجة : امش معاى للقاضي علشان يحكم بينا هناك ويطلع الحق *


*فراحوا للقاضي وعند ذهابهم للقاضي في الطريق شافوا اثنين يتهاوشون

واحد مسلم والثاني يهودي

فجاء راعي محل الدجاج يفرع بينهم ( يعنى يفرق بينهم ) ولكن إصبعه

دخلت في عين اليهودي وفقعها )وفقئها(

فتجمع الناس ومسكوا راعي محل الدجاج وقالوا هذا اللي فقع عين اليهودي

فصارت القضية قضيتين فوق رأسه *

*

فجروه للمحكمة عند القاضي فيوم قربوا من المحكمة حاول يفلت منهم وهرب

وجروا وراه يلحقونه يبون يحاكمونه لكنه دخل في مسجد وهم وراه

وركب فوق المنارة وهم وراه آخرتها طمر (نقز) من فوق المناره إلا وهو على شايب

فمات الشايب من أثر طيحت راعىمحل الدجاج عليه

*

فجاء ولد الشايب وشاف أبوه ميت فلحق راعى محل الدجاج ومسكه هو ومعاه باقي الناس



فذهبوا به إلى القاضي

فلما شافه القاضي ضحك يفكره علشان سالفة الدجاجة

مادرى أنه عليه ثلاث قضايا

1) سرقة الدجاجة

2) فقع عين اليهودي

3 ) قتل الشايب


*

فعندما علم القاضي مسك راسه وقال عز الله انك جبت العيد

فجلس يفكر القاضي وقال خلونا ناخذ القضايا وحدة بوحدة



*

المهم نادى القاضي صاحب الدجاجة

قالة القاضي: وش تقول في دعواك على راعى محل الدجاج

قال صاحب الدجاجة : هذا ياقاضى سرق دجاجتي وأنا معطيه إياها وهى ميتة

ويقووووول إنها طاااارت كيف ياقاضى؟؟

قال القاضي : هل تؤمن بالله

قال صاحب الدجاجة : نعم أؤمن بالله **

قال له القاضي : ( يحيي العظام وهى رميم)
قم مالك شي

جيبوا المدعي الثاني



*

فجابوا اليهودي وقالوا هذا يا قاضى فقع عينة راعى الدجاج

فجلس القاضي يحوس ويفكر ويطلع وينزل*******

فقال القاضي لليهودي : دية المسلم للكافر النصف يعنى نفقع عينك الثانية**

علشان تفقع عين وحدة للمسلم (راعى الدجاج)

فقال اليهودي : خلاص أنا أتنازل ماعاد أبى شي منه

فقال القاضي : عطونا القضية الثالثة *



*

جاء ولد الشايب اللي توفى وقال : يا قاضى هذا الرجل طمر على أبوى وقتله **

ففكر القاضي وقال : خلاص روحوا عند المنارة وتركب أنت يالولد فوق وتطمر

على راعى الدجاج**

فقال الولد للقاضي : طيب وإذا تحرك يمين ولا يسار يمكن أموت أنا

قال القاضي : والله هذى مو مشكلتي، أبوك ليش ما تحرك يمين ولا يسار؟؟؟؟؟؟؟؟؟؟؟؟؟؟؟؟؟؟

*

*

*

مايستفاد : مهما جبت العيد ومهما كانت الجريمه، هناك دائما منيستطيع

اخراجك منها مثلالشعره من العصيدة

م ن ق و ل م ر ح و ل

[الهاشمية]

ههههههههههههههههههه

اي والله هذي عمايل الواسطة ...اكبر فيتامين يمشي هذي الايام

وبعدين يا مرحول مثل الشعرة بين العجين ...لان الشعره تلصق بين العصيد

تحياتي

[صبا]

هههههههههههههههههههه

الواسطه هي فعلاُ اعطاء حق لمن لا يستحقه ..

ولكن الحين الواحد والله صار يضطر لها ..

ما ابغى ابرر تصرف اللي يلجأون لها ..

لأنه اصلاً الخطأ من الفساد الأداري في بعض المؤسسات ..

يعني لازم قبل ما تقدم على وظيفه يقولون لك معك فيتامين واو ..

إذا مو معاك خلاص امسك الباب ..



وهي كمان ممكن تكون سبب في البطاله ..

يعني احيانا يكون فيه خريجين من جامعات وعندهم شهادات عاليه وتلاقيهم عاطلين عشان ما عندهم واسطات ..

يعني الحين صار الواحد يقول ليش ادرس واتعب نفسي ما دام ان اخرتها ما راح الاقي شغل إلا بالواسطه ..

معليش ..

يمكن اخذت الموضوع من زاويه ثانيه ..

بس لأنه الموضوع جداً مهم ..

ويمكن اول مره يطرح بهالطريقه ..

تسلم اخوي مرحول على نقلك ..

تحياتي لك ..

[حمود(79)]

الواسطة .... توجد في كل مكان بس تختلف درجاتها من مكان لأخر ...
الواسطة ظلم لمن أخذ حق غيرة . ومحاسب عليه الطالب لها والمانح لها .
الواسطة . تبدأ من الشخص الطالب لها ومن ثم المسؤل .
ومن وجهة نظري الشخص هو المتسبب الاكبر في ذلك او في أخذ حق غيره او أي شي أخر ولذلك يجب محاسبة أنفسنا قبل محاسبة المسؤل وعلينا أن نصلح أنفسنا يقول الله تعالي في محكم كتابه ( (لايغير الله ما بقوم حتى يغيروا ما بانفسهم)
شكرا اخي مرحول ..................

[قطري قيفي]

مرحول
حلوووووووووووووووووه
قريتها على الي عندي في المكتب وظحكو كلهم اضحك الله سنك شف كم حسنه جاتك من وراي يالله ففتي ففتي موب تنسى خخخخخخخخخ d:
يعطيك العافيه والواسطه زينه اذا كانت لي في الحق او انها ما تضيع حق احد وشينه في الباطل واذا بتظيع حقوق الغير

تسلم والله على الموضوع ومره ثانيه اضحك الله سنك

[مس جيجي]

الوساطة عبارة عن فيتامين واو يرفع الي عنده او ابن فلان و غالبا مايستاهل الى الأمام
والي ماعنده و غالبا يستاهل و ابوه ماعنده منصب الى الخلف
وهكذا تكون معادلة غير متعادلة

تحياتي