مبروك يا أعظم صروح المجد في الدوله = يا نادي طال خشم سهيل بأمجادهـ
طال البطولة وهي ما طاولت طوله = لأنه سما والشرف في صدره قلادهـ
النصر للنصر مهما غاب مقيوله = قولٍ مورثه ابو خالد لأحفادهـ
ما للمنصات والتتويج والطوله = سوى سمي الذهب والشمس يا سادهـ
مرحوم ياللي صدق في فعله وقوله = اللي تجاوز بنصرهـ ما ورى مرادهـ
الشمس كفه ومجد النصر بفعوله = نور ركز في سنام الجدي اوتادهـ
واليوم فيصل مع ممدوح رزوله = ما مات من خلف التاريخ لأولادهـ
وشلون غاب النصر او ثقلت حموله = دام الوليد ابن سيف العز في اسنادهـ
وفيصل ولد تركي الطولات منزوله = من فوق تاج النصر من قبل ميلادهـ
سمي من عانق الأمجاد بخيوله = فرحة جبين الفشق لا صافح زنادهـ
فـ كن البطولات بك من غبت مشلوله = والكاس كنه لبس من بعدك إحدادهـ
والنجم لو غاب ولا طوَل أفوله = يبقى على النور نور ونار وقادهـ
جمهورك السيف لامن لاح مسلوله = تسولف بعز عنه نجد للقادهـ
شيلوا له الصوت يا جمهور شيلوا له = قولوا النصر للذهب والفوز له عادهـ
يشوف ماجد على الأخبار من قوله = في الصين يومه لفى بالكاس لبلادهـ
قمة شموخ النصر في عين من حوله = لا قال بلسان هذي الشمس يا سادهـ
مجد النصر ماهو بمحتاج لبطوله = قولوا البطوله زمن تحتاج لأمجادهـ
\
ويستاهل نادي النصر
Bookmarks