مدحاشة .. مداحشة .. (فتاتير ، عطور ، .. وهدايا ... )

[أمــAmonــون]

تنبيه هاااااام

لأكثر المتفاعلين في هذا الموضوع من الأعضاء

تقديراً مني لهم (هدية) .. لأن هذا الموضوع بشترك فيه بالمسابقة

فلكل مش يشجعني أكثر .. هدية أحلى *__^

في زحمة الحياة .. ابتداء من أول خطوة تخطوها خارج البيت وصولاً إلى المشوار المراد الذهاب إليه ..

لا يتوالى المداحشون والمداحشات (داحش يداحش مداحشة == مزاحمة) عن عدم الاكتراث للآخرين

هذا الشيء دائماً يشغل تفكيري .. ليش الناس ماتقدر بعض في أغلب المواقف ..

مثلاً في السوق .. تكون ماشي .. إلا وتجي واحدة مهرية (مسرعة) هي وجهالها تشاطلبهم بيداتهم إلا وتدهفك دهفة .. تقرح عرق ..

مش بس كذا .. في الزحمات الكثيفة .. بدلاً من الناس تحاول تتجنبها وتحاسب أكثر على حركتها
إلا على العكس يستوي إلا عشااااااار ..

طيب هذا كوووم وممكن تتجنبه .. إلا الشيء الثاني .. تكون في الباص .. وتجي حرمة سمينة تجلس تخرجك من الجنب الثاني .. طيييييييييب لييييييش .*.*

ماهو الكرسي واسع !!.. إلا لا .. يحبوا يجلسوا مسابطين ..

طيب في ناس تتضايق .. أحياناً الموقف مايكون مناسب ..

في هذا الموقف أنت ايش يكون موقف .. كيف تتصرف .. ؟!!

ايش من كلام ينفع يقاااااااااال .. حتى ان بادرت بليييز يا أخت شوية قليل .. تحصل نص عين تفجعك .. نبطل ..

والله الله .. لما يكوووووووون في العطوووووووور (عكسها *__^) تجيبك ديــــد ..

حتى اذكر مرة اني نزلت ماقدرت استحمل .. شيء مش طبيعي ..

ومرات كمان أقول ماشتي حد يجلس جنبي وبدفع حقه فاضي ..

إلا وحصل الناس كلها تتلاكع بالباص وتسب لي >__< ..

برضه .. المدحاشة في أي طوابير .. بمختلف الأماكن لا حظت ..

اتفرج على الناس بعضها واقفة تمام .. عاملة مسافات .. وناس مرصوصين زي العشااار

لا واللي واجي من بعيد .. يعمل نفسو أبو الحريف (الهتي) .. يجي مهري لما يقزع الطابور كله زي الفتاتير .. بس ينصدم ..

لأنه يكتشف أنه طلع هتي أي كلام .. عشان هذول بشر .. مش فتاتير ..

طيب هل هذه تعتبر سلوكيات ؟!!.. وإلا شيء طبيعي ..

[فارس محمد]

أنا بصراحه كنت باشارك في الموضوع بس شفت

تنبيه هاااااام


لأكثر المتفاعلين في هذا الموضوع من الأعضاء


تقديراً مني لهم (هدية) .. لأن هذا الموضوع بشترك فيه بالمسابقة

ترددت لأن مشاركتي بتحسب لك !!!

بس شفت بعدين هذا الجزء

فلكل مش يشجعني أكثر .. هدية أحلى *__^

فغيرت رأي....!!!

لأني لو خسرت التحدي معك مازال معي الهديه منك ...


طيب كيف الأن أشارك مع أني مافهمت الموضوع أصلآ ( محتاج مترجم) D:

مداحشه يعني مزاحمه صح !!!

وفي الباص

ههههه

أنا أتذكر قبل سنتين زرت عدن لأول مره بحياتي وكان معي سياره بس ماعرف فين أسوق وكنت أريد أروح لعدن مول ......

قعدت ساعتين ألف بالسياره وأكتشف مناطق بس مالاقيت المول هذا ..... !!!

سألت ناس كثير وكل واحد يشرح لي كيف أمشي وكل مره أضيع .....( رقم السياره كان واضح انها من صنعاء D

المهم قلت لنفسي ياولد دامك سايح في البلد وشفت الباصات الصغنونه الحلوه تروح وتيجي قلت لنفسي خل السياره على جنب وأعمل رحله مع الباص ....

حطيت السياره وركنتها على جنب ومشيت لمن حصلت باص .....

طلعت كان الباص فيه شخص واحد بس .....

أول مره أشعر أني أجنبي بحياتي ( شعور غريب )

طلعت ولاجبت كلمه

ومادري وين الباص ماشي .....

بقية التراجيديا في المشاركه القادمه ....

ناوي أشارك كثير بالموضوع هذا ( الفرك ممنوع والهديه لاتنسيها )

خالص الود

[فــن]

أمون حبيبي

الله يسلي عليك يابت
وربي طفشانة موت وكرب الدنيا فوق راسي
ضحكتيني ضحك فضيع
لي سنين مضحكش كدة
المهم
حرام عليك ترجمي يابنتي
يعني العشار مثلا"
والهتي

مابتبطليش الزبلطةD:


نعود للموضوع
أمون عاد إنتوا باصات الشيخ حقكم كبار
تعالي شوفي باصات عدن
ديك الدبابات الصغيرة الصيني مدري الياباني
ياخي والله دون الصين صنعوهم لأحجامهم
مدري ليه يصدروهم لنا
عادني أمسسسسسسس أحكي لأمي وأخي وميتهم ضحك على موقف صار لي
تخيلي رحت الفرزة أشتي أطلع باص معلا قلوعة عشان دا يجزعك للكلية
والباقين كانوا معلا تواهي يعني بينزلني بالشارع الرئيسي وصاحبتك كسلة أشتي باص يوديني لجنب الكلية
المهم
تخيلي بالباص ولد ومعاه قرد
طبعا" أنا واقفة ومترددة أطلع والباص ياقلبي عليه صغيييييرة على أحجام اليابانيين
وحرمة قدام متقنصلة تقولي يابنتي أطلعي ولا في حاجة أدري عشان أواحيها
المهم
وخلاااااااص
قدني بطلع عشان كنت متأخرة كالعادة
وداك الربح يتقفز
لما وربي طررررررررررت
والناس تضحك والرباح فرحان بحالة التورتر اللي عملها
وطبعا" الناس تصيح لي تشتيني أطلع داك الباقص أستحيت على نفسي ورحت باص التواهي
يعني تخيلي كمان الربحان يزاحموا مش عاد البشر


أكيييييد لي عودة
أتصدق عليك عشان تفوزيD:

[جنة عدن]

اموووون ام العيون:|

ايش في يااختي دوختيبي مافهمتش بالبدايه وبالنهايه كمان

يعني ايش الخبر الان زعلانه من الزحمه..والا تدوري زحمه منمره على المسابقه ياسوسه اعرفك
وانا اقول ليش امس رشيتيني وعملتي لي توقيع

طيب ياام العيون الحلوه انا بقولك شئ من اسراري القديمه ضمن موسوعة الفوبيا

انا من زمان لما كنت صغير اكره الزحمه ومسكين ابي يخرجني على اساس بيمشيني
تكون الزحمه بعيد بيني وبينها مثلا 10 متر وتلاقيني اتضابح واتشنج وامسح وجهي
وابي يقولي مالك يابنتي وانا اقوله ليشششششش كذا زحمة خليهم يروحوD:
على اساس انو الشارع حق ابي

والى الان اعاني من الزحمه وزاد وغطى الازعاج
يعني فعلا مش قادره افهم ايش هوايتهم بالمدحاشه والجنان بالشارع
اللي بيشوفنا بيقول من الدول العظمى الشغاله ليل نهار هههههههههههه ياحسره
لا وعادو لما يكون زحمه وبعدن وحمى تخيلي
انا ساعات اجنن

المهم ياستي اجى وقت الجامعه واني جلست بالبيت يقولولي روحي اقول ابداً
ياتجيبو لي سياره يامافيش
مليه امي تقول الجامعه قريبه من البيت شارعين وانا لااااااا
قلت لهم حتى جاري جمل ..يعني يكون زحمه وحماء ليش

المهم ابي رحمني وجاب لي سياره وشوفي ايش حصل اتعطل المكيف
واللي زاد وغطى وقعت اني الدريول حق الشعب
ياليده سيارتي ولا الدباب يعني لو كنت اطلع لي مواصلات كان ارحم
لا وعادو تتعبي السياره والكهر هذاك يقولك فين تشتي اكون خلاص ودي يكون معي كلاشنكوف واموتهم
واموت الناس اللي بالشارع واموت نفسي





ليش تفتحي هذي المواضيع..امانه حسيت بالحمى والدنيا برد

D:



يلا اني اشتي الا بخور عرايسي D:وعطور فرنسيه كامله اي نوع بس ياريت لو في لانفين
واشتي لدو كيلو لاتنسيش تجيبي لي معك وانتي واجيه هااااا وذكرت كمان
اشتي تمبل
بالله لا تنسيش المراويس اني فدالك
بدخل الموضوع كل خمس دقايق علشان اكسبD:





الحب الحب الشوق الشوق
المسابقه المسابقه العطور العطور

تشاااو

[averroes]

الي مش عاجبه ....يشل نفرين و يسكله...
طبعا أنتوا بنات يعني حق ياي و أوفيه يا باغة ....لكن بالنسبة لنا كعيال فالمداحشة في أوقات كثيرة تكون مهمة جدا...
أضرب لك مثل ...
5 من طلاب الكلية رايحين تعبيرة لسوق القات عشان يوفروا حق المواصلات ببابور كورولا ، طبعا لازم يتكاشحوا خصوصا و أنه في أصلا 3 عيال فوق البابور ، هنا تكون المداحشة نوع من أنواع التكافل.


تخيلي الان الخمسة الأصحاب داخل سوق القات ، وقدام المقوت في 10 أنفار تانين يدوروا قات ، في هذه الحالة المداحشة مهمة عشان يلحقوا قات مليح ، و تصنف المداحشة هنا على أنها خيار أستراتيجي .


تخيلي الان نفس الخمسة أصحاب مروحين من سوق القات بعد ما دفعوا 7000 ريال للمقوت... وما بقاش معاهم غير 250 ريال...
يعني بحسبة بسيطة 2 باكتات بال مال والباقي 60 ريال ، بينما 5 أنفار من سوق القاهرة للمنصورة تكلف 75 ريال ....((حسب أسعار عام 2004))
هنا يقوموا الخمسة العيال يتحاشكوا ورا باص الكوستر في اربعة كراسي و عشان يحاسبوا الكراني حق 4 أنفار بس ، و هنا تكون المداحشة نوع من أنواع الخطط الأقتصادية ....


تصوري الان الأصحاب دونا روحوا بيت صاحبهم و ما فيش غير 3 مداكي ، يعني هنا طبعا لازم يتحاشكوا عشان يعرفوا يدكوا ، وتصنف المداحشة هنا على أنها نوع من أنواع الحلول التصميمية...


أما لو واحد من الأصحاب صرح مثلا بأنه معه لمبة جديدة أو حاجة من ده النوع ، فبتلاقي الخمسة تحاشكوا جنبه في جلسة غريبة عشان يفرحوا فيبه و يقولوا له حيابك يا صاحبنا حيابك ، وهنا تكون المحاشكة عادة أجتماعية...


هذا غير المحاشكة وقت التبيتة على 3 فرشان ، والمحاشكة فوق العشاء على " جبن و زيتون و فاصوليا" ، والمداحشة بالكراسي حق وراء في محاضرة باسليم ، والمكاشحة جنب أزال عشان الشيشة ، و غيرها من المداحشات و المكاشحات المعروفة و أيضا النادرة.


المهم تكون المحاشكة تلقائية و بغير نية مسبقة والا تكون نوع من أنواع السرك ويكون صاحبها كشيح ويستحق أنه الواحد يغني له :
أيش جلسك بعد ما قمنا ....

[يمنيه]

اماني انتي عسل جد
مع ان نص الكلام والله مافهمته ..
تماماً كأخي فارس محمد ..
والله اشتي أساعدك من قلبي ..
المسابقه عاد فييييين ..؟
في الزحمه ولا في التعبير عن موقف الزحمه ..؟
أشوف أنك ممكن تحطي نغمة جوالك اغنية أحمد عدويه
(( زحمه يادنيا زحمه .. زحمه ولا عادش رحمه مولد وصاحبه غايب ))
و أول ماتحصلي مدحاشه << صح كذا
اول يعني ماتلاقي نفسك فجأة إنزرعتي في وسط زحمه ياعنقود العنب إنتي ..
شغليها وأنظري إلى اللي جنبك نظرة قويه ..
يعني انت المقصووود عشان يبعد عنك ميل
هههههههههههههههههههههههههههههه
.
حاولت << لاتقولي يمنيه ماحاولت
.
دمتي بود

[فانتر]

مش بس كذا .. في الزحمات الكثيفة .. بدلاً من الناس تحاول تتجنبها وتحاسب أكثر على حركتها
إلا على العكس يستوي إلا عشااااااار ..

والله الله .. لما يكوووووووون في العطوووووووور (عكسها *__^) تجيبك ديــــد ..

لا واللي واجي من بعيد .. يعمل نفسو أبو الحريف (الهتي) .. يجي مهري لما يقزع الطابور كله زي الفتاتير .. بس ينصدم ..

لأنه يكتشف أنه طلع هتي أي كلام .. عشان هذول بشر .. مش فتاتير ..

أول شئ ترجمي لنا الكلمات اللي ملونة..

وعلى طاري المداحشة ذكرتيني بموقف.. يوم وعلى غير عادتي رايح للدوام بدريD: وفايق وقبل مكان عملي فيه تقاطع صغير (شارعين متقاطعة) المهم حضرتي رايق ومنتظر كل اللي في التقاطع يمشوا وأنا امشي بعدهم في هذه الحاله اللي وراي راح يضطروا يستنوا معاي المهم في الجهة المقابلة أنتبه لي زميل لي في العمل وأنا واقف طبعاً العالم مستغربين علشان ما فيه مداحشة واللي وراي ودهم يصدموني المهم وصلت للعمل إلا وأقابل صاحبي وهاتك تريقة ومحشات هو وبقية الزملاء عليا اللي يقول لي ما شاء الله الرخصة مطلعها من أمريكا ومن ذا الكلام ثاني يوم والله أحلى مداحشة مع الصباح ومتأخر على الدوام ولازم ألحق أدق الكرت قبل 8*30 يعني تشوفي راليات في الطريقD:

معليش حكيت لكم قصة حياتي..

وبالنسبة لدعمك في المسابقة ما أعتقد أن موضوعك ذا راح ينافس على أي جائزة (حرب نفسية) حاولي مرة أخري خخخخخ

ممكن لي عودة في حالة ترجمتي لنا..

سلام

[نشوان بن سعيد الحميري]

يعني موضوع كله مداحشة ... وتشتي تقزعي المواضيع الثانية زي الفتاتير على قولتك أو الـ(زراقيف) زي ما اعرفها

بس حاولي مرة اخرى على قولة فانتر <<<< هو اللي قال



ذكرتيني في آخر زيارة لي لليمن

فكرت اروح للجامعه الجديده علشان حاجه اشوفه

وما في سيارة في البيت .. قلت يا راجل .. ارجع لأيام زمان وخذ دباب


المهم طلعت الدباب ... انا جالس .. تلفوني يرن


اطلعه .. اشتي اشوف من المتصل

الاقي واحد من الخلف قايم براسه ويشوف من اللي بيتصلي


انا وقتها ما عرفت الصدق ايش اعمله

كان نفسي تكوني معي تعلميه أن الـ(مداحشه) مثل ما تسميها عييييييييييب



تحياتي

[أمــAmonــون]

بجي لكم كلكم نفر نفر .. نفره نفره

بس الآن اشتراكي النت السريع مقطوع .. وذا النت بطئ .. مايعطي فرصة للرد بمزاج


جاية لكم قريب

[بنت اليمن]

لي رجعه .. ^^

[جنة عدن]

D:D:دخلت اتفاقد الموضوع حق صاحبتي الحبوبه اللي معاها امتحانات
اللي الخط السريع مهلوش عندها اللي كانت ترشيني قبل اسبوع وتعمل لي توقيع
اللي تجلس تهددني بالقتل اول ماتوصل المانيا هي والاخدام اللي وصتهم علشان يضربوني اني ونشوان وفارس
اللي قالت انها بتورينا ايش يعني زحمه وانها بتجيب 376 دباب مليانين ناس
وبتعبي لنا حماء من حق عدن

خلاص تعبت


ياامون شوفي انا دخلت اتفاقد هاااا الله الله بالهدايا*:




تشاااو

[الامير الجارح]

في زحمة الحياة .. ابتداء من أول خطوة تخطوها خارج البيت وصولاً إلى المشوار المراد الذهاب إليه ..


لا يتوالى المداحشون والمداحشات (داحش يداحش مداحشة == مزاحمة) عن عدم الاكتراث للآخرين


هذا الشيء دائماً يشغل تفكيري .. ليش الناس ماتقدر بعض في أغلب المواقف ..

انا اشوف ان المداحشه شئ طبيعي جدا إلا في حالة زيادتها عن حدها وماتشغلش البال او التفكير الى هذه الدرجه .. بالنسبه ان ليش الناس ماتقدر بعض اصلا لو انتي مثلا قدرتي اي واحد بيجي ثاني وثالث ورابع يعني انتي بتروحي فيها بسبب طيبتك وتقديريك للناس

مثلاً في السوق .. تكون ماشي .. إلا وتجي واحدة مهرية (مسرعة) هي وجهالها تشاطلبهم بيداتهم إلا وتدهفك دهفة .. تقرح عرق ..


مش بس كذا .. في الزحمات الكثيفة .. بدلاً من الناس تحاول تتجنبها وتحاسب أكثر على حركتها
إلا على العكس يستوي إلا عشااااااار ..

اظن انك كما تريدي ان تجعلي الناس يقدرونكي يجب اولا انتي ان تقدريهم ليش يعملوا هذا العمل بس انتي حطي نفسك مكانهم وجائك اتصال هام وانتي وسط زحمه .... طيب انتي الان اييييش باتعملي ؟ ابي جواب منكي

طيب هذا كوووم وممكن تتجنبه .. إلا الشيء الثاني .. تكون في الباص .. وتجي حرمة سمينة تجلس تخرجك من الجنب الثاني .. طيييييييييب لييييييش .*.*


ماهو الكرسي واسع !!.. إلا لا .. يحبوا يجلسوا مسابطين ..

هذه شكلها تحبك وتموت عليك لهذا جلست جنبك تزاحمك وتدفيكي من البرد * __ ^

ايش من كلام ينفع يقاااااااااال .. حتى ان بادرت بليييز يا أخت شوية قليل .. تحصل نص عين تفجعك .. نبطل ..


والله الله .. لما يكوووووووون في العطوووووووور (عكسها *__^) تجيبك ديــــد ..

تصدقي هذه افضل نكته سمعتها الى اليوم ..
ياشيخه حرام عليكي تظلمي الناس بقولك هذا الكلام ان اظن انك لو تجيلها باأحترام ما ترجعكش ..

المهم خلاصتي لك :
اذا في زحمه في الشارع لا تكوني تخرجي واذا في زحمه في الباص امشي رجل احسن من الباص او خذي لك تاكسي راحــــــــــــــــــــــــــــه