قصيدتي اعيد نشرها كما تم نشرها امس في الثقافيه الخميس 31/5/2007
اصحاب ياليت اننا اصحاب واخوان = درب الحياة اللي تجيب وتوديفضل النهاري
بعذرك ياللي صرت قصه وعنوان = كل القلوب اللي تخيس وتصدي
ما كنك اللي كنت من عام ولهان = تنشد علي وتحتريني وتود
وماكنك اللي تحرس الليل زعلان = لاغبت عن شوفك تمردت ضدي
شتان مابين امس واليوم شتان = بعض المصايب تستبين وتبدي
وجه الملاك اللي انقلب وجه شيطان = وقلب الحنون اللي انبرى مستبد
وحدي اذوب وحيرتي بحور واوطان = ابث لاشباح الملايين وجدي
حالي ركيك وصوتي الحاد شحبان = ازمه وباذن اللله تزول وتعدي
ونت بهناك ولا على البال سلطان = طاير بعيني غفلتك ماتهدي
ياخيب ظني يوم شالتك الاعيان = انك رفيقي وان عدا الوقت زندي
نادم على الماضي ؟ انا الف ندمان = نادم على حبي وودي وزهدي
نادم على خير زرعته ولا بان = ياليتني في اللي مضى عشت وحدي
ما اطلبك انا في عسرتي عطف واحسان = تتنتف اطرافي ولا امد يدي
لاتزرع البسمه على كف الاحزان = ولاتمسح الدمعه عن اطراف خدي
خلني اعيش بعزتي منت خسران = مادمت حافظ عزتي منت قدي
ولا الاقل مو منك اشقى واهتان = الله لا يجعل مردك مردي
يبن الحلال الله ملا الكون رحمان = ربي كريم ورحمته استمد
مابركن ايماني على ضعف الايمان = يكفيني الماضي تجاوزت حدي
وجد سطا بي واشعل القلب اشجان = غصب علي وشي ماهو بيدي
واللي يحز ف خاطري فرق الاثمان = في الناس عادي المشكله ف اهل ودي
Reply With Quote
Bookmarks