أرض الـحـضـارم مـنـبـع الــثــوار # كــم مــن بـطـل يـوخـذ بـثــاره
بيـن العـرب لـه صايتـه و أخـبـار # فـــي الأرض مـنـثــوره خــبــاره
تـاريـخ واضــح يـلـفـت الأنـظــار# ويــزيــد نـفـعــه عــــا ضــــراره
شهره لهـم فـي سائـر الأقطـار # والصـيـت ركـبـوا فـــي قـطــاره
و يحافـظـوا عـالـعـز و الـمـقـدار # مـــا هــدمــوا ســاســه و داره
لكنـهـم مــا يلتـقـوا عــا شـــار # كـلــن بـغــى رايـــه و شــــاره
قلبي وحـل يالكـاف و المحضـار # بــيــن الــبـــداوه و الـحــضــاره
كــل ماسألـتـه ويـــن باتـخـتـار # مـــاقـــدر يـــحـــدد أخــتــيــاره
الأولـــه تـقـلـب حــلاهــا قــــار # بـعـنـادهــا هـــــو و الـــقـــواره
و الثانيـه تعطـف عـلـى التـجـار # وتـكـيـد لـــي مـامـعـه تــجــاره
لانـي فـي الجنـه ولا فـي النـار # و الـكـيـر لـــي يـلـهـب بــنــاره
زهــوف مـنـه جاتـنـي و شــرار # كــل يـــوم تلـذعـنـي شـــراره
لا جـيـت فـكـر وأصـنـع الأفـكـار # ضـاعـت عـلـى عقـلـي فـكـاره
ورجعت في فعل الزمـن محتـار # وعـقـول جـــم مـثـلـي حـيــاره
قسمي يكون القصم و المثمـار #و الـخـيـل ذي نـجـحـت ثـمــاره
مخصـوص للسـاده عـيـال الـبـار # وانـتــه فــهــم رمــــز الـعـبــاره
لـتـقـول زادوا يـومـهـم شـطــار # ماحـد مثيـلـي فــي الشـطـاره
ذلـى علـي قدهـا قضـا واقــدار # رب الـسـمـا حـكـمـت قــــداره
والعيب من ذاك الزمن لي سار # وكــلــنــا نـــعـــرف ســـــــراره
رغبتي في شاهي من السمّار # لــو بـاشـبـي عـقـبـه سـمــاره
وبغـى الوكالـه لـي مـع العطـار # مـابـغـيــت دكـــــان الـعــطــاره
يالمستـوي عالكرسـي الــدوار # ان كــــــان مـحـكــمــت الاداره
يصبـح لغـيـرك تـالـي المـشـوار # و الـصـقــر تـكـفـيـه الأشـــــاره
وختمها باللـي مسـا فـي الغـار # وقــــاد يـــــا كـمّــيــن غـــــاره
بمـجـاهـدي مـكــه و بـالانـصـار # ذل الــيــهــودي و الــنــصــارى