لم اجد لها عنوان
في داخلي ملون عنوان
ولم اعرف مااسميها
الكيم
وسط الغربه والامي تذكرت الاهل واحباب=طرتلي ذكرةٍ حلوة وذكرى يالله الخيره
ذكرت امي توصني تحذر من جفا الاصحاب=صون الزاد والعشره وكون ستار للجيرة
صوت بنتٍ يذكرني: اخوي لا تنسى الالعاب=ابي لعبه وطيارة وعروسه حلوة صغيره
وصوت الشايب يوصي: عضيدي لاترد بتراب=ابي افخر انا بسمك اقول هذي تقاديره
اذا ضاقت بك الدنيا ابد لا تجفل وتترتاب=وارفع ايدك لمـولاك و يدبرها بتدبيره
وصلاتك لاتخليها ولا تمشي مع الاذناب=ولاينطق لسانك كذب ولو خانك تعابيره
ولاتضعف مع نفسك ولاتضعف مع الاغراب=اذا ذقت الطعم علقم قول احلا من الشيره
وصوت الغاليه يدعي عسى تفتحلك الابواب=وترجعلي من الغربه ويهل المزن تبشيره
تحذرني من مناظر بنات الغرب والاجناب=تقول اصحى تناظرهم تراني مولعه غيره
ارد الصوت اطمنها عمري خافقي قد تاب=بعد شوفك ترى غيرك بعيني صار تعميره
جلست اقلب احزاني وانشدها عن الاسباب=ترد تقول يامفارق تراني اشتقت للديره
تصيح ارجوك رجعني بغلق للجفن اهداب=ابي ارجع لأحلامي بنهي الوقت والحيره
كأن الامر بيديني!! ولا كني ابد منصاب=لكني شفت الموت معه الضيم وتصويره
لعنك الله ياشيطاني تكدر خاطري بعتاب=تذكرني بأحبابي ووزاد الهـم بتكديره
رفعت ايدي لخالقها ربي الواحد التواب=رجيت الي رفع سبعٍ يفرجها بتدبيره
ربي يسر ايامي واغلق للفراق الباب=ربي كحل عيوني بشوف الاهل والديره
اتمنا ان لا اطلت علكم
ولاكن والله والله لو جلست اكتب لجلست الى الصباح ولاكن ................
الغريب
Reply With Quote
مشاركة: من يعُطيني عنوان لقصيدتي
Bookmarks