بسم الله الرحمن الرحيم
حكاية حصلت
.. < وحقيقيه>
..................................................
......................
/عادل حسن عبدا لمقصود المصري
شاب عنده 26 سنه..وسيم..يشتغل شغلانه كويسه
عنده شقته..وبيكمل نص دينه
خطب فتاة اسمها هدى... وبدأ بكل جهته يجهز نفسه ماديا ..للشبكه وتكاليف الفرح وغيره
ربنا سهلها معاه..وبأه جاهز
حددوا ميعاد الفرح يوم السبت الموافق 10 ديسمبر 2005
8 ذو القعده 1426
اليوم اللى قبل
الدخله...
عمل الحنه...سعاده ما بعدها سعاده
وجاء اليوم السعيد..يوم فرحه..يوم دخلته
عادل صحى صلى قرأ قران ولما العصر اذن صلى العصر
وطلع بدلته..رش برفان عليها..وحطها على السرير...
وسأل على خطيبته..عرف انها لبست فستانها وراحت عند الكوافيره
دخل عادل ياخد دوش ...حمام الزواج ذى ما بيسموه...
عادل اتأخر....
اخوه بيخبط...
عادل مبيردش...
اخوه بينادى...عااااادل
عادل مبيردش..
اخوه كسر الباب..دخل عليه الحمام..عادل مرمى على الارض
تصورا بدلته مستنياه يلبسها...وعروسته
مستنياه يجيبها من عند الكوافيره....
وهو ينام فى الحمام؟؟؟دا كلام؟؟؟
عادل اخوه شاله...وهو منهار...حطه على السرير
جابوله دكتور....
البقيه فى حياتكم
لا انت كداب انت مش بتفهم حاجه...
جابولوا دكتور تانى
البقيه فى
حياتكم
البقيه فى حياتنا؟؟؟
طيب وبدلته مين هيلبسها؟؟؟
طيب ودخلته؟؟ فى عريس ميحضرش دخلته؟؟؟
طيب وزوجته اللى مستنيا اليوم دا من زماان...هنقلعها الفستان الابيض
ازاى؟؟؟؟
عادل ساب عروسته فى الكوافير..وبدلته على السرير...وراح لرب كريم
وتوفاه الله يوم دخلته
يوم السبت 10/ديسمبر 2005.....8 ذو القعده 1426
ودفن يوم الاحد
............................................
دا هو عادل حسن عبدالمقصود المصرى
طيب ليه حكيتها للكل دلوقتى
لانى اكتشفت ان عادل كتب وصيته من حوالى 7 شهور
كتب وصيته بيقول فيها انه هيموت شاب..وانه هيكون عظه لغيره
وانه دعا ربنا ان موته يكون عظه
وأهو انا بنشرها عشان فعلا ربنا استجاب لدعاءك
اقرأوا وصيته...وتعجبوا..وابكوا على حالكم...واتعظوا
بسم الله
الرحمن
الرحيم
الوصيه
انا لله وانا اليه راجعون..تنطق كلماتى حين يعجز لسانى وجسدى
وادعو الله أن يكون الجسد واللسان والروح فى نعيم مقيم فربى قادر على
ذلك . ولكم فيا كل العبر فقد مت شابا ولازال فى اعماركم ما يتيح لكم
التوبه فتوبوا وارجعوا الى رب قضى ما قضى ويصنع مايشاء ويعذب من يشاء
فيا الله ارحمنى فكنت أعلم لك حقك وان كنت لم أؤده. وسامحنى فقد سامحت
جميع خلقك وأدخلنى جنتك فلا يضرك ذلك شيئا ولا تضيق بى.
يا من وسعت رحمتك كل شئ فلتسعنى رحمتك
ياعدل حاسبنى برحمتك با أرحم بى من أمى
وصييتى: لله منى كل شئ فهو الحكم فى كل شئ فانظروا اين حكم الله
وطبقوه فى كل ما يخصنى
يصلى عليا ابى وان لم يكن فأخى محمد فان لم يكن فعبد
المقصود
يحفر لى فى قبرى وأغطى كلى بالتراب
أشهد الله أنى برئ ممن تنوح وممن تشق الجيب ومن كل من لا يلزم أمر
الله ورسوله.
أغسل فى وجود اخوتى وقراءة اخوتى للقرآن
يدخل عليا من أراد من اهلى والاقربون لعلى أكون عبرة لهم
يبقى اخوتى بجوار قبرى مقدار قراءة سورتى الكهف ويس
اتباع السنه فى كل ما يخص القبر والجنازه ولا عزاء بعد ثلاث
يخطب اثناء الجنازه من أراد ويخبر الناس أننى سألت الله أن اكون عبرة
لهم جميعا.
لا حول ولاقوة الا بالله
انا لله وانا اليه راجعون
وأحسبكم عند الله من الصابرين فى مصابكم
الراضون
بربكم.
أبدلكم الله
وأسأل الله الذى لا يعجزه شىء الخير فى الدنيا والاخره.
أن يجمعنى بكم فى جنة عرضها السموات والأرض
ان شاء الله عند حوض النبى المصطفى علية الصلاة والسلام
وسلام لكم وعليكم ورحمة الله وبركاته
المتوفى بأمر ربه /عادل حسن عبد المقصود المصرى
كتبت يوم الجمعه 13 ربيع اول
1426
22/4/2005
.....................................
__________________
لا تضيع الفرصة مادمت في الدنيا ،فغيرك تحت الأرض يتمنى لو يرجع ليقرأ
حرفاً من القرآن ويكسب حسنة يرجح بها ميزان حسناته
غفرانك يارب
رحمتك يارب
عفوك يارب
رضاك يارب
Reply With Quote
Originally Posted by yemeny_2
الله يخليك اخي واشكرك كتير لتفاعلك معايا لان القصه كتير ماثره عليا
مشاركة: عريس يزف في ليله دخلته الى قبره
Bookmarks