بسم الله الرحمن الرحيم
السلام عليكم ورحمة الله وبركاته
اليوم كمان جاية احكي لكم قصة واقعية جدا جدا حصلت معاي من ثلاث سنوات تقريبا .. بس أنا كنت مجروحة ومحطمة ومصدومة ومافقت من الصدمة إلا من أيام.
القصة بدأت يا أخواني وأخواتي يوم رحت رحلة مشئومة مع العائلة لجزيرة ( عمران ) وقد كانت الرحلة بالنسبة مملة بكل ما تعنيه الكلمة ( شمس وحر ) .. أنا كنت قرفانة أما الأهل فما شاء الله مبسوطين ويضحكوا ويلعبوا ويسبحوا الدنيا عندهم بخيييير وأنا بضيقي جالسة اسرح وأفكر قلت بروح أتمشى بهذه الجزيرة المقفرة إلي ما فيها إلا نحن .. رحت أدور وامشي :65: وامشي:65: وامشي :65: وامشي:65: << علقت البنت
وصلت لوراء الجبل ودخلت بين الحجار (( اختفيت عن الأنظار يعني )) ومحد عرف من أهلي ويني ((( أساساً محد كان منتبه عليا .. سكهة وربخة مني )))
الموهيم من وراء الجبل وأنا امشي وأتأمل إلا وأسمع صوت عمييييييق من بين الحجار يقلي يابنت تعالي؛؛ يابنت ساعديني.. في البداية تعودت من الشيطان وقلت أكيد يتهيأ لي:42: لأني من زمان محد كلمني لكن الصوت كان كل ماله يزيييييد:42: ياويلي :42: خفت بشكل لا يوصف وأنا لحالي لكنني قررت اقوي قلبي وأشوف مين هذا إلي يشتي يفجعني >>> قصتي ولازم أكون البطلة فيها
الموهيم ؛؛ تبعت الصوت لما وصلت كهف مظلم والصوت كان قوي من الداخل( يابنتي تعالي ؛؛؛ يابنتي ساعديني) :42: ترددت كثير وقد كان قلبي بيوقف من شدة الخوف .. إلا أنني قررت أن ادخل أحسن ما ارجع للملل إلي كنت فيه وقدها موتة وحدة >>> قصتي برضو لازم أكون شجاعة
دخلت امشي بخطوات حذرة وعقلي يقلي اخرجي:70: يابنت اقلعي الشيطان :70: لكني سقلته وواصلت المشي لحد ما وصلت لمكان شبة غرفة وفيها فانوس قديييييم من حق أيام هتلر وفي طاولة قديمة خلاااااص دامر ؛ الفت أدور من فين الصوت هذا أشوف حرمة عجوووووزة دقة شكلها يفجع ( استغفر الله ) ممددة على الأرض تقلي ساعديني يا بنتي ساعديني يا بنتي
أنا سقطت على الأرض من الخوف:76: اقلها أعوذ بالله من الشيطان الرجيم واقراء أية الكرسي والمعوذات
لكنها مااختفت .. قلت الحمدلله مش جنية:77: رحت جري لعندها اقلها ايش فيك ياحجة
هي بس شافتني عن قرب راحت تصيح بقهر وتولول
أني افتجعت والصوت صنجني قلت لها اصه لك جني مالك كيف أساعدك
لفتت لعندي بنظرة (( مدري كيف )) كأنها تقلي تساعدي مين ياماما روحي ساعدي نفسك.
بعدين قررت تقلي ايش تشتي مني طلعت يدها بتعب وأشرت على فتحة بعيدة بالجدار فيها أنبوبة زجاجية فيها سائل ارجواني وتقلي جيبيها أنا قمت من صدقي اتقنفز أحاول أوصل للزجاجة وهي تتفرج عليا ومقهورة على حظها ... فكرت بسرعة وجبت الطاولة وحطيتها وطلعت فوقها والحرمة تقلي: انتبهي بتنكسر ** لفتت لعندها وأنا قدني قرفانة اقلها أنتي اسكتي رجعت فهمت على نفسها وسكتت ؛ جبت الأنبوبة .. قالت لي: افتحيها وشربيني .. قلت يالله معليش اكسب فيها اجر .. شربتها :65:
هي زي إلي ارتوت الحمدلله ؛؛وانبسطت مني قالت لي ( الله يسقيك من انهار الجنة وأنا ما راح أنسيلك هذا الجميل اللي سويتيه معي طول عمري) وأعطتني خاتم حلو فيبه فصة فيروزي كبيرة >> انا << قالت لي : (اسمعيني تمام و بطلي الهبل حقك ... الخيتم ذا يخليك تتحولي لأي شخص تتمنيه ...وما ترجعيش لطبيعتك إلا بعد يوم وليلة إذا تغسلتي وغسلتي الخاتم بالصابون )
أني بصراحة قرفت بس ماحبيت ازعلها شكلها ساحرة وتخوف بلد أخذته وسرحت لي ابرك
(( بعد شهر من الحادثة ))
أنا : يمه كل البنات بيروحوا يمه الله يخليك ضبحت أني كله لا كله لا أشتي أكون زي باقي البنات:63:
أمي : يابنتي نحن بأيش مقصرين معك ؛؛ خرجات ونخرجك ونمشيك ونوديك كل مكان ... بعدين أني أخاف عليك.:68:
أنا: يمه حرام عليك معادنيش صغيرة وبعدين يعني بقية البنات إلي بيروحوا الرحلة أهلهم ميخافوش عليهم ولا هو عذر .. أنتي تشتي تحبسيني.. أني خرجتكم متعجبنيش ..أني مليت.. أني مليت .. أني محبووووسة
وجريت وأنا ابكي لغرفتي وأبكي وأبكي وأبكي وابكي >> رجعت تعلق البنت
انبطحت على طهري أقول ايش هذا القهر والكبد والظلم إلي بهذه البلاد ضد البنات ولا يلاقوا شيء كله طبخ ونفخ وحقوقهم مدعسة بالأرض انقلبت على بطني وأنا أقول >> لاحظوا كلام البطن غير كلام الظهر
أني أشتي اخرج أروح الرحالة بأي طريقة نفسي بيوم أحس بطعم الحرية والصياعة ..
وجلست على هذه الحالة اكلم نفسي لمان سمعت صوت سيارة وموسيقى صاخبة قفزت للبلكون أشوف ابن خالي رشيد الخايس مروح من الجامعة ومتصيع آخر صيااااعة .. ياااابخته عايش حياته بطولها وعرضها لأحد يقله وين رايح ولا منين جاي ولا ايش لابس ولا ليش تسوي كذا هو حر بحياته وبأصحابه وبجوالاته محد يسأله ذا رقم مين ولا أنت ليش مصاحب ابن فلان ولا علان .. عايش حياته ولا على باله:66:
هييه الحمدلله هذه حال الدنيا ؛؛ وفجأة طنت براسي الساحرة والخيتم طنه لما حسيت عيني بتخرج .. جريت خرجت الخاتم من الدرج وفحسته بدون تفكير وتمنيت أكون رشيد .
جاني دوار شديد والدنيا كلها لفت لفت لفت لفت >> ياذا التعليق اليوم
سقطت مغمى عليا وصحيت ثاني يوم ؛؛؛
الآقــــــــــــي نـــــــفســــــي رشيــــــد
يتبع؛؛؛؛
Bookmarks