على الله يازمن بشكي .... جروحي والليالي طوال
عسى راعي العنى ينسى ....عناه وينشرح صدره
على الله يازمن بشكي.... همومي والهموم جبال
تعدت عاصمه حزني ....حدود العالم بأسره
خساره يالسنين اللي ...كتبتي قصه الترحال
فرحت امس وحزنت اليوم ... بس الخوف من بكره
لساني كم شكى صمته ... ولا منه حكى ما قال
طغى طبع السكوت بسيره المحروم من صغره
سقى الله يوم انا كنت ... اضحك وبالي مريح البال
ضحوك ما عرفت الحزن ... وش معناه وش قدره
كبرت وكبرت احلامي ... وصارت قصه الترحال
اماني في مهب الريح ... حلم ما اكتمل سحره
عزيزه يالحروف اللي .... سكتي والكلام يقال
حكيتي ما شكيتي الهم ...... .وهم القلب ياكبره
انا منهو فقد صوته ..... وبعض الصوت به ما زال
دعيت الله يفرجها .... علي وبحت انا النظره
اشيل الحمل عن غيري ... وحملي صار ماينشال
كما الشيخ الهزيل اللي .... مشيبه منقض ظهره
وعن حر الزمن صارت .... حروفي للجروح ظلال
تذرت عن هموم الياس .... حلم قد بنى قصره
عساها للمطر روح ... بها وادي الظما ما سال
ويشع النور في قلب ... غشى بين الظلام فجره
على الله والولي الله وبامر الله يزين الحال
ويضحك للزمن قلب من همومه قضى عمره
الشاعر مجهول,,
تحياتي للجميع
Bookmarks