لاتعتذر مال للهجر منك تبرير
وصدك بليا ذنب والله ظليمه
ماصارلي بعدك يفوق اي تصوير
تجددت كل الجروح القديمه
بعدك لعبي هاجسي والتفاكير
وقلب (ن)جريح وروح صب(ن)مهيمه
ماغير اسلي خاطري بالمشاوير
اروح وارجع والهواجس مقيمه
ياحبي اللي بين بيض الغنادير
لك في عروش القلب قدر وقيمه
ان كان صدك ماخذك عني لغير
روّح ولو ان الخساير وخيمه
وان كانها عني خذتك المقادير
فالعفو عند المقدره فيه شيمه
يامرحبا والحب كله معاذير
تشفع لك ايام الغرام القديمه
يوم الهوى لازارني منك أعصير
أضم في صدري من اجلك نسيمه
واليوم اصبر خاطر الوجد تصبير
واقول صدك عقب وصلك جريمه
ولاجاك مني ياهوى البال تقصير
مواقفي وياك والله عظيمه
صخرت لك مشاعر الشوق تصخير
وامطرتك بحبن تقفاه ديمه
وظللتك بجفني وصارت مسافير
يوم الغلا بين النديم ونديمه
واليوم ماتنفع كثير المحاذير
تفاغمت بين النفوس الحشيمه
عسى سنينك روض عشب ونواوير
محد لنفسه يرتضي بالهزيمه
اما تخاويني على الشر والخير
والا السلامه منك راس الغنيمه
كلمات الشاعر / زايد المري
أداء / أدهم علي
م.ن
. . . . . . .
. . . . . .
. . . . .
. . . .
. . .
. .
.
.
.
.
.
في أمان الله
:: لاتـ ع ـتـذر ما للهجر منك تبرير :: >> نصيحه أدخل
Reply With Quote
Originally Posted by ابونواف الوصابي
Bookmarks