بوصقر الفتئ بسئلش عني يامراة
جاوبي ليش طباعش اتغيرت لاتسعد ولاتعجبي
ماشفت السعاده معش ماحققت بش مطلبي
كل ماجيت مشتاق لش مني ليش تتهربي
منذو خمس تعشر سنه وانتي يامراة تلعبي
بـ احساسي وبمشاعري من ليلة غرق مركبي
ااسف عالهوس والدلع ذي لش كان من جانبي
فظلتش علئ جوهره ذيهي من عرب تعربي
حبيتش وانا عادني في سن الطفوله صبي
وانتي للاسف ماكره للفرصات تترقبي
من اجلش حملت الثقل مثل البازل الشرعبي
وعطيتش كنوز الذهب وتنحيت عن منصبي
قولي بعد هذا لنا مني ايش عادش تبي
وان قصدش بساعة صفاء جاهز وانتي اتأهبي
لاتظنين مابي رفش اوماشي زجاء بركبي
لش عندي امانه خذي حقش وقت ماتطلبي
مهما الشيب فيني رماء في راسي وفي شاربي
باقي عاد عظمي قوي نحوش قوم في واجبي
قالت لي وهي غاظبه ماظنيت ياصاحبي
تتهناء وتسعد معي وانته مغترب في دبي
والناحيه لاخراء انا ماقصرت في واجبي
ماهل مقصدك والهدف حط الحبل في غاربي
لاتكذب علئ المجتمع منك مامعي مكسبي
انته ذي سرقت الرمد من عيني ومن حاجبي
قلت لها قسم كاذبه تخسي يامراة تعقبي
با اقبلها اناكذبتش بس عـ الناس لاتكذبي
هذا البوك هذا القلم هذا الحاسبه واحسبي
من بوصقر كم ذي معش من غير الذي تنهبي
قلت لها بيوم العرس هذا بيتنا وارحبي
والخيرات متوفره سعف اهلي كلي واشربي
ثرها للاسف حاقده عن خوتي وامي وابي
سوت منزلي بئسمها واستولت علئ راتبي
واليوم الامور انتهت انتي ماتليقين بي
هاتي دفترش والقلم باءملي عليش اكتبي
انتي طالقه طالقه روحي حيث ماترغبي
من محسن سعيد اقنعي لش دينش ولي مذهبي
الكعبه انا قبلتي ومحمد رسولآ نبي
وانتي كربلا قبلتش مولاكي علي بن أبي
كلمات ابوصقر محسن سعيد السليماني
Reply With Quote
Bookmarks