بسم الله الرحمن الرحيم
السلام عليكم ورحمه الله وبركاته
اذا سالت احد اليمنيين وقلت له من هم الحوثيين ؟
سوف يكون جوابه وبساطه هم عصابه تخريبيه شرذمه منتشره عنصريه هدفها تخريب الدوله ؟
ولو قلت له من وين تعرف هذا كله عنهم ..... هل خالطهم هل تعرف احد عاش معهم هل تعرف شي عن اعمالهم
سوف يكون جواب الاكثريه ......... لا
واذا قلت له طيب من وين لك هذي المعلومات عنهم
سوف يكون جوابه سمعت عنهم في التلفزيون ؟؟؟؟
وكل الي نسمعه عنهم في قناه اليمن انهم عصابه تخربيه وعنصريه و .........و .............. و الخ
ولكن من اي حق يدعونهم بهذه الاسماء ؟؟ يقال عنهم عصابه تخريبيه ؟؟؟ انا لا اجد انهم عصابه تخريبيه ابدا فاذا كانت عصابه تخريبيه لشاهدنا تفجيرات في صنعاء وتفجيرات في كل مكان لكن نحن لا نسمع الا عن هجمات ضد الجيش فقط ؟؟
يقال عنهم عصابه ارهابيه
لكني لا اجد انهم عصابه ارهابيه ابدا فاذا كانت عصابه ارهابيه لوجدناهم يسلحون اهل الجنوب ويقفون معهم وهذا لا يحدث ............. اسالوا الجنوبيين الاحرار
واذا كانت عصابه ارهابيه لوجدناهم يقوموا بما تقوم به باقي العصابات الارهابيه التفجيرات الانتحاريه السيارات المفخخه وقطع خطوط النفط والكهرباء ؟؟
ولكنا سمعنا انهم ياخذون راهائن لكن هذا لا يحصل ؟؟ اعتقد ان البعض يقولون بل انهم ياخذون رهائن
ويقولون نحن نسمع في التلفاز انهم يستخدموا البشر كدروع ؟؟ لكن اعتقد انه ليس علينا تصديق كل ما نسمعه ؟؟ علينا تصديق ما نراه بعيننا ونحسه بانفسنا .
انا كنت اعرف شخصا يسكن في صعده في بدايه ايام الحرب ولم يكن بيني وبينه تواصل الا بعد ما خرج من صعده عبر السفر للسعوديه ثم العوده جوا الى اليمن سالته كيف الوضع هناك قال ان الحوثيين كانوا يسطرون على المنطقه التي يسكنها ويقول انهم كانوا يعاملونهم معامله جيده وانهم اوصلوا لهم الكهرباء والماء والهاتف ............. من وين الله اعلم
ويقول انه في الاشهر الاخيره وبعد وساطه قبليه دخل الجيش قريتهم وانقلبت الاوضاع وكان هذا سبب خروجهم من صعده ؟؟؟ ............. والله اعلم يمكن الرجال كان يضحك عليا
يقال عن الحوثيين انهم يعذبوا الاسرى اليمنيين والسعوديين ولكن عندي كم فديو يثبت العكس ؟
وكل هذي الفديوهات تثبت حسن المعامله والاحترام من قبل الحوثيين ؟؟ وهذا كلام من عند الجنود نفسهم وليس الحوثيين يقولوا كذا ؟؟
اما هذي سجون جيشنا اليمني ؟
هكذا تعامل اسير حرب ؟؟؟ ولا اثر لحقوق الانسان في سجوننا
اما المتردين يعرفوا حقوق الانسان ؟؟؟
لاحول ولاقوه الا بله
وبعدين ليش الحرب هذي كلها ؟؟ ايش السبب طبعا السبب هوه الي تكلم عنه الامام على عبد الله صالح
والي يجلس يكرره كل ما ضهر في التلفزيون ؟؟
يقول : نحن سوف نحمي الشعب الذي يقول نعم للامن والاستقارار نعم للنمو والتنميه نعم للوحده نعم للثوره نعم للوطن
؟؟؟ طيب نشوف نحلل كل كلمه من كلامه حبه حبه
الامن والاستقرار
الامن : الامن في اليمن معروف اذا حصلت سارق في بيتك واتصلت في النجده لازم تحط خمسه الف على جنب عشان العسكر ......... الشرطه في خدمه الشعب .... قصدي في خدمه فلوس الشعب
وايش من امن وامان هذا لما يوقفك مرور عشان مخالفه ولا شي خمس ميه حق التخزينه ويروح له
والله اعلم كم من حادث وكم من ميت من ورا هذي المشكله
الاستقرار : طبعا اليمن مستقره استقرار مشاء الله بس .... على نفس الحال من اربعه الف سنه نفس التخلف نفس الجهل نفس البطاله نفس الرئيس 30 سنه ما عاد بعد هذا استقرار امانه
واحنا كل يوم مشكله ورا مشكله يوم حوثي ويوم انفصال ويوم جني .... ايش من استقرار هذا
نعم للنمو والتنميه
النمو : طبعا وكلنا عارف اليمن بلد نامي من يوم طلع على وما تطورنا ولا شي
تنميه : اموت وعرف بس ايش من تنميه يتكلم عليها عمي علي اي تنميه اذا الكهرب طافي 4 ساعات في اليوم وبشكل متقطع لكن مثل جرعه الدواء
اي تنميه اذا كان الماء اتصلنا لبنامج نوح الطيور عشان ندور على الماء .... مشتاقين له والله شهر وما جاء لنا
اي تنميه والفساد يعم ارجاء المجتمع كله ولا فيه رقابه ولا جدتي اي تنميه والشعب ينتهب حقه كل يوم ومليارات الريالات تروح وتختفي ............. وين اذا كان 50 مليار ريال يمني من شركه المياه تختفي هذي المياه بس وين تروح كل ذي الفلوس ؟؟
نعم للوحده
الوحده : الوحده ما اقدر اتكلم عنها انا لاني شمالي واحنا الشماليين ما نحس بمراره الوحده لكن اخواني اهل الجنوب يعرفوا مراره الوحده ذي وما هي من وحده تاتي بل القوه ؟؟ هذي مش وحده هذي ارغام على التوحد
الثوره : اول شي خلونا نتكلم عن ما صار وراء ذي الثوره يقال قضي على حكم الامامه وجاء حكم الديمقراطيه .............................................
من سمات الامامه انه يحق للحاكم تقليد من يشاء منصب ما يشاء وهذا صاير ايامنا ذي ؟؟
من سمات الامامه القتل والاعتقال والسجن بدون سبب وهذي والله صايره ايامنا هذي ؟؟
من سمات الامامه بقاء الشخص نفسه او العائله نفسها في كرسي الحكم مئات السنين قد لعلي 30 سنه
ديمقراطيه : اعتقد ان الديمقراطيه ليس لها وجود في اليمن الديمقراطيه يعني حريه الصحافه لا يوجد حريه صحافه في اليمن وكلنا عارفين
الديمقراطيه يعني حريه المضاهرات السلميه ولايوجد هذا عندنا ابدا
الديمقراطيه يعني حريه الراي والتعبير عن نفسك مع وثوقك التام بانه لن يتم المساس بامنك هذي ليس لها وجود في اليمن
الوطن : مابش وطن
ايش يعني هذا الكلام يعني خلال 30 سنه حكم الامام على ولا تقدمت اليمن حتى شبر
وكان سبب طبيعي اذا ضهور الحوثيين
او انا غلطان
لا واكثر من طبيعي ضهور الانفصال
وبس
اتمنى تكون قرات الموضوع كامل وشاهدت الفديوهات عشان تتضح عندك الفكره والهدف من موضوعي
اتمنى منكم عدم الرد بشكل غبي وتكرار ما نسمعه على التلفاز بل هات كلام من عندك ويكون له علاقه بل الموضوع
اتمنى ما تنسى التصويت
وفي الختام هذا نشيد الوطني للوحثيين
Bookmarks