السلام عليكم ورحمة الله ...
اسمحوا لي اخوتي ... أن أضع هذه القصيدة في المنتدى العام ... لفترة ... ومن ثم إذا أراد المشرف نقلها فليفعل
ودعوني اخاطب ابنتي بما أحب ......
يا شمعة قفلت كل الدفاتر=وحار الصمت مابين السطور
وحيرتي خطب فوق المنابر=وخليتي ظلام الليل نور
واسلتي الدمع من كل المحاجر=وخالطت الحزن ويا السرور
فلا الأقلام تقدر والمحابر=ولو تكتب تعبر عن شعور
شعور انسان كتلة من مشاعر=ولا يعرف يلف ولا يدور
قصيده راس ماله والخواطر=ويفرح لو يسجل له حضور
تمسك في حبال الله صابر=وكل ساعة يفكر في القبور
قضى ثلثين من عمره مهاجر=مثل ما هاجرت كل الطيور
ولا يدري متى ساعة يغادر=الى رب السما البر الغفور
صحيح الناس يا شمعة مظاهر=ولا ندري بما تخفي الصدور
قلوب الناس شي باطن وظاهر=سنن ربي على مر العصور
وفيه قلوب ارق من الحراير=وفيه قلوب اشد من الصخور
ورب الكون عالم بالسراير=على النيات تقسيم الأجور
عمار الأرض من مسلم وكافر=ونحذر والحذر خير الأمور
زمن فاسد حوى طيب وفاجر=اعوذ بنور وجهه من فجور
ضعاف الطير ماتملا الحناجر=من الأعشاش تخطفها الصقور
وسار اللص عند الناس شاطر=كلتك ان كان ما اكلت النمور
على خلقه إله الكون ساتر=أزال الله من زال الستور
ويا شمعه بها الدنيا مخاطر=تغر الناس والدنيا غرور
عسى الله يحفظك من كل ماكر=ويجعل كل ايامك سرور
يقوله شاعرٍ ما بات ساهر=وعطره فاح من بين العطور
يغلفها بحبه والعباير=بعد ماهلها بين السطور
هدية حب من والد وشاعر=إلى شمعه ولاهان الحضور
مع اجمل وارق تحياتي
والدك
ابو راكان
Reply With Quote
محــرر صحــفي
Originally Posted by ابو راكان
.jpg "**..AhMeD..**'s Avatar")
Bookmarks