يامهندس ياكذاب
بدايه يانهايتنا فتحنا للغرام ابواب
دخلنا سكةٍ فيها تناثرنا وسجينا
تناسينا جروح الوقت وهذي عادة الاحباب
كثر ماهي تعذبنا كثر ماهي تنسّينا
مع الايام تجرحنا ونطوي صفحةٍ بكتاب
تأملنا نهاياته بعد كسره تواسينا
عطينا كل مافيها مشاعرنا بدون حساب
نداري بالخواطر ماتعشمنا بامانينا
نعيش الجرح وآلامه وقبله جرحنا ماطاب
صبرنا والصبر دايم على طوله يعزينا
نرد بصمت والغلطه نعديها بدون حساب
ومل الصمت بشفاهٍ ضماها بس يكفينا
وعشنا والزمن قاسي بلا غربه وكنا اغراب
تباعدنا به دروبه وتبعدنا خطاوينا
خطانا بس صدقنا وعود وهرجة الكذاب
ولكن كثر ماأمهلنا مع الكذاب ملّينا
وهو يدري نهايتها ولكن للأسف ماتاب
حسب من ضعفنا صمتٍ نطاول به هقاوينا
وهذي هي نهايتها قفلنا للغرام ابواب
والا ياليت ريّحنا 00ولا رحنا00و لا جينا
مازال الرجل يصدق ويتحرى الصدق حتى يكتب عند الله صديقاً
الصدق مفتـاح القلـوب المقافيـل
ياماحـلا طعمـه ولونـه وريحـه
لونه بياض وريحتـه كنهـا الهيـل
والذ مـن طعـم الشفـاة المليحـه
بس اعذورني ماعلى الوصف تهويل
ايجمل الاخلاق لو هـي شحيحـه
له وقفةٍ عنـد النسـا والرجاجيـل
مايثبـت الا فالنفـوس الصحيحـه
لـوّه مـره ماضيعوهـا المشاكيـل
ولوّه رجـل مافيـه بنـتٍ تزيحـه
اتعب على الصادق وكب المهابيـل
هذي النصيحه كان تبغى النصيحـه
والكذب ماحبـه ولا فيـه تحليـل
ياخنز ريحـه والوصايـف قبيحـه
لونـه سـوادٍ مجهـمٍ كنـه الليـل
واجمل وصوفه سرعته في مطيحه
ماتلقطه مرات لـو جبـت دربيـل
لكن تحرّص يـوم تسمـع فحيحـه
حبلـه قصيـر وقطّعتـه المقابيـل
هراجـة المقفـي تعـدّه ذبيـحـه
امسيلمه وابليـس والقـال والقيـل
ذولا معازيمـه وياهـي فضيحـه
جنب عن الكـذاب مافيـه تبجيـل
لاحـلـه الله ولا الله يبـيـحـه
منقول
Bookmarks