*** مـــن كـلـمــاتـ الشـاعـر
الـيـافـع ــي أبــــن الصهيبي
وحــــدة النــهــــب والـسـلـــب
وحدة الكــيــد والفــــــيـــــــــد
الحمد كـل الحمـد للفـرد الصمـد=حمداً بماقدّر وماكـرم بـه وجـاد
الفضل لك عالعبد يـا واحـد احـد=عبدك على دين الهدايـة والرشـاد
ولابعظـم حـد ولابخضـع لـحـد=على كريم الجـود طـارح لعتمـاد
قال الصهيبي عـاد قلبـي مابـرد=من ذي على الواقع ومن ذي بالفؤاد
كم قلت ليـش الهـم كلـه والنكـد=جاثم على صدري يقولـون اتحـاد
اتـوحـدوا وتلاحـمـوا يداًبـيـد=ونا كياني ضـاع أعلنـت الحـداد
ضاع الكيان اللي لروحي والجسـد=تاهـة ملاييـن البشرراحـة بـلاد
حالة ومفروضةعلـى كمّـن أسـد=ملفهـا ناصـع وصفحاتـه سـواد
اتوحد الـزرع الـذي يطلـع بكـد=مع قطيع الضان وسـراب الجـراد
وتجمع انتاج البلـد مـن دون عـد=كامل مكمل في جيوب اهل الفسـاد
أتوحـدوا اهـل المصالـح والفيـد=ماحد يحاسب حد وممنـوع انتقـاد
خلاص سار النهب رسمـي معتمـد=بك ياوطن منهوب حسب الأعتيـاد
اتوحدوا كل السرق ماشـي حسـد=كلاًأخـذ سهمـه لنهـب الأقتصـاد
وكل سارق من سريقـة يـوم غـد=يطلب نصيبه من الف لامين صـاد
وتبادلـة كـل الجراثيـم الـمـدد=وتعاشرة واصبـح عددهـا بزديـاد
وتجمّعـوا كـل القرابـع والخـرد=وصلحوا وحـدة عظيمـة للجمـاد
واهل الجذم واهل الجرب واهل الرمد=اتخالطـوا ماحـد يريـد الأنفـراد
من به مرض معدي يبـادر واتحـد=معهم وفودهـم وهومثـل استفـاد
وتكاثرة لمـراض والطـب ابتعـد=يجوز بعض احيان بعض الأرتـداد
وتعاطـف التاجـر وحكـام البلـد=وزاد هذا العطف في سعـر المـواد
هو ذالك المكسب وهـم ذاك السنـد=لو قال بابيـع المواطـن بالمـزاد
وتعانق العابـد وذي ماقـط سجـد=ولاحدى بـه ودّ ولاشـاف الـوداد
هذا بقلبه حقـد مـن كثـر العقـد=وذا معه فتوى يـرى قتلـه جهـاد
وتوازنوا كـل المشايـخ نـد لنـد=نفس الخناجـر والبنـادق والعتـاد
بحكم عٌرفي يحكمـوا قتـل العمـد=والسجن واكد من بخل اوبه عنـاد
وتلاحمـوا كـل الشغيلـة بالعِـدَد=عالأرصفه ماحـد تهنّـى بالرقـاد
ذا همهـم واحـد موحـد والجلـد=ونومهـم واحـد وعدتهـم محـاد
وتوحـدوا كـل المساكيـن الجَـدَد=لطلبـة الله بالشـوارع والرصـاد
لاجل الدموع السائلةفـي كـل خـد=يهل الفضيلةوحدوي مـن دون زاد
وتفاهم الجـلاد هـو واللـي جلـد=كي لا يقول ارتد راضـي بالصعـاد
اتوحـدوا كـل الشياطيـن المـرد=وتفرقـوا اهـل الجرامـل والكنـاد
اتفرقـوا ماحـد تنفّـع واستـفـد=أتشتتـوا واتمزقـوا فـي كـل واد
لكن مصيـر المضطهِدوالمضطهَـد=محتوم مهما طـال ذاك الأضطهـاد
لكل ظالم حد ومـن يـزرع حصـد=باتحصدون احقادنا يـوم الحصـاد
وعاد أول زرعكـم بـالأرض مَـد=وعاد تالي جمرنـا تحـت الرمـاد
ماحد خمـد عـاد العـداوة بالولـد=عاد الـذي يولـد يناديـه المنـاد
والحكم حكـم الله يقضـي ماوعـد=قولك ووعدك حـق يـارب العبـاد
لكل شـي موعـد قـرب ولأّ بعـد=ياناهب الحـق يفعـل الله مـا أراد
المفضلات