رجعنا لكم بجزء جديد من "قصص المدرسه"
اولاً اعتذر عالتأخير
ثانياً اتمنى لكم حسن المتابعه
ولا تقولوا هذه البنت زودة بها^^
نرجع الى محور القصه:-
وانتشر خبر البنات العصابه بين الطلاب وصار كل واحد ينقل لثاني الخبر مع زيادات من عنده:-
حسونه : سمعتوا ياجماعه ان البنات الي بيجوا لعندنا خطيرات مررره ومصايب.
حنان: ايوة انا كمان سمعت عليهم قالوا انه اي احد مايسمع كلامهم يضربوه.
الاء : انا سمعت انهم فصلوهم من 10 مدارس لانهم مشاغبات.
المزهريه : على كذا بنسوي لنا عصابه نحنا كمان ، اصلاً مش معقول البنات يسوو عصابه ونحنا نجلس نتفرج ، اصلاً قالوا انعم مشكلجيات ومحد يسلم من شرهم.
غريبه: ايش ذا !! هذولا قدهم مافيا ماعادهم طالبات .....
وقلك بلك ــ وكلام من هنا وكلام من هناك ــ
واجا اليوم الثاني والكل بإنتظار البنات ومترقبين هاللحظه وكل واحد جالس يتخيل اشكالهم
وبعد ساعه من الوقت المحدد لوصول الطلاب وصلوا البنات <<<< من اولها
وعند بوابه المدرسه وصلوا سيارتين ونزلوا اثنين رجال من السياره الاولى"بودي جارد"
وراحوا لسياره الثانيه وفتحوا الباب ونزلت اول بنت ... عاشقه الانشاد "عشعش" وبعدها نزلت ثاني بنت " مـــلاك " وبعدها نزلت ثالث بنت بنت يافــع "سمسم".
ووقفوا الثلاث جنب بعض ولابسات نفس اللبس ونفس التسريحه ونظارات شمسيه كبيره واجا الـ{بودي جارد} تبعهم وحمل شنطهم ويمشي قدامهم .
والبنات يمشوا مع بعض لغايه ماوصلوا داخل المدرسه واستقبلتهم النائبه.
همسات: اهلاً اهلاً بناتي الامورات نورتوا المدرسه اهلاً اهلاً فيكم.
عشعش: ياااااااي باين المدرسه حلوه كثير يابنات .
ملاك: ايوه الظاهر بنتأقلم فيها بسرعه.
سمسم: هههههه اهلاً فيبك ياااا ... ايش أسمك؟
همسات: انا النائبه هنا .
سمسم: يعني ماعندك اسم !
البنات : ـهههههههههههـ
سمسم: النائبه اهلا فيبك اتطمني نحنا معتبرات المدرسه مدرستا .
همسات: اتفضلوا يابناتي اتفضلوا.
عشعش: يااااااي حلوه المدرسه حبيتها.
ملاك: لا مو حلوه كثير ، تذكرين ثاني مدرسه ننتقل لها كانت احلى مدرسه.
سمسم: ههههههه اسبوع بالكثير وندور لنا مدرسه ثانيه .
همسات: اتفضلوا ارويكم فصولكم.
ملاك: لالا ليش مستعجله ! لاحقين عالفصول ، روينا الساحه واماكن اللعب والمقصف اول ، بعدين روينا الفصول ، ولا ايش رايكم يابنات؟
ترنن ترنن ترنن <<<< اخر نغمه^^
عشعش تطلع موبايلها : الوووووو هااااي مااامي ....ايوووه وصلنا ....مررره حلوه مااامي....ايوووه ماااامي .... خلاص الان بنفطر مااامي....اموووووح مااامي ،،،، وسكرت الخط.
همسات : يابنتي ممنوع تجيبي جوال للمدرسه؛
سمسم: هااااااااه ! اييييش ! ممنوووع !منو قال ؟؟ وليش ممنوع؟؟
همسات: اممممم هذه القوانين هنا.
ملاك: اي قوانين تمنع الجوال وتمنع الاهل يتطمنوا على بناتهم<<< احسن عذر.
عشعش: خلاص من الان اسمحوا بالجوالات لانه مستحيل اتخلى عن جوالي ،، يااااااااي انتوا ليش متخلفين؟.
ملاك: ليش انتوا ماعندكم جوالات ؟.
همسات: اللهم طولك ياروح ،،، يلا ماعلينا بنشوف حل لموضوعكم الان تعالوا افرجكم عالمدرسه.
ولفلفت البنات المدرسه كلها واخر شي فصلهم واول مادخلوا الفصل كل الطلاب يتفرجوا عليهم :-
ملاك: هااااي.
المزهريه: وعليكم الهاااي والرحمه.
ملاك: ههههههه دمك خفيف.
المزهريه: انا داري.
سمسم: لالا شكله الجو تمااااااااام.
عشعش: هاااااي حبايبي كيفكم؟ ياااااااي مبينين حبوبيييين كثييييير.
الاء: هايين حبيبتي اعرفك بالطلاب انا الاء وهذه حنان وهذه غريبه وهذا حسونه وهذا المزهريه وهذا عبد الله وهذا وهذا وهذا....
سمسم: ماااالك يابنتي لقلقلقلق من الصبح ايش فطرتي راديو؟؟
ملاك: ههههههههه بالراحه عليها يازعيمتنا لسه مايعرفوا من نحنا.
عشعش: ياااااااااي ايش ذا ؟؟ اسلوب تطفيش بس مش علينا يا ماما نحنا نطفش بالجن ولا حد يقدر يطفشنا.
سمسم: يانائبه شوفي لنا درج بالخلف ونكون جنب بعض.
همسات: لا يابنتي اجلسوا لكم قدام احسن لكم ، مشان تسمعوا الشرح واضح.
عشعش: لا مستحيل ،، ازعااااج قداااام.
ملاك: ايوووة ازعاج مررره ، اصلا ما اطيق اسمع الشرح
سمسم: يوووووة كم بنعييييد الكلام يانائبه؟؟
همسات: طيب طيب ولاتعصبوا اجلسوا وين ماتشتوا اهم شي راحتكم.
ملاك: ايوووة يكون احسن.
همسات: الان اسيبكم تتعرفوا على الطلاب هذه الحصه كامله مافي دراسه مشان تاخذوا راحتكم.
عشعش: ياااااااااااي كلك ذوق.
سمسم: ماشاء الله عليكِ تفهمي الاصول.
وتطلع النائبه وروحها بمناخيرها من الطالبات وسابت الطلاب يتعارفوا:-
عشعش: اوووووكى اعرفكم بنفسي انا عشعش حبيت المدرسه كثير ونلويه اطول فيها كم شهر بس رجااءً ما أحب الهدوء !!! يعني لو شفت الفصل هادئ ممكن اولع فيه !! مدري ليه احس الفصل ميت وهو هادئ.
الاء : من ذي الناحيه تطمني نحنا مزعجين رقم 1 بالمدرسة بس نادراً نحب نهداء ونسمع الشرح.
المزهريه: خخخخخخخ لالا فصلنا مولع خلقه مايحتاج تولعي فيه.
ملاك: وانا كمان اكره الهدوء احب الفوضه والتخريب والمقالب ممممممممم ومع الايام بتشوفوا وبتعرفوني اكثر.
سمسم: والله انكم على نياتكم قال مزعجين رقم واحد قال ، اصلا ايش تعرفوا عن الازعاج والفوضه؟؟؟ نحنا بنعلمكم اياها على اصول<<<<< حتى الازعاج له اصول.
حنان: طيب ايش المواد الي تحبوها والي ماتحبوها؟
البنات بصوت واحد: ولااااااااااااااااااااشي نحبه ^ـ^
سمسم: اصلاً ليش ندرس ؟؟ مو ناقصنا شي علشان ندرس .
ملاك: ايه بالضبط ليش نوجع رؤوسنا
عشعش: ياااااي بصرااحه اول ما امسك الكتاب احس بدوخه براسي وصعوبه تنفس<<<< ايش دخل .
سمسم: اصلا الي كتبوا المنهج متخلفين عقلياً مثلاً التاريخ .. نحنا مالنا ومال ايام جدتي!!
ايش بنستفيد ؟؟؟ خلاص اكتشفوا الي اكتشفوا الي فات مات.
ملاك: ولا الرياضيات،، ايش دخل الحروز في حياتي وكله كوم والهندسه كوووم.
عشعش: بس بس يامااامي لا تتكلموا على الدروس بيغمى عليا.
عبد الله: والله انكم مجانين الثلاث؟!؟!؟!؟!!؟!؟!؟!؟!!
البنات شهقوا بصوت واحد: هييييييييييييييييئئئـ!!!
سمسم: عيد عيد ايش قلت "تفحس اذنها" ماسمعت؟
عبد الله: قلت مجاااانين الثلاث عندك مانع؟؟!!
عشعش: ياااااي ماله هذا حرااااااااام راح فيها.
ملاك: لالا انا سمعت تمااام شهد على روحك يا ماما
اجت سمسم وسحبت الشنطه تبع عبد الله :-
عبد الله: جيبي الشنطه حقي بلا هباله.
سمسم: تعال خذها.
اجا بياخذها وترميها لملاك
عبد الله: اقولكم بلا هباله ولعب عيال هاتو الشنطه.
ونفس الشي كل ما يجي ياخذها ترمي كل وحده لثانيه
والباقين يتفرجوا من بعيد ويضحكوا
دق الجرس وجا وقت الفسحه
عبد الله: انا رايح المقصف ارجع الاقي الشنطه بدرجي باااي.
والبنات طلعوا مقص وقصقصوا كل الدفاتر والكتب حتى الشنطه وحطوها على درج عبد الله وخرجوا الفسحه
سمسم: هههههههه انا برويه الجنان على اصوله.
عشعش: هههههه احسن خليه يعرف كيف يكلم البنات.
ملاك: عادة ما شاف شي ، مسوي لي نفسه رامبو.
وبالفسحه:-
:::::::::::::::::::::::::::::::::::::::::
الى هنا وتعبت من الكتابه
يا جماعه مدري ايش اقولكم بس انا نفسي ضبحت من القصه
كل ما اجي اكتب النهايه
تطلع لي هدره جديده
عموماً
الجزء القادم بإذن الله يكون الاخير
منتظره ردودكم
والي ما شاف الاجزاء الي من قبل يقولي وانا ارزع له الرابط
تحياتي
بنت يافع"سمسم" ^^
Bookmarks