من أنت؟
أنا المظلوم لكني أغاضي….
كيف توصف نفسك؟
عزتي هي تاج راسي هي تكابر سيف للذلة ودرعٍ مالدروع
شوه أسباب ونينك؟
لو ما هوى الحيين ما ضاق صدري..ولا ونيت مشنوق
لي مـــــا يــــــــــــردد آه ما ذاق طعم الهوى ومعانق الشوق
وشوه أسباب هالدمعه؟
ما تدمع العين إلا الها سبايبها إما وغف أو بها علة ونكادة
شوه هيه مشكلتك بالضبط؟
جفاني الحب واجفتني الليالي وجافاني زماني ثم خلي
تغير صاحبي عنـــــــي ومالـــــي وعزا النفس عني بالتسلي
وشوه حلها؟
لابد للانسان ياخذ حذرها واعرف ترى الايام تطوي رحاها
كيف توصف النا الحب؟
الحب كم طبع ملايين راحوا وانا بالمثل باروح
نريد كلمة تنصح بها اللي يبا يجرب الحب؟
المحبة تتلف الجسم الثقيل لا تفكرها لعوب ومسخره
كيف توصف حبيبك؟
ثقيل العقل لو سنّه صغــــــير خجول ما يكثر م الكلامي
ويعطي الهرج منطوق لطيف كلامٍ به تأدب واحتــــرامي
شوه كنت تقوله؟
حبيبي..
إن نطقت الكل يسمع لك يسمعك لطرش ويصغالك
والبليد إن سج يفهم لك والطيــور اتحــل عــــــدالك
كيف اكتشفت أنه يحبك؟
قريت الحب في مقلة عيونه وعيني فسرت قصد انظراته
شوه كان يصير يوم تشوفه؟
يوم أشوفه أرتبش كنـــي شـــايــفٍ حــــــــكام مع قــادة
واسكرات الموت يغشني وضغط دمي زادت أعداده
انزين هذا يوم تشوفه ترتبش!!…عيل يوم سار عنكم شوه سويت؟
يوم كفي عانــــــق أذراعـــه من عيونه خرت أدموعه
قمت أطالع عقرب الساعه وللوداع أداعب اصبوعه
أوصف لي اش كثر تحبه!!
أحبه حب صعب أوصف شعوري عن التعبير يعجز بي لساني
سمعت أنك كنت تغار عليه..شوه كنت تقوله؟
ما بيك تضحك لهم حتى ولو بالغلط أخاف لي من ضحكت يفهمونك غلط
انزين شوه الكلمة اللي كنت تقولها له من القلب؟
لولاك ما حبيت لولاك ولا عشت في دنيا المحابيب
هل كنت حاس أنك بتفترق عنه؟
لا شك أنا أشعر بالنهاية وش تصير وأحسب حساب فراقنا بالثواني
كيف عرفت أنه يريد لفراق؟
بدى الهجران مثل الشمس يظهر وما ينوي حبيبي ما خفاني
وش أسباب لفراق؟
اليوم حالوا به من الناس عدوان وأصبح طريق الود عفيٍ أثرها
يوم تأكدت أنه يبا الفراق ..شوه حسيت؟
كن القلب يا خل تدميه لمواس والصدر كنه مثور به براكين
انزين ما طلبت منه شي قبل الفراق؟
تمهل قبل لا ترحـــــــل وتبعد وانحرم شوفـك
أريدك بالغلا تســـــــــأل إذا ما يمنعك خوفـــــك
تعال ودع عــــــــيونـــــي تراها مفارقـة مثــــــــلك
وهدي ثورة أشجوني وفارقنـــــــي على مهــلك
ما قلت شي زياده؟
لا باس وإن صديت لا باس تشفى جروحي وأتعافا بعد حين
انزين ما بتقول كلمه للعذال؟
حسبي الله ع الذي سبب شقاتي لي سقاني المر عقب السلسبيل
ما دامه لقى غيرك بديل، وش تقول له؟
ما ينجبر قلبٍ على قلب مادام قلبك ما هواني
وكلمة من قلب.مجروح؟
انته قلبك ما عرف طعم الهوى وما هوى ولا حب يوم ولا انكوى
قالوا انك شفت حبيبك بعد الفراق .شوه قلت له؟
شفتك مع اللي صار عقبي حبيبك واحتارت الدمعــــــه بعينـــي وصديــت
مدري هي الصدفه لدربي تجيبك ما أدري أنا اللي في دروبك تحريت
واذا حبيت أتزيد كلمة ..وش تقول؟
خذ راحتك عيش الهنا عيش الوفا مع من تريد
وعسى الليالي تسعدك وتهنى مع الجو الجديد
شوه تقول للحبيب في الوقت الحالي؟
ليتني ما عرفتك ليتني ما هويت ولا رسمتك في عيني أجمل الأمنيات
لا تلوم الحبيب يمكن الظروف أقوى ..والا شوه رايك؟
لي ما عرف معنى الهوى ولا ذاق تلويع الغرام
يا صاحبي صعبٍ عليه يكمل غرامــــــــه بالكـلام
كلمة أخيره للحبيب؟
راح تعرف ان حبي مع مرور الوقت صايب
راح تعرف في النهايه ما حد يعوض مكاني
راح يكشف لك زمانك من هو اللي كان طايب
ومن هو اللي لجل خله عاند أظروف الزماني
أقول ..ما بتوعد الحبيب بشي؟
لو تفــــــرق بينـــنا ســود اللــــــــيالــي ولو يحول الدهر واصــــروف السنينا
لا حشا ما أنساك لو طال المطالي في الحشا مطبوع رسمك يا الضنينا
انزين بحاول أشوف لك حل علشان يرد لك الحبيب..شوه قلت؟
من تقنع النفس قنعـــــت لــــو تعاتبـــها ما عاد ترجع كما لول على العـــــــادة
ونفسي على ما كرهت ماني بغاصبها ما هي على المخدعه والشين معتاده
ليش تقول إن الليالي ظلمتك؟
خذت من الليالي أعز غالي تفارقنا ولا باليد حيله
انزين شوه اللي يزيد عذابك..خبر حبيبك؟
أمسح دموع العين لي من تذكرت حبك وهمساتك وذيك السوالف
لين متى بتم تذكر حبيبك؟
لين جسمي يندفن تحت الرمالي وارتحل من دنيتي وأصبح دفينا
ليش كل هالذكريات..شوه اللي ذكرك اليوم.؟
ذكرت الخل والعبره اخنقتني ودار بخاطري وقتٍ مضالي
وهبت مطلعيــــــــــة وبــــيتـــتني ويابت لي روايح حد غالــــي
آلا يا ليتــــــــهــا مـــا ذكرتنـــي وخلتني من الليعات سالـــــي
رد مع اقتباس
المفضلات