ثابت عوض

[الكتلوني]

لنا بالارض هيبتنا نهيب اشرار واخياري

=ولا قلنا لها دوري تدور ولا طحناها

ابو وضاح يقول انى انا ذيب الخلا الضاري

=وهوش الوعل والضبيه وداهمها بمخباها

انا بانقض ع الصيده وبانحرها باظفاري

=وبا تغذا بها والهوم من بعدي تعشاها

صدق بو صقر كلمه قالها بترن بافكاري

=وبذني ساكنه كلمة قبيلي ما تناساها

كلامي شبهه بالحب يذري به مع ذاري

=ترفع بالحقيقه من سوافله ل اعلاها

ومنه تخير الصحبه يبيعونه وهو شاري

=ومن ماخذ براسه راس يشرب مر عقباها

ومن يتبع بشور الديك يدخل به بغب طاري

=ومن يتبع بشور البل ترسى به بمرساها

عناصر ضيقه الافكار ماتستاهل اشعاري

=تعرفنا عليها ريت احنا ما عرفناها

بيوت الجهل ماتلقا بها كاتب ولا قارى

=ولايفهم ولا كلمه سوى لا لذنه قريناها

حليوات الطبيله ضيعت نغمات افكاري

=ولعمى جاء يدعس ع الحرائر دي نسجناها

انا قول الحقيقه والحقيقه مر صباري

=ودي يزعل يكسر صابره فى حيط مبناها

ولو مامن بني حجاج اصحابي وانصاري

=لرجعت القطنه فى المكانه دي عهدناها

ثمانيه صف فى يمناي واحدى عشر على يساري

=رجع يبحث عن الجيفه واحنا قد دفناها

اناني بن على ماينظر الواقع بمنظاري

=ويفتح صفحت الماضي واحنا قد طويناها

وانا لابد ماعريه وحطه تحت مجهاري

=وبقضى ع الجراثيم الخبيته فى مخابيها

وبعد الساع شل الخط ياساري

=ليد ابن القطنه سلمه ولا قطعناها

يده لو طالت اكسرها وبا نشرها بمنشاري

=وبارميها للبسم والطواهش بايكلناها


وصل لما دبي واقصد بني عمي واصهاري

=تحياتي لهم واشواق من قلبي بعثناها

وقل حد شاف لى بو رعد ذاك الخازي الزاري

=معانا له رساله من سلاطينه حملناها

وقله بن عوض فى خير لو سا ئل عن اخباري

=تلقينا رسالتكم وع الطائر فهمناها

وكل الشرح دي فيها من الصحه خلي عاري

=ولا كلمه صحيحه من الواقع اخذناها

وقل يوطي لنا راسه ويدفع كل معشاري

=ونحن دي نوطيها ونحن دي رفعناها

مكاني من مكانت بوه يعرف كل مقداري

=ويخفض لي جناح الذل واسراره كتمناها

ولا يعرف بها مخلوق اسراره واسراري

=ولا حاول يعاندني ويتمرد كشفناها

بحوزتنا عليه اسرار قد نكشفها اجباري

=ونعم المصدر الموثوق دي منه لمسناها

عطانا عنه الشيبه صور ماحد بها داري

=بقوة رصد جوي عبر لقمار التقطناها

تقول انك مناضل ونت ماهل بوق ثرثاري

=تثرثر لك ولا تدري باقصاها وادناها

تروى من ينابيعي وكل من طيب اثماري

=ولو لا سمعتي ماكان لك سمعه سمعناها

وبين الام وابنتها بتلعب دور سمساري

=شعارك دي تزوجها على الثاني تبعناها

ودي من عينتك مشطوب اسماهم بطبشوري

=دخيلك ماليمن هذه بلدنا واحن ابناها

وانته رقم مش محسوب لا سابق ولا واري

=هويه فارسيه من بلاد الفرس جبناها

وانا جنسيتي ماهي على ماقلت هنقاري

=ولو ابغى جواز اخضر زمانا قد اخذناها

ولكني يماني واليمن عزي وهي داري

=ولا بالستحق ارض اليمن لو ما حميناها


بلاد الخير بالحمي حماها لو بدى طاري

=وعز النفس ع الجداد و الاباء ورثناها

وسل صنعاء تقل لك بن عوض واحد من احراري

=وانته تنكرك من قوميتها لو سأ لناها

فوادك باحرق من قبل نارك تحرق ازهاري

=زهور الحب دي فى دمنا الغالي سقيناها

وفى قلبك اذا لك قلب انا بادق مسماري

=وعينك بالرمد والطين ياحاسد عميناها

مانه مامعك شي عقل قلدني بك الباري

=تناكرنا من الوحده ونحن دي صنعناها

ومارضى لك تشل المال ياقائد وهومالي

=تناقش لك قضايا مانت عارف كيف معناها

واوزارك خبيثه لا تقارنها باوزاري

=تراك انت اقترفت اعمال احنا ماقترفناها

وانا قررت قاطعكم ولا تراجع عن قراري

=اذا ماتغيرون الاسطوانه دي سئمناها

انا ماجيت لك رغبان جابتني لك اقداري


=وغلطه مطبعيه غلطة الشاطر غلطناها

وثوبي ما حرقته انت حرقته على ناري

=ولما شبشبت لرياح سارعنا طفيناها

وصلو ع النبي ماسبحين احجار واشجاري
=وجنة عدن لواراد الله اويناها

[ابونواف الوصابي]

بن عوض لاغبار عليه

اختيارراقي

لاهنت