مجلس شعراء الشباب اليمني

[ابونواف الوصابي]

اما اخر خبر احبتي عن شاعرنا القدير
يبدو انه غادرالرياض الحبيبه متوجها الى صنعا لاكمال دراسته هناك


اتمنى له التوفيق والنجاح -دعواتكم له بالتوفيق

[وائل عبدالله]

و الله يكفينا فخر انه من اليمن...

[ابونواف الوصابي]

استاذ وايل
شرفت ونورت الصفحه


ياملاالعافيه

[صمام امان]

سالم البركاني .. مهما قلنا في حقك قليل
فالشعر اخلاقه وازانه انت ...............
انت لست شاعر الشباب فقط .. ولكن انت من شعراء الوحدة ..
تبهرني كتابتك بقدر ما يبهرني ما اسمع عنك من خلق ودين ...

كل كلما قلتها في حق الوحدة والوطن هي لسان حال كل يمني .. فانت ممثل الشباب في الشعر

اسال الله لك التوفيق والى الامام دائما ............

تحياتي لك ..

ابو نواف :: تميزك يدل عليه كتابتاتك المتميزه جدا

[ابوالمهندبن علي]

هلا ومليار مرحبا
لمعالي الشاعر القدير العزيز\ابو خالد سالم البركاني

شاعر شباب اليمن شباب الوطن شاعر الشباب

شاعر تألق وامتع واذهل الجمهور من ح لو افكارة
رفع بيرق اليمن الي الثريا
ابدع وتميز بشاعر الشعراء

شاعر مفعم بالمشاعر والجياشة تجاه وطنة ومحبية واصدقائة وجمهورة

يجيد ترصيع الكلمات بالمعاني الزاخرة

ويكفينا قصيدة الرسول الأعظم صلى الله علية وسلم

والشكر للاخ ابو نواف لتميزة وابداعه

تقبل خالص ودي
ودمت بود

[القياده العامة]

يكفينا فخرا انه من اليمن

ويكفي انه يمثل اليمن في اكثر من مسابقه

واشكرك يابونواف على تعريفنا بي شاعر اليمن سالم البركاني

تحياتي لك

[ابونواف الوصابي]

مشكورين وماقصرتم يعطيكم العافيه
والله ودي اعطيكم كل الاخبار عنه
بس قولو ان شالله

[عبد الرحمن كحلا]

تسلم اخي كلامك كله حكم

بس ما نعرف قلم من لاغلب القصائد

ولو انها مش منقوله
تحياااااتي للجميع

[طلال خصروف]

تسلم يا ابو نواف
إن شاء الله نعمل بالنصيحه
لك مني كل الحب

[ابونواف الوصابي]

ان شالله

حفظا للحقوق الادبيه

[ابونواف الوصابي]

لا تحرق اعصابك


ياصاحبي لا تحرق اعصابك تبي تكتب تبي تشرح حروفك للحزن
خل الزمن يرسم بقايا بسمتك خل البداية تنتهي باحزانها

امحي زمانن جرّح عيونك ونادي فرحتك ياصاحبي رغم المحن
اكسب صداقة تنبني لك بالوفا لا بالكذب لك تنبني جدرانها

ما ظنتي وقت الحزن ودّك تفضفض للهوى لكن تفضفض لك لمن!
عوّد بقايا لهفت ايامك تجاري غدرها لا زارتك ازمانها

ادري بتتلعثم تقول انك رحلت وجار بك دمع العيون اللي سكن
ادري بتتلعثم تقول انك نسيت اللي توارى وان زمانك عانها

بدري عليك اللي تقوله لي ترى حبّك بداية قصّتن تبغي لحن
تبغي لها اوسع خيالن يحتمل مر الكأبه لا طغت الحانها

ارسم خريطة عالمك وبني لنفسك موطنك وازرع وفا تجني وطن
حاول تناظر شاطئك حاول تمدد ناظرك لا يشغلك مرجانها

لبعد مدى ارحل بليا قاربك عانق صعوبة موجها لكن بفن
ركز شويه وابتعد لآخر مسافات الزمن لا تشغلك بلدانها

واحذر زوايا غرفتك لا تلتمس فيها شقوق امطارنا تصبح محن
مثل القصيدة لا تغنت باللحن لازم تواصل فنّها بوزانها

ابقى رزينن فالمحبة واحتظن زهرة شبابك لايهزّك صغر سن
شفت البشر! لا تحسب انها تبتسم لك لا تغرّك بالشكل اسنانها

جامل غرورك وابتدي رحلت شموخك للوفا واسقي روايات الزمن
واكتب بصابع رحلتك انك تخطية الجفا باحلى ورق ف غصانها

ياصاحبي لا تحرق اعصابك تبي تكتب تبي تشرح حروفك للحزن
خل الزمن يرسم بقايا بسمتك خل البداية تنتهي باحزانها


.......................



عسى ماشر يا شعري..!




ألا يا شعر لا توقف تحيرني بنظراتك
علامك تذرف دموعك عسى ماشر يا شعري

ترى والله ما ودّي اجرّح فيك كلماتك
ولكن وقتي القاسي حلف يقطع مدى صبري

ألا يا شعري المقتول لا تحزن على أوقاتك
إذا قبرك مكانه ينحفر فيني وعلى صدري

حبيب العمر خلاني وشو اكتب بصفحاتك!
اكيد الحزن يغمرني وبكتب عن شقى عمري

علي واجب اجاري الليل وافتح له ملفاتك
ترى ضاقت بي الدنيا وخذني الهمّ لو تدري

انا آسف وسامحني لكنّ الوقت قد فاتك
حلفت اكتب حروفك دم يا شعري على قبري

تمرّ ايام يومن لك ويومن ينوي شتاتك
نهارن ينتزع ثوبه وليلن يبتدي يسري

جت الدنيا تمشينا وهذي دنيتي جاتك
أيا شعري تعال وعلّم الكلمة بحر فكري

ولا توقف تناظرني وتحرجني بنظراتك
انا بكتب ولا يمكن اسامح وانت بي تدري

وانا والله مو بيدي إذا حزني بكلماتك
واذا بيدي نبض قلبي عسى ينفذ مع صبري
------------------------------------
قالوا لي انســى...!)


لا تحسب إني عن طيوفك قد سهيت
أو تحسب إني من دروبك قد رحلت

ايه والله إنك عن طعوني ما دريت
والمشكلة لا صرت انت اللي طعنت

ببقى معك بسقي خفوقي لو رميت
قلبي على قبر المحبة أو دفنت

روحي وعقلي والهوى ولا غديت
حلم فحياتي وانت غيرك ما عشقت

ما تحيد يوم اني لقلبك قد شكيت
ودرتني لجرحي وتالي انسحبت

تدري الليالي في عيوني لو طريت
او شفتك ابعيني بصدفه من سرحت

مقدر ابين لك شعوري لو حكيت
ما طاعني وصف المشاعر ما قدرت

حاولت انثر لك خفوقي مالقيت
دربن يشاطرني فحزني لا حزنت

قالوا لي انسى قلت ناسي وما نسيت
معذور قلبي يالغلا لامن كذبت

ايه والله اني من جروحك قد بكيت
وبدموع عيني هالقصايد لك كتبـت

.......................

شعري تعكّر دفترة

الصدق ولا والكذب يا مكثرة
والحب لا ماعاد يسلك خطوتي

باسباب وقتٍ قد تغير مصخـره
فيه الخلايق زيدت بي حرّتي

اوزان شعري توتزن بالمسطره
واسقي زماني من بواقي جرّتي

الناس تهوى عالم امن الثرثره
وانا هدوئي ينبني في درّتي

اللي غلط لا جاك لازم تعـذره
وانا التسامح دوم يضوي دنيتي

اعلم بان العفو عند المقدره
واعلم بان الودّ يشفي حالتي

ياوقت شعري قد تعكّر دفتره
محدن توصل للذي في صفحتي

صار التعامل هستره في هستره
حتى الرزين إليا نطق يا حسرتي

ماعاد ننفع للزمن لان اكثـره
كذب ونفاقن مايساير فكرتي

صار التعلم وردتن في مقبره
كن الجهل يا كل بقايا قريتي

كنت الوقوف بلا خوي ما اقدره
والحين ما اظمن اخوي بوقفتي

مقدر اوصّف داخلي والمعذره
لان الألم يشكي بقايا وصفتي

اللي يلاقي فعل خيرن ينشره
لاني تعبت اكتب وصايا كلمتي

ياوقت شعري قد تعكّر دفتره
محدن توصل للذي في صفحتي
................


خلاصة كلمتي

جرحني بك زماني والقدر داوى جراحاتــــك
وانا منّك زماني ماقدر يسعف جراحاتـــــــي

تبين اشكي معاناتي لجل ارضي تفاهاتــــــك
تبين انزف دموعي لك لجل تظهر علاماتـي!

تحسبيني ضريرن ما اشوف إلا بنظراتـــك!
تحسبيني ابرجع لك وانا أحمل معاناتــــــي!

أنا ماقد عرفت انك تبادلني بلحظاتــــــــــــك
كذا تبغي على كيفك تشاركني بلحظاتـــــــي!

تعبت انثر تعبت اكتب تعبت اشفع لزلاتـــــك
تعبت ازحف ورى كذبك وأشكي لك بنظراتي

قطاري ياحبيبي فالمسا كله ترى فاتــــــــــك
بيبقى لك نهاري ينتظر توصل محطاتــــــــي

كفايه مابقى فيني وانا شكواي لك جاتـــــــك
اناديلك وانا اسمع صدى صوت لمناداتــــــي

رضيت انك تمشيني وتفرض كل قراراتـــــك
تعال اسمع انا ودّي تبادلني قراراتـــــــــــــي

خلاصة كلمتي فيها أبنهي بي علاقاتــــــــــك
نسيتك يا بعد عمري وهذي لك خلاصاتـــــي

سرحت بعالمك وآنا تجرجرني ملذّاتـــــــــــك
تصحيني على همّك تمسّيني بآهاتــــــــــــــي

تراسلني على كيفك وتتناسى براحاتــــــــــك
انا برحل ولا يمكن اعاود لك بطلاّتــــــــــــي

دخيلك ابتعد بسّك ترى مابي حساباتــــــــــك
ولا حتى ابي منك تحاسبني بزلاتـــــــــــــــي

توارى حبّك ولىّ وعفته من حماقاتــــــــــــك
وحبي لك انا اعتبره حكايه من حماقاتـــــــي

واذا تبغي تعاندني وتتركني بصفحاتـــــــــــك
أبحرق دفترك كله واخلي لك كتاباتـــــــــــــي

على فكرة إذا تبغي تعاود لي تصالاتـــــــــــك
ترى رقمك انا والله مسحته من سجلاتـــــــي
----------------------
...............................

ضمى عاشق


تريتك على مقعد حديقة لهفة الأشواق
احاول اخلق الفكرة واجاريها بأوزاني

رسم لك جسمي المغرم بأشواقه على الاوراق
قصيدة قالها شاعر ولونها بألحاني

تمنيتك تجي جمبي وتعرف حالة المشتاق
دواي انته ومن يقدر يداوي علّة احزاني

طبيب الحب ياعمري لزومن يكشف الاعماق
يحاول قد مايقدر يعالج كل ما جاني

انا مابي حياتي يحتويها لا كذب ونفاق
انا ابغي تنسيني زمانن فيك ابكاني

حبيبي خذ بإيدي وابتعد لآخر فضا الآفاق
وطيرني على كيفك وحرّك مصّدر اشجاني

انا ماجيت انقل لك كلامن من هوى العشّاق
انا جيتك ضمى عاشق وقلبي فيك اوصاني

ألا يا ليلي المضوي ألا يا نجمي البرّاق
سكنتك وانت ماتدري وحبك زيّد اجناني

انا اكتب ومدري وش ابا اكتب على الاوراق
ترى وقتي من الضيقة تركني فيك واعماني

تعال وزيد بي حبك وطفي شوقي الحرّاق
تعال وأشعل الشمعه ونرحل عالمن ثاني

فديتك عجّل اشويه انا مقدر على الافراق
ترى والله العظيم انك بقايا نصفي الفاني

انا توّي على مقعد حديقة لهفة الأشواق
اناظر فالسما وادعي تجيني الحين تلقاني


.................................



غيمت ظلام..!

ضاق صدري وادمعة عين السعادة في غيابك
واسبحت غيمت ظلامن عمت ارجاء المدينة

وانتشر لون الكآبه وابتدى يظهر سرابك
وانتهى عهد المحبة وانزفت عيني الحزينة

لا اتمادي في رحيلك لا تزيدي بي عذابك
وارجعي لي يا فتوني وأمري باللي تبينة

ارحميني واسكنيني دثريني في ثيابك
وافتحي صفحة جديدة والعمر لا تحسبينة

ادفني بذرة سنيني وازرعيها في ترابك
واتركيها في ظلالك واجعليها لك رهينة

عيشيها بين صفحات الغلا واحمي كتابك
واحذري صمت الزوايا لا تغرك بالسكينة

احسبي ايام عمري لا يظيعني حسابك
واكتبيني في مماتي "زهرة العمر الدفينة"

لانّها ظاعت سنيني وانهشت لحمي ذيابك
وانتي يا قلبي عسى متضيع من عمرك سنينة

احظني من دنيتك لحضة مسى زهرة شبابك
أشتريها بالسعادة والحزن لا تشترينة

بنتظر لحظة رجوعك دام قلبي قد رضى بك
وارتمي بيد الظلام وأرتشف لذّة حنينة

ووعديني تمسحي دمعة عيونك في غيابك
واوعدك ابقى سجينن خلف اسوار المدينة



شفتك..!



اصدق اذا تبغي تكمل حياتك
واكذب اذا تبغي تجرب سيوفي

ماني هذاك اللي تصيبه رماتك
لا لا ولاني اشتكي لك ظروفي

كنك تبي تغطي بقايا سواتك
شفتك ولا يمكن تسامح حروفي

يالله عسى محدن يلملم شتاتك
مثل الشتات اللي حبسته بجوفي

مالي فخر امشي واخاوي شراتك
مثلك ابد لا ما يشرّف صفوفي

لا شفت نفسك تهت وحدك جزاتك
لنّك من ايديني تركت الكفوفي

هذي صلاتي لي وهذي صلاتك
ابعد وابعد عنك يا سرّ خوفي

خلي معك كذبك يجاري حياتك
حبل الكذب ابنقطعه بالسيوفي

احذر ترى يمكن تصيبك رماتك
يمكن من الحسرة تراعي ظروفي

لكن خلص لا لا تغطي سواتك
شفتك ولا يمكن تسامح حروفي
----------------------
نزعة اشواقي



على ذاك النسيم اللي يداعبني ويرسم فالهوى عينك
سرى ليل الخميس وظلمة كل الشوارع في شرايني

وانا احسب ثواني العمر بايديني وانادي يالضيا وينك!
واناظر ساعتي كن العقارب واقفه تبغي تداريني

كذا وقت الخلايق نايمه وآنا أدور لفتة سنينك
ودقّت صورتك باب الخيال وحاولت لجلك تواسيني

تبادلك الورود الزاهية نغمة دلالك كنّها طينك
وتتراقص على لحن النسيم اللي بألحانه يحاكيني

عسى تبقى شموع الحب بيدينا وتضوي بيني وبينك
ويبقى قلبك الصافي يعاهدني وعلى وعده يصافيني

وكم تسوى الاقي بسمتك فيني وإيدي تلمس ايدينك
وفي زحمة شوارع دنيتك ادعي عسى طيفك يناديني

ولا تنظر لكل الناس لا تحسب عددهم كم محبينك
وأحسب نزعة اشواقي بتلقى في ضلوعي لك ملاييني

انا حبك يدفيني ويكفيني ضياك و طلعة جبينك
بتنظر في يمينك في شمالك كل جهاتك ما تلاقيني

وشفني داخلك تلقى دموعي تنتظر لحضة لقى عينك
تعال وأمسح دموعي تعال وشلّ من جسمي سكاكيني

تعال وعانق الدمعة عساها تجف لو تعرف متى حينك!
لأني منتظر طيفك يجي يلقى دوى اللي به يداويني

على نفس النسيم اللي يداعبني ويعبر فالمسا سنينك
طلع صبح الخميس و ولعت كل الشوارع في شرايني

رجعت احسب ثواني العمر بايديني وانادي يالمسى وينك!
واناظر ساعتي كن العقارب واقفه تبغي تجاريني

[صمام امان]

يعطيك العافيه اخوي ابو نواف على هذا المجهود المميز ..

تحياتي لك يالغالي