أخواني واصدقائي الاكارم
اسمحولي ان احط اجمل ما نطق به ( عمار الجنيد )
والذي بعنوان ( عشقت اسمك ولا أدري )
غريبة إن الصداقة يبلى بعينك ويطري بعيني
وزهر الشوق يذبل فيك وقلبي بلوعته طاري
غريبة قلبك الغالي يفكر يوم ينسيني
ويتركني اضيع بحرقتي ما كنّه بداري
نسيت انك انا واني زرعتك في شراييني
إذا كان الصداقة ذنبي يبارك ربي أوزاري
سقيتك من ندى روحي وقلبك دوم يظميني
تبيع الحب وتذبحني وانا ولمحبتك شاري
نقشتك في زوايا القلب وانت اشلون تمحيني
ترى يا جنتي جهزّت لي في غيبتك ناري
غريبة الشوق يأخذني وحرفك دوم يكويني
يدمر قيصري وملكي ويحطم كل اسواري
غريبة قلبك الغالي يعذبني ويغويني
ترى هذا الرشاد الي مقدّر لي من الباري
صراحة بوحك المعجون بالأسحار ضيعني
وخلاني اسير الوجد والنجمات سمّاري
انا يا بهجة ايامي وجدتك سر تكويني
وقرأت الصبح بعيونك وفيك الليل قمّاري
انا اثبت لك حبي وانت اشلون تنفيني
إذا ضاق الهوى فيني انا من ليلتي ساري
أحبك قدر رمل الأرض وبلا اسباب تعنيني
بلا شوفك بلا صوتك عشقت اسمك ولا داري
تقبلوا كل ودي
Bookmarks