أجينا للفضايح ... الله يستر علينا ...
طبعاً كل منا في طفولته مر على مواقف منها ما هو مضحك ومنها ما هو محرج .. ولكن في الأخير كلها تصب في مواقف رااائعة من ذكريات طفولتنا ...
يختلف الصغار عن بعضهم .. منهم المشاغب ... ومنهم الهادئ والذكي ولكن يضلون هم نور البيت ...
في صغري كنت من الأطفال المشاغبين جداً .. لدرجة ان اهلي كانوا يسمونني
" مشاكل"
هههههه
طبعاً كل يوم لازم اسوي مشكلة هذا اذا مش 10 مشاكل ...
حفظ الله والداي الذان تحملاني في طفولتي وعلماني الى ان صرت مدركاً للأمور ..
في يوم جمعة ... لا ادري كم كان التاريخ في ذاك اليوم ..
الموهم..
كنت يومها في السادسة من عمري .. كنا انا وأهلي مقيمين في جدة مستأجرين في عماره بجانبها مسجد ...
عودني ابي على الذهاب معه الى المسجد في كل يوم جمعة ... وهذه عادة مازالت متواجدة وبكثرة في ايامنا هذه ..
و من الطريف ان يوم الجمعة لازم أضيع بين حشود المصلين واخلي ابي يدور عليا هنا وهنا يعني اخوكم كان ما يحب احد يمشيه .. كنت احب امشي لحالي ..
صادف ذاك اليوم ان والدي معه مشكلة وكان طفشان ..
راح المسجد من غير ما يأخذني معه ...
انا جن جنوني\:\: ... لان المسجد في يوم الجمعة كان زي الرحلة بالنسبه لي ...
رحت الشباك ابكي وانا اشوف الناس تحتي رايحين الى المسجد .. وانا اتعذب بهذا المنظر ..
فكرت انتقم واقهر ابي واخليه يندم على فعلته
...
رحت الحمام اجيب ماء عشان ارش الناس ... و اسوي مشكلة يتحمل عواقبها والدي ..
كنت رايح جاي من الحمام الى الشباك .. اجيب ماء وارشه فوق الناس ..
بصراحة كنت اتعذب بسبب العوائق الي كانت واقفة امامي
.
واول هذه العوائق ان الناس كانت تمر بمسافة بعيدة على الشباك .. وما اقدر اوصل لهم الماء(: ..
حتى البعض الي يوصل له ماء .. يلتفت لي وانا في الشباك .. ويبتسم .. ويمشي \:
يزيد يحرق اعصابي .. .. وكأنك يابو زيد ما غزيت
...
فكرت في حيلة اقوى عشان الفت انتباه الناس
..
رحت وجبت صحن كبير فيه ماء ... بلت فيه ... وعبيت الماء في اكياس عشان المسافات البعيدة ...
والله ما ادري كيف جائت الفكرة ... يعني أي شيء للمشاكل لازم ادور له حل ...
بعد ما خلصت شغلي وعبيت جميع الاكياس ..اخذتها وحطيتها تحت الشباك .. عشان تكون غريبة مني ...
اشوف الى الشارع وانصدم .
... ما في احد في الشارع ... يعني شغلي هذا طااااااار .. هههههه
على العموم .. انتظرت شويه .. << انسان صبور في عمل الخير
الا واشوف الناس خارجة من المسجد .... وانا طرت من الفرح .
.. ايش الفلوس .. ايش المراكز الاولى في الدراسة ولا حاجة عند فرحي يوم شفت ناس كثييير .. .. تخيلوا كنت اتمنى يمر شخص واحد تحت الشباك ..
اعطاني الله على نياتي ومرر لي اكثر من مئة شخص
...
ساعتها كنت خايف تجي امي من الخلف ... لكن الحمد لله كانت نايمة ... كمان اعطاني الله على نياتي ..
وجاءت ساعة الانتقام هعهعهعهعهع
كان معي 3 قنابل قصدي 3 اكياس تحوي على اليورانيوم المخصب ...
انتظرت شويه لما شفت ناس تحت الشباك مباشرة .. رميت الكيس الاول ..
و.......
خسارة ما اصاب احد .. لكن سقط في الارض .. وتطاير منه اليورانيوم المخصب .. واصاب اكثر من 10 تقريباً من الناس الي تحت الشباك ....
في البداية محد صاح .. كنت رح ارمي نفسي من الشباك من القهر ..
لكن صبرت شويه وبعد ان بدأت رائحة اليورانيوم بالانتشار ..
بدأت الناس تصيح ... وتسب لي ... وتأشر الى الشباك الي سقطت منه القنبلة ...
اول ما سمعت ان الناس تصيح .. اه ارتحت وفرحت بشكل يجنن .. ما فرحتة ذاك اليوم يعادله الان حصولي على سيارة اخر موديل في اليانصيب .. << شرير .
تشجعت لما شفت ردة الفعل من الناس .. والناس تحتي بالعشرات تصيح وتتفرج الى الشبك وانا اتحدى ... مساكين الجماعة .. ما كانوا يعرفون ان معي قنبلتين قيد الاستخدام ....
بعد تفكير طويل دام اكثر من دقيقة قررت رمي القنبلة الثانية .. ولكن لازم اغير المكان ...
مسكت الكيس بقوة .. وشديت نفسي وبذلت كل جدهي
وووووو...... هوباااا ... رميت القنبلة الثانيه في مكان اخر وفقاً للخطة ...
شويه واسمع الصياح والسب ... وانا فرحااااااااااااااااااااااااااان ...
طلعت راسي من الشباك عشان اشوف اضرار القصف
...
والناس تأشر على الشباك ... وتصيح ... مساكين والله لما اذكر الموقف الان ارحم حالهم ذاك اليوم ..
اما عن حالي في تلك اللحظة .. كنت احس اننا حققت انجاز كبير
...
بدأت أفكر برمي القنبلة النووية الثالثة .
...
وانا اتفرج على الموقف الرائع على الناس وهي تسب وتصيح .. و تأشر على الشباك ..
وانا في الشباك اتحدى ..
والدي كان من الخارجين من المسجد في تلك اللحظة ..
شاف الموقف المخزي ... خرج من حشود المصلين بهدؤ ... دخل البيت من غير ما احد يحس فيه .. معة مفتاح الشقة ..
شويه الا واحس حد يسحبني بقوة من ورا ويقفل الشباك بسرعة البرق
...
وعينك ما تشوف النوم .. من اللطم والكفوف
...هههههههههه ...
طيب كنت ابكي واصيح .. عارفين عشان ايش ؟؟
لاني ما قدرت ارمي القنبلة الثالثة
... خسارة على ألفاضي ههههههههههههههههههه
لو تعيدوا النظر الى التاريخ الحرب العالمية الثانية ...
رح تلاقوا نفس قصتي .. كانت بين أمريكا واليابان ... عندما رمت امريكا على اليابانيين القنبلتان النوويتان المشهورتان الى يومنا هذا
هيروشيما .. وناجازاكي
للعلم ان أمريكا كانت تمتلك قنبلة ثالثة لم تستخدمها ....
وانتم اربطوا الافكار ....
وشوفوا اخوكم الي يستفيد من تاريخ الحروب ...
هههههههههههههههههههههههههه
اللهم لا حسد على العقلية الفذة ...
تحياتي ... (;
Bookmarks