دكتور: تكفى؟ وقف الدرس!!

[ابونواف الوصابي]

}..


دكتور تكفى وقف الدرس لاهنت!!
وشلون ابفهم حط نفسك مكاني..

لاصار خلي هو حبيبك وانا انت!!
وتشوف خلك رايح لشخص ثاني..


دكتــور أمنتك أمــآنه وآمــنت!!
منهو وفا فينا ومن هو أنـاني..


أمشي بدربه ولا انـا ماتعيـنـت!!
إلا وجـرحـه عن دروبـه حـداني..


تمكن بجرحـي وانا ماتمكـنـت!!
تمكـن بغدري بـعـد ماعمـاني ..


أحسنت في ظني ولاظني أحسنت!!
أحسنـت في ظني وظني عصاني ..


دكـتـور دونـي اذا مـا تـدونــت !!
عـبره لغـيـري دام ربي بلاني..


السالفه شابت وهي توها بنت!!
ماتت امـاني بس تبقى اماني..


دكتور تدري كمل الدرس هونت !!
خلاصـ أبفهم دام خلـي نسـاني

منقول

[طه الحمزي]

كلك ذوق ابو نواف

القصيده في غايت الروعه

ما اجمل ما تختار استاذي

وفقك الله ولا هنت

[ابونواف الوصابي]

يسلمو ع الاعجاب
وع المرور
دمت ودام لي هالمرور الاكثر من ممتاز

[ملاااك]

قصيدة حلوة والحلو ذوقك في انتقاء القصايد دمت اخوي للمنتدى ولكل من يعزك الله يحميك تحياتي وتقبل مروري

[ابونواف الوصابي]

ماقصرتي مشكوره ع الدعوه الجميله
يعطيك الف عافيه