"في حزّة الليل" جديدي لكم......

[عبدالرحمن المريسي]

بلآآآ مقدمـآآت....!!


..................



"في حزّة الليل"

/
.
/
.
/


جاني اتصال البارحة في حزّة الليل
رقم(ن) غريب(ن) ما أشوفه لانّها عتمة

مرحب ألو من هو معي "فيميل" أو "ميل"...!!
قالت هلا مليون باللي ما نسيت اسمة

يلعن ابو ذا الصوت والله هدّني حيل
كنّه جمع كلّي بدفتر وابتدى القسمة

قالت انا شوقي من اللهفة ترى يسيل
وانته سما الدنيا وانا لك فالسما نجمة

وانته هواي اللي اشمّه نفحة الهيل
وانته غلا روحي وزاد القلب في همّة

أمّا انا...... ياويل قلبي فيه ياويل
يلعن ابو جدّ العواطف هزّني بكلمة

طار المنام اللي بعيوني وكنّي الخيل
كنّه غرس فيني الغرام وخالتة وامّة

زادت سوالفنا وقلبي له بدا يميل
فجأة سألت..اللي لفاني يا ترى شسمة..!

قالت "فلانة" تعشقك والله ترى حيل
وارتاح قلبي وبيّنت في شفّتي بسمة

قلت النهاية وش تبي يا نجمة اسهيل؟؟
قالت ابي حبّك يدثّرني وانا لمّة

وانّي ابي قربك وابي منّك مراسيل
قلت ابشري والله لخلّي منزلك قمّة

من بعدها نامت عيوني والوله سيل
والله على صوتة سرى همّي مع همّة

هذا اتصل البارحة في حزّة الليل
والله يعيد البارحة بكرة على العتمة


.........................



تحيآآتي للجميــع...


::المريسي::

[ابونواف الوصابي]

مااقول الا
جمل الله حالك وبيض الله وجهك
كثر خيرك
كفيت ووفيت
وحضورك معنا شرف ومفخره لنا

[شموخ عزتي]

يعني طلعت فيميل !!
قصيدة رووعة
وذا البيت عجبني

هذا اتصل البارحة في حزّة الليل
والله يعيد البارحة بكرة على العتمة

مشكور ولاهنت

[عاشقة الإنشاد]

سلمت يداك شاعرنا عبد الرحمن المريسي
جزيت خيراً وننتظر قلمك دوماً

[عبدالرحمن المريسي]

ابو نوآف الوصآآبي

شموخ عزتي

عاشقة الانشآآد

يعطيكم الف عافية على المرور وما عليكم زووود...

دآآمت نبضآآت قلوبكمـ****

ودمتمـ للمنتدى..

كونوآ بالقربـ***


::المريسي::