بسم الله الرحمن الرحيمالجرح عاده ما التئم
بقلم : طلال خصروفيا من فؤادك صخر صم
طبعك خلاص قد إفتهم
كيف تشتي اتناسى الألم
يا خل وانت اللي ظلم
لا عاد تفكر ان أكون
بعد الوجع طيب حنون
كيف تشتي اتناسى الشجون
والجرح عاده ما التئم
كيف تشتي اتناسى الأسى
واقول خلاص قلبي نسى
اللي عليا قد قسى
ما بايرجعه الندم
لا عاد تفكر ان تعود
وانت الذي خنت العهود
قلبي بوصلك كيف يجود
من بعد فيك انصدم
قلبي الذي قد كان ولوع
من عشقتك أصبح قنوع
لا عاد تفكر بالرجوع
يا من لأحلامي هدم
لا تطلب اليوم السماح
وانت المسبب للجراح
في بُعدك القلب استراح
والدهر لي قد إبتسم
يا خل انت اللي خسر
وانا الوحيد المنتصر
فاحزن عليا واقتهر
واسكب دموع العين دم
Bookmarks