((أربـع فـصـول))المريسي

**عبدالرحمن المريسي** · 04-12-2008, 02:14 PM

دموع...

نبدأ بهـآآ أهـآآزيج الحزن المتوآآصـلة....

دموع...

تنجلــي خوفــآ من ان يرآآنـآآ احــد...

دموع...

تنحصر بين الرومش وتسيل من غزارتها

دموع... ولـكـن..!!

لا تزال في عيني حتى مرور ثمانية فصول من العمر...!!

/
.
/

((~أربــع فــصـــول~))

لا تسأليني يا عيوني وش جرى..!
لا سال دمع العين في خدّي سيول

لأني دريت ابدمعتي بس مادرى
دمعة عيوني ترتجي تبغي الحلول

ما زالت الدنيا.... تجرجنا لورى..!
مثل الحكاية لنتهت... بس من عجول

منّك بكيت وأحرمت عيني الكرى
لجلك.... انا مابي محبّتنا تطول

سنتين ساكت عن محبتنا ترى
كنك نسيت ان السنة اربع فصول

للحين جرحي يشتكي تو ما برى
من دمعتي حتى المطر ينوي الهطول

يبغي يواسيني إذا اسمك طرى
يبغي ينسّي وردتي دنيا الذبول

رويتني بعدك..... وانا لك لم أرى
حلّــ(ن) لجرحك في سما حزني يجول

وش يجبرك تدفن سنيني بالثرى
مالك عذر تنسى ولو بعدك يطول

لو قصّتي تبقى على اوراق الورى..!!
والله تلاقي قصّتي هزّت عقول

هذي حروفي لك وذا ليلي سرى
مب مستريح وذي حروفي لك تقول

والمشكلة للحين مدري وش جرى...!
مدري...ودمعي لك بدل حبري سيول

ابكي واناجي الليل وحدي ومادرى
إني أبي ابعد وألاقي لي حلول

ما دامها الدنيا...تودّينا لورى
ببقى انا وحدي وأرجع يا عجول

حتى ولو جرحي مع شعري برى
ما تكفي احروفي وجرحي بي يجول

راضي بليلي يحرم اعيوني الكرى
راضي ولو بعدك مع وقتي يطول

الحين لو اسمك على ورودي طرى..!
يحزن على ايامي ويصرخ بالذبول

خبيت لك قلب الوفا تحت الثرى
لاني حسبت ان قصّتك تبقى تطول

بنهي قصيدي لأن ليلي قد سرى
مدري على فعلك انا وش لك اقول..!

سنتين تبعد...!! جد ثقيلة بي ترى
كنّك نسيت ان السنة أربع فصول

...................................

كونوآ بخيــر...

فقد انـتهت الفصول الأربعة..!!

جـل تـقـديـري...
/
.
/
::المريسي::