اروع قصيدة واجمل ما قيل في القائد البطل المحنك المهيب صدام حسين المجيد

[ابوالمهندبن علي]

ثقيـل الليـل وعيونـي عَصَيّـه= غَدَت لي فـي ظلامـه حاتِمِيّـه

أغالب دمْعهـا و الدمـع غالـب= و لابه خَدّ ما هـو لـه ضِحيّـه

تِطاول في ظـلام الليـل حزنـي= و ضاقت بي وَسـاع المهْمِهيّـه

هموم ٍ في همـوم ٍ فـي همـوم ٍ =تِضيق بْهـا حـروف الأبجديّـه

أحس من الغضب فالصَدْر بِـذره= تِمِـصْ مـن العـروق الشمريّـه

و كم بذرةْ غَضَب قبْلهْ بِصـدْرِي= نِمت وَ أوراقهـا خِضْـر ٍ نِديّـه

نِمت حتـى غـدا وآرف ظِلالـه= مِقيـل ٍ ياسـع هْمـوم البِـريّـه

قِتيل الغبْـن و الحسـرات قلبـي =و لا له في سُلُـوم الغبْـن دِيّـه

غَبن مما أرى و اسْمع و أعايـش =صور تِثْقِـل فضـاء الشاعِريّـه

شِتات و ضعْف و اسْتِعمار غاشم= يبـونـا نقْبَـلـه و بأرْيَحِـيّـه

وِ آخِرْهـا وَ لاهـي بالأخـيـره =مَعَ المشنوق في عِيـد الضِحيّـه

مَعَ اللـي زاد موتـه و بْجـداره= سِجـلات الخـنـوع اليعْرُبـيّـه

مَعَ اللي منْظـر اعْدامـه ذَهلْنِـي =له الله منْظر ٍ وِشْ هـزّ فِيّـه؟!!

رُفض يِخْفي عن الجلاد و جهَـه= وِ قابَـل كالجِبَـل وجْـه المِنيّـه

له الله كيف ما غمّض و لا أرْمش= و لا هـزّه نِـبـاح الرافِضـيّـه

وِقفْ فوق المنصَّه فـي ثِبـات ٍ= مِهِيـب ٍ يعْجِـب النفْـس الأبِيّـه

كأنه حاكـم ٍ مِـن فـوق منبـر= يبـي يِلْقـي خطـاب ٍ للرِّعِيّـه

وِقفْ شامخ وِ ذَكَّرْنـي شُموخَـه= شموخ جْبـال سلمـى الحايلِيّـه

رَحل صدام وآخـر شَـيِّ قالـهِ =أ نّ الله ( أَحَـدْ ) و أحمـد نِبِيّـه

رِحيل ٍ صـاغ للتاريـخ صـوره= تبي تبقـى مَـعَ الأجيـال حيّـه

بِكيت و لا تِحَسْـب إنـي بِكيتـه =سِبـب رِقّـة عواطـف إنثوِيّـه

و لاني يوم مِـن أنصـار ظلْمـه =و حزب البعْث ما هو حِزْب لِيّـه

وِ لكِنّـي ذِرفْـت الدمْـع لَـمّـا= عَرفت أعْماق و أبْعـاد القِضيّـه

رَحل صدام فـي مشْهـد يِأجِـج= فِتِـنْ وِيْزِيـد نـار الطائِفـيّـه

رِحيلٍ عَجَّلوا بَهْ فَجْر الاضْحـى= وِ فالتّعْجِيل بَـهْ مقْصـد وِ نِيّـه

وِصل يا بوش مضمون الرسالـه= يِجَلِّـي كِـل مسْتـور و خَفِيّـه

وِصل وِ إن كان في قومي عقول= ٍ تَغَابـتْ عَـن مَعانِيـه الجِلـيّـه

سلامي يـا زعامـات الكراسـي= أسوقه في أسى صِبْـح و عَشِيّـه

و مِنّي قبل مـا أنهـي قِصيـديِ= لكـل النايِميـن أحـلا تِحِـيّـه



ودمتم بود

[ابونواف الوصابي]

القصيده رائعه
ممكن تشيرالى المصدر يالغالي