بنت (المملكـــــــــه)
ان بغيت الطيب فيها طيب مامثله مثـــــــــــيل
وان بغيت الحسن ربي صاغها باروع جمال
وان بغيت الجود فيها جود من عرق أصيـــل
هذي ( بنت المملكه ) بنت تضاها بالرجـــال
متعرف اليأس أوقوله (بعيد ) أو (مستحيل )
ماتلاقي عندها تعريف للكلمه (محـــــــــــال)
الصبوره .. القنوعه.. ترضى بالشي القليــــل
لو ماأخشى من الملامه كنت ألبسها عقــــــال
الرقيقه .. الحنونه.. راعيه بال طويـــــــــــــــل
الكريمه .. العظيمه.. ماتقصربالوصـــــــــــــال
بنت أبوها تخدمه بعيونها لو هو عليــــــــــــــل
وأمها تفخر بها وتدعي لها بولد الحـــــــــــلال
أي وربي للسعوديه انا مارضى بديـــــــــــــــــل
يابعدهم بالرطب ياللي كسر سوق الخــــــــــلال
يالجميله .. يالأصيله .. جيت لك مثل الذلــــــــيل
يطلب القرب بوصــــــــــــــــالك جننه زود الدلال
يالحشيمه .. يالرحيمه .. ياوفيه بالخليـــــــــــل
زان طبعك من جدودك وعمامك والخــــــــــــوال
من يلوم اللي غدى من نظره بعينك قتــــــــــيل
لو يحاول أو يقاوم؟!! ماله بموته محـــــــــــــال
ان حضرتي تشعلين الحفل بالخصر النحيــــــــل
تبهرين الحفل وأنتي تصبحين الأحتفـــــــــــــال
من يشوفك غصب عنه قلبه المغرم يمــــــــــيل
ماهو بكيفه وين مارحتي معاك القلب مـــــال
انتي نهر مايجف من العطا بالسلسبيــــــــــــل
وانتي في دنيا الهوى وطبع الوفا أروع مثال
انتي أختي وأنتي أمي زكل أحساس جميـــــل
وانتي العشق الحقيقي وزوجتي وام العيـــــال
لو ألف الكون كله ماألاقي لك مثيــــــــــــيل
انتي وحدك.. لايهمك من حكى فيكم وقـــــــال
انتي مثل النجمه اللي تضوي الليل الكحيـــــل
وان يطال سهيــــل فانتي النجمه اللي ماتطال
منقول
Reply With Quote
Bookmarks