1- اتجددت جروح قلبي ولازال-
ينزف غلا وانا احسبه كان ناسيك
2-من يوم شفتك حالتي صايره حال
اثر المشاعر كلها هايمه فيك
3- ابتجرئ وانشدك كيف الاحوال
لخبط لساني ماعرف وش يحاكيك
4- يمكن تقول احراج ولاانت فالبال
ودي اجي جنبك واسولف واراعيك
5-اغليك من قلبي غلا بدو رجال
ماهو غلا حوله مصالح وتشكيك
6-غلا البدو ياصل ليا حد الهبال
لكن اسمعني عسى الله يعافيك
7- بيت المذله مالنا فيه منزال
ابوي وصاني عن الذل ناهيك
8-وصيت تسوى جنيهات واموال
وتسوى رصيد بنوك بالكاش والشيك
9-تبقى عزيز النفس وماتملك ريال
اهون من الذله ومليا مخابيك
10-لكن لاتحسب زمانك ليا طال
دايم بيبقالك ودايم يصافيك
11- ترى دوام الحال لك شي محال
وان كان ماتفهم زمانك يربيك
12-وعلى الذي يغليك صادق لاتختال
يبغى غلاك وتحسب انه يعاديك
13- حكمه وصارت للبشر دوم تنقال
لاتخسر اللي حاول فيوم يشريك
Bookmarks