عنواني
نعيش نعيش ونفرفش وزله تابعت زله=نغني كل اغانينا ونمرح قدر الامكاني
نشوف الزين اذا يمرؤ نؤولو محلى هالطله=ولك تؤبرني يا ألبي مرورك والله احياني
نصدق كذبة الكذبه نحيب ان الحيا دله=نبهرها على الكيف ونزيد البن صنعاني
غريبه وشلي غمدنا وحنّـا سيوف منسله=غريبه شلي قعدنا وندري ان الجسـد فانـي
واذا وقت الحشر جانا وش اللي نقـدر نقلّـه=نقول إنّا فزعنا له !؟ أو انه كـان وحدانـي
نقاطع ..اييه بنقاطع وناخذ حق رسـول الله=بقول..وفعل..ودعوه..وروحٍ تقهـر الجانـي
أشوف الريـح يتألم..ودمـع الغيـم مُنهلّـه=ونبض المسلم الصادق دون شعـور بكّانـي
يبون يبعثروا قدرك وهم أصلاً علـى الذِّلّـه=تطمـن لا يهمونـك مـادام فعمرنـا ثانـي
نسافر في سما حبك وفيـك الـروح مبتلّـه=ولا نوصل سما حبـك ولا يشبهـك انسانـي
محمد يارسول الله ترانا قوم مُهبلّه=عشانك يارسول الله نفصل ثوب الاكفاني
سعودي لو ركب راسه فضاء الكون يحتله=يماني لو وصل حده يبيع الموت مجاني
وسوري بس يكفيهم اذا هم شاهدوا ضله=عمناي مرعب ومرعب اذا ما قال انا عماني
اماراتي وبحريني يتلون العقل تله=سيوف الدين لاقامت دروع بصدري الايماني
من المشرق الى المغرب تهيج الكون مُختلّـه=على "الدنيماركي"الفاجر اخو الزنديق والداني
جيرل فرند" واشياءٍ علـى الأخـلاق معتلّـه="ليدي بوي" ونساءٍ أبـد ماهيـب نسوانـي
وفيهم من عرف انثى تُوضّعها شريـكٍ لـه=تزوجها وبعد يومين جـا مولودهـا الثانـي
ألا ياشعب.. ياواطي بـلا ديـن وبـلا ملّـه=الا ياشعب.. بلا عنوان..تعال وشوف عنواني
أنا مسلم وابن مسلم ولي رب ورسـولٍ لـه=محمد/مصطفى/هادي على الإحسـان ربّانـي
وخلّى النـاس تتبعنـي وخلّـى دينكـم قِلّـه=وخلّى الحق بيديني وذكر الله علـى لسانـي
أنا مسلم.. ولي غيره تهـد الكـون و تحِلّـه=أنا مسلم.. ولي مصحف على الأديان وصّاني
لكم دين ولـي ديـن)وادري دينكـم علّـه=وعمري ما أمس دينٍ تبرّت منـه الأديانـي
واذا ريح المساء يقدر يغيـر موضـع التلّـه=يمين الله لأذبحني وأغيـر موضـع أعيانـي
------------------------------
حلم عمري
حلم عمري ياجماعه ماهـو بصعـب المنـال=حلم عمري ماذكرتـه ليـن اتعبنـي الجنـون
احلم بـ"بنتٍ" عفيفـه الحسـن فيهـا جـدال=لا مشت نادى المنادي غضّوا يانـاس العيـون
جلبابها يحكي حكاوي تضرب الحشمـه مثـال=لامطرز..لامخرز..ولايهمـهـا وش يـكـون
المهم يستر حلاها عـن هـوى قيـل وقـال=وعن عيون الحاسدين اللي مثلهـا يحسـدون
دايم بوقت المصاعـب فعلهـا فعـل الرجـال=واذا وقعت بمشكله ما غمضت فيهـا الجفـون
دايـم بوقـت التراخـي سيـدة كـل الــدلال=تحضن اطراف المعاني والصدر دايـم حنـون
هادءه في كل شي وناعمـه فـي كـل حـال=حتى في قسوة بكاها تظهـر انـواع الفنـون
فن شرقي وفن غربي وفن جاي من الشمـال=وفن جاي من الجنوب اللي ترانيمـه شجـون
أصلها يحكم عليهـا تحتشـم عنـد السجـال=وانها تصـدق كلامـي ولـو اهلهـا يكذبـون
ودايم تقدر وجودي وتحفـظ السـت الخصـال=الاوله..وقت التحدث يسبق الصـوت السكـون
والثانيه..وقت المشي.. شامخه مثـل الجبـال=حتى اطراف العبايـه شامخـه مثـل الكفـون
والثالثه خصله غريبـه أشبـه بعلـم الخيـال=اشبه بطفله صغيره تاخذ مـن اللـون لـون!
يعني لا نامت تغطي جسمها بفـرش الوصـال=وتاخذ احساسي وساده قطنها شعـر ودخـون
والرابعه..والخامسه..و..شي فـوق الاحتمـال=والله ماودي اقوله وما ابـي ارمـي الضنـون
كاملـه والكامـل الله وان حكينـا بالكـمـال=نوصف اشياء غريبه بعضهـا مـا تفهمـون
الشعر قصـه غريبـه اسـود بلـون الليـال=اشبه بذيـك الجميلـه اللـي تعقـد معكـرون
والوجه شمس الحيـا..او قمـر فـي اكتمـال=ينبعث منـه الشعـاع اللـي يسمونـه نيـون
والجبيـن الممتلئ"سجـده" تزودهـا جـمـال=من كثر حب السجود ودعوة اللي مـا يهـون
والخـدود الراويـه اشبـه بحـب البرتـقـال=قصدي نص البرتقال اللـي تغـذى بالمـزون
والعيون اللي تباهت والرموش اقصـر طـوال=تشتكي طول الليالـي والحبيـب اللـي يكـون
والشفايف مثل جمـره تنتظـر ولـد الحـلال=وياليتني ولد الحلال اللي انتظرها مـن سنـون
والخشم مثل الحسام اللي لمـع عنـد النـزال=احد من سيف الوليد ..وامتن من سور السجون
واكتفي باللـي ذكرتـه واختتـم فيـه المقـال=لاني ..أخاف من الشباب يدوروها من تكـون؟
------------------------------------------------
الاقنعه
أقبلـت أمّـي وشافتنـي طريـح=وانحنت تلمس جبينـي مسرعـه
قلت يا أمي أبـد مانـي جريـح=بس ذا صاحـب جبرنـي أقطعـه
كنت إذا يحزن أصيح ولايصيـح=كنت أحاول قد مـا اقـدر أرفعـه
كنت إذا يتعب أطيـح ولا يطيـح=كنت إذا يمشي أَغَمّـض واتبعـه
ياما حكوا عنه وقالـوا بالفصيـح=صاحبك إخشـاه لا تمشـي معـه
وأنا الذي خليت هالكون الفسيـح=ونمت عينـه و ضليـت أسمعـه
صاحبي نـادر ولامثلـه سميـح=صاحبي حـب و فـؤادي موضعـه
صاحبي رياح الوفى ماهو بريـح=صاحبي غير الضنـون المزمعـه
آآآه ياجسمٍ غدى مثـل الصفيـح=وآآآه ياصاحب ذبحنـي مطبعـه
مادريت إنـي بتفكيـري شحيـح=ومـا دريـت إن الأوادم أقنـعـه
والأقنعه لابد فـي يـوم وتسيـح=وكل من لابـس قنـاع بينزعـه
إلا بعد ماشفت مَنْ عطره يفيـح=يَحْقُر بوجه الصداقـة ويصفعـه
وغمضت أمـي وخلتنـي طريـح=وقالت أدعي لك مـن الله السّعـه
عِلّتك علّه مـن الممكـن تزيـح=إنثر إحساسك وحـاول تجمعـه
والوجع لا زاد في الضرس القريح=الدوى انك مـن جـذوره تقلعـه
----------------------------------------------------------
اخي العربي
القوي يفرض وجوده في الضمير=لاتكلم كلنا نسمع كلامه
احترامي لبوش شارون وبلير=دامهم صقر وعروبتنا حمامه
قيدونا بين ماصار ويصير=خلّوا العار بنواصينا علامه
بوش ياراعي الفكر يامستنير=بوش يامظلم وعاجبنا ظلامه
بوش يامخلص لدينك ياكبير=ياأبو الاخلاص قلدهم وسامه
لو كلنا نخلص ونخلص للأخير=كان ماشفنا بعيشتنا ندامه
همنا بس كيف شهوتنا نثير=ارقصي (هيفا) وغني يا(سلامه)
عايشين بفلم كوميدي خطير=بطولة (اللمبي) مع( فاتن حمامه)
من يطير بوسط حلمه مايطير =والسلامه وانت طايح لا سلامه
والصغير الليا خذا بيده صغير=احترامه واجب يزيد احترامه
يا أخي العربي كفاياك المسير=ادفن الراس وتخبّى كالنعامه
لو تصيح بنبضك وتملى الأثير=المعتصم ماحد قدر ياخذ مقامه
ودام تفكيرك بهالأحداث غير=ووحده المولى هو الباقي دوامه
فكر بنفسك وكن جدا ضرير=فكر بهندامك وشكل الوسامه
وشهي بغداد وفلسطين ومصير=وشهي دمعات الثكالى واليتامه
وشهي الحاجه بيَدّين الفقير=وشهي اللقمه من اكياس القمامه
وشهي الراحه على ظهر الحصير=وشهي النخوه وانفاس الشهامه
وشهي العزه ومثلي يستجير=بواحد(ن) مثله ولا عنده كرامه
سني وشيعي وزيدي والكثير=انبرى المذهب وأولى اهتمامه
واصبح المأمور في ثوب الأمير=وانتهى المشهد إلى عهد (الإمامه)
والا غيره وش بقى لجله نغير=يُغتصبن اخواتنا واحنا هيامه
يازهير اسمع كلامي يازهير=مابقى في الناس ذمه واستقامه
حتى ركعتنا نأخّرها وخير=وكم رجل فينا ولا شاهد إمامه
نبتسم والآآآآه بالداخل سعير=نحبس الدمعه بقيد الإبتسامه
نأخذ الأنفاس من غير الزفير=خايفين ان النفس يخرج سهامه
نحترم من ساقنا مثل البعير=نعتصم بحبال من ذل وهشامه
والقوي يفرض وجوده في الضمير=لاتكلم كلنا نسمع كلامه
واحترامي لبوش شارون وبلير= دامهم صقر وعروبتنا حمامه
----------------------------------------------------
تحياتي إلى عابد رضى واسلم=تحياتي إلى عاصي مع الفجار
أفتح موجة الرادو على اف ام=واسمع موجز النشره وحار بحار
وكم ميتم بأمتنا وكم ميتم=وكم تيّار يجرفنا ورى تيّار
سماحة دين ناخذها مثل مرهم=بعد ما صارت العشره خمس أعشار
وقال البوش عالماشي وقلنا تم=وقال بلير عالماشي وقلنا صار
مجرد هم عيشتنا مجرد هم=مثل لعبه ونلعبها على أدوار
ليه الناس ما تنطق وانا اتكلم=وليه اتهور وأحمل هموم الدار
وليه الشاعر الواعي غدى متيم=يهوجس في هوى ليلى وبنت الجار
وليه الشاعر الواطي غدى أنجم=وصار لكلمته دوله وعود وطار
وليه الناس بالمظهر بدت تهتم=وصارت تفقد الجوهر ولا تحتار
وليه اتحمل همومي وهم الجَم=وغيري ماعدى همه حدود البار
وانا ياسادتي بَنظُم هنا وانظَم=وافجر ماسكن فيني على مسمار
وادقه في جدار القاف واتسلم=زمام المعركه واطلق هنا انذار
ولو كل العُرْب تنطم أنا ما انطم=لأني من وطن حرّه تدر احرار
وربي فرق الناطق عن الأبكم=وبعض الناس لو ينطق يهد جدار
وانا ادري من لسان البعض ما أسلم=لأني واقعي جداً ووقعي نار
ألااا يلعن عروبتنا عروبة غم=وانا منها بري حتى ترد الثار
هذي بغداد شوفوها بدت تهرم=وهيَّ في صبا طفله بعمر ازهار
وذا صدام في عيد الهدي إنْكَم=ولو هو فاجر وطاغي وفيه اخبار
وربي لو بَقَت فينا قُطر من دم=ماكان اتشمتوا فينا أولي الأبقار
وصار محمد الخاتم بنا ينذم=وصار اسلامنا لعبه بيدين انفار
وبعد لبنانا كيف الشرف يلتم=واحنا همنا شجب وكفا وانكار
ويوم المارد الفاجر بها اتأثم=دعينا يامتى يوقف نعيد اعمار
أيا بيروووت ما فود الندا للصم=هذولا بس مسامعهم ترن اوتار
هذولا همهم لعب وهو مهندم=هذولا همهم شرب وفعال اصغار
وجوب احنا رجال العرب نتلثم=ونتستّر كما أنثى خذاها العار
لأن افعالنا ضاقت بضيق الفم=وحتى وحشنا أصبح يخاف الفار
غزونا بعولمه وفكرٍٍ غبي أعجم=وصرنا نحسب الحسبه ببخس اسعار
مدون في دفاترنا نبيع بكم= نبيع المسجد الأقصى بكم دولار
ونبني كل ثقافتنا (بِلاء ولم)=ونصبح كالحمار اللي حمل أسفار
واذا الصهيوني اتمادى نقوله سم=تفنّن اذبح واذبح ولا تحتار
تفضل ابطش بكيفك ولا تهتم=هذولا ذِلّة العالم عيال احجار
وانا ببكي وليه ما ابكي وأتألم=مادام الغيم وهو شاهق بكا أمطار
وأدري با يجي بكره ونتعلم=من الحاضر الى الحاضر دروس كبار
وافرش كامل جروحي هنا واحلم=ببكره ياعسى يصبح لنا مقدار
------------------------------------------------
دستورالحُب
تعالي وافتحي الدفتر وشوفي وش جرى فينـي=انا والهم والغربه و"وعدٍ" من ثـلاث شهـور
وصوره في طرف حائط ودمعٍ في هدب عينـي=وقلبٍ ينبض بحبك وعقد مـن الغـلا منثـور
اذا تنسين انا ما انسى ولـو جفـت شراينـي=واذا تقسين انا ما اقسى لأني في العشق معذور
رحلت وشفت انا اجناس.. هنا مصري فلسطيني=هنا حبيت انا صنعا ونجد وريحهـا المسحـور
هنا قالت لـي احبـك.. هنـا كانـت تبدّينـي=هنا اهدتني الـورده.. وخلـت دمعتـي بلـور
هنا كان الهنـا مـره.. هنـا كانـت تبكينـي=هنا حبيتها باخلاص.. هنا كان الوله مسعـور
هنا كان اول انسانٍ ..علـى كيفـه يمشينـي=هنا كانت بداياتي.. هنا كـان اللقـى مقـدور
هنا كانت نهاياتي ..هنـا ضاعـت عناوينـي=هنا كانت الهنا مره.!!.وقلبي في وسـط تنـور
تعبت استنـزف جراحـي واقـول الا تحبينـ=صحيح انتي تحبيني؟! تعالي والحضن مهجـور
أموت واحتضن صدرك وشعرك يلمس يدينـي=واشده من كثر حبك تصيحي يـا حبيبـي ثـور
ويدك من ورى كتفي تجـي ترعـش تدفينـي=ويدي من ورى كتفك تخلي للشعـور شعـور
ثلاث ايام فـي قربـك تـداوي باقـي سنينـي=ثلاث ايام في قربي تخلـي خاطـرك مجبـور
وانا والهـم والغربـه وكحـل الليـل وانينـي=ودفتر يحمل اهاتي وقدرٍ في الحشـا محفـور
انـام وساعـة التنبيـه وعـدٍ بينـك وبينـ=وقبل ماتضرب الساعه "أفزز" أراجع الدستـور
احبـك فـي بنـد واحـد ..أمانـه لا تخلينـي=واحبك في بند مليوون وقصه من ثلاث شهور
أبحكيها على الماشـي واذا طولـت ضمينـي=لانك عايشه فيها وفينـي يـا حمـام الـدور
أنا في البارحه شفتك حسبـت انـك تنادينـي=وكانت في يديكي زهور مثل مافي يديني زهور
وقلـت الله ياقلبـي اكيـد الـيـوم تهديـنـي=وترفع قدري فعيني وأصير بدنيتـي مشهـور
ومـرت كتفـي بكتفـك ولا كنـك لمحتينـي=حسافه ماهي الهقوه وش اللي غيرك يالنـور
وانا ما ابي ابد تفسيـر ابيكـي بـس تحكّينـي=عن الماضي وسوالفنا وعهدٍ بيننـا مشطـور
وعينٍ تبكي الفرقـى ونبـضٍ يسألـك وينـي=وطفل طاح في حضنك ومن وقته غدى مذعور
وبيتٍ بوّل الشارع على سوره تركتيني=وقلتي باكر الموعد وباكر من ثلاث شهور
----------------------------------------------------
الفساد
أنا شاعر ومن حقي أوصّـل للبشـر ماكـان=واحكي قصة بـلادي ولـو زودتهـا شويّـه
بلادي كنت أحسبهـا بـلاد الديـن والايمـان=حسافه ماهقيت انهـا بـلاد أكبـر حراميـه
تمرد هنجمه ثوره غـرور بداخـل الشريـان=أموت وينتهي ذكري وتبقـى ابياتـي الحيـه
أنا أكتب من احساسي وأحس بحسرة الشبّـان=أنا أكتب لأجل ناسي وعادي لو حكـوا فيـه
يماني رغم عن أنفي وعن أنف البشر والجان=يماني وحامل همومي على الحكمه اليمنايـه
بلادي المرتشي فيها له الدوله له السلطـان=بلادي المؤتَمِن فيها مواطـن خـارج النيـه
وزير وضابط وجندي موظف منهمـك تعبـان=سباع بداخل الغابـه لهـم أطبـاع وحشيـه
أشوف الوحده بعيني وأحس بداخلـي حرقـان=وينك يا "علي صالح" تشوف الناس همجيـه
أنا الاقوى أنا الاقوى أنا اللي أقـرب لعـلاّن!=أنا اللي والدي واصل أنا النجمـه السداسيـه
"يا قائد" اقعد شويه ترى ضوء الفجر مابـان=تعال وشوفنا "دمعه" على الـدوره الحكومـه
نرشح ضلك ونمشي على نبضك بدون اعيان=ونفتح دفتر الماضي على الصفحـه الفلانيـه
نشوف الوحده العضمى ونهديلك شذى العرفان=نشوف الشيب في راسك حكم وآمال مرويـه
"ياقائد"عادها الدوله تبي من جهدكـم أطنـان="ياقائد" لاحظ الجوله وشوف النـاس منسيـه
عجوزٍ يندب الماضي وطفلٍ ينـدب الحرمـان=وثكلى تطلب اللقمه على الطرقـات مرميـه
وفاجر في وسط جوله"مرور" أرعن وكحيـان=يبرر غزوة الرشـوة أمـام النـاس علنيـه
طالب يحبس "الآآهه" يناجي المرتجى الرحمن=الهي احفظ بـلادي مـن المستأجـر وغيـه
وبنتٍ تجهل الكلمه أبوهـا يسكـن القضبـان=تغداها الزمـان وراح ينـدب حضهـا زيـه
طلبتك ياعلي صالح إذا كان الفسـاد انسـان=يكـون اعدامـه بيـدك إذا ماكـان بايديـه
ومثل ماعندنا طالح ورابح في الأصل خسران=أكيد بأرضنا "صالح" وشوفوا "الصالح" وضَيّه
وزير وجندي وضابط موظف يعشق الإحسان=جنود الله في أرضـه رجـالٍ فردهـم ميّـه
"مرور" صادق وواعي أمانة دولته ما خـان=يعرف إن الرجل "مبدأ" ما هو بأوراق نقديـه
قبائل تسكن الماضي وحاضرها على الأجفان=شبـابٍ تسكـن الحضـر بنخوتهـا قبيليـه
أنا شاعر ومن حقي أوصـل للبشـر ماكـان=وأحكي قصة بـلادي ولـو زودتهـا شويـه
بلادب كنت أحسبها بـلاد السّـرْق والخـوان=لكن خيبت ضنـي وصـارت حيـل "نشميـه"
---------------------------------------------------------
Bookmarks