بلا بنتٍ عليها جنـز .. بـلا لبنـان وبلـودان
بلا بدّي وشـو بـدّك وكلـي لـك وتؤبرنـي
أنا مابي سوا البرقع ..يخالـط ريحـة البـدوان
إبيهـا وارد سعـودي وأبيهـا اليـوم تقبرنـي
بلا جعتّا بلا بيروت .. معاها شيشـة النعمـان
غرامي واقسم بربـي فتـاة العـف وسمرنـي
صحيحٍ لبسها مخصر وفتنـه لإنسنـا والجـان
ومنهو شافها يطلب .. عسـى ربـي يصبرنـي
وانا ماعم فـي قولـي ولكـن أكثـر النسـوان
ليامـن مـرّت بجنبـك قسـم بالله تذكـرنـي
خصوصاً لا مشت قدمك وأنت بخلفها طربـان
عليّه بالحـرام إنـك تقـول المـوت حجّرنـي
وليامنها عطت جنبٍ وشفـت مخصـرٍ رويـان
دخيل الله وبعد الله لا تشكـي عايـض القرنـي
من هنيّا مبي بـدّي وشـو بـدّك مـع لبنـان
أبـي لبيـه ويالبـا تتـل القلـب وتجبـرنـي
وانـا لبيـه منيّـا وتضـرب وادي العجمـان
وتنزل في حـدود بقيـق وتاخذنـي تعمرنـي
على نجدٍ مع الطايف على مكه ابـي الإحسـان
وتاخذني على جـده وصـوت الهاتفـي يرنـي
وأدق السلف متنومس ونـاوي ديـرة الخـلان
وأحـول للخبـر ثـمٍ أقاهـر مـن يقاهرنـي
ولا أنسى دار أبو مشعل ولا انسى دار أبو سلمان
ولا أنسى ديرتي لْكويت وفيهـا مـن يعبرنـي
بعدها دْبي ودار الحي .. إماراتي لحـد عمـان
خليجي لعنبـو منـه يلـوم القلـب وجابرنـي
على حب السفر يجبر فؤادٍ..ضاميٍ.. عطشـان
على ريح الخليج اللي علـى طاريـه يعطرنـي
أبتجول على كيفـي .. بـدار العـز والإيمـان
وأنا بديرة هلـي وربعـي ولا ديـرة تفقرنـي
جــــــــــــارالله الشدي
Reply With Quote
.gif)
(( أحبكم في الله )) 
Bookmarks