لا تستغربوا من موضوع هذه المشاركة
فالشعب اليمني فعلا ثريّ ولا يعاني من الفقر ماديا
فقر الشعب اليمني في عقله ... وهذه هي المشكلة الأساسية
وكمان أعطيكم بعض الصفات التي جعلت من الشعب اليمني يبدو فقيرا
هذا الشعب للأسف لا يشكر الله .. لذلك مهم كان دخله اليومي كبير
لم ولن يستطع أن يدخر أو يستفد منه شي
يا جماعى أديكم مثالين ... مثال نجح ومثال فاشل
نبدأ بالفاشل علشان نزرع الأمل في النفوس بأن في هناك بارقة أمل
قبل حوالي اسبوع كانت السيارة في الحي .. فخرجت للشارع العام أجيب واحد ينظفها
معروفين في صنعاء الشباب اللي يغسلوا السيارات في بعض الأماكن
وصلت إلى عند الجمع الغفير من هؤلاء الشباب ...
ترجيتهم رجاء بأن يحضر أحدهم معي لينظف السيارة ...
الأول قال أما معي زبائن ... الثاني لما عرف السيارة قال هذيك حق فلان أنا ما أغسلها
وفلان مش موجود علشان يجي ينظفها ، قلت له تعال ما عليك منه ، قال لا بيقول أنا أخذت زباينه
قلت له هذا ما عاد باخليه يلمسها رفض ... أخينا الثالث لما قلت له تعال وسأل فين هي ؟
قلت له وأشرت هي في الحي قريبة جدا ... قال : جيبها لهنا وأنا أغسلها ....
الرابع جا يقول .. كم عتدي ألف وخمسمائة ... قلت له ليش بتغسل باص الرويشان والا اليحيى
وفي الأخير ما أحد رضي يجي .... بالكاد لقيت واحد طلع أنه عاده جديد في الشارع
نصحته بأنه ما يعمل زيهم ... هؤلاء المنظفين البطرانين البواقين بالعامية
متوسط دخل الفرد فيهم لليوم الواحد 4000 ريال صافي ما يعاد 20$
أي في الشهر 120.000 يعني 600$ شهريا ... راتب دكتور في الجامعة
لكن أتحدى يجي في اللي ومعه منها فلس واحد
أخي يشتغل في محل في شارع حده قرب جولة الرويشان
في الليل يأتي إليه المتسولين الصغار اللي نشوفهم في الجولات
يدوه الصرف لأنه يحتاجه ، فمره كنت أنا عنده
فجا ثلثة أخوه أقل واحد فيهم مصفي 2000 ريال قلت لأخي كذا كل يوم
قال أخي أقل يوم يجب الواحد منهم 1500 ريال
قلت والزيادة قال 3000 - 3500 .... أندهشن
يعني في اليوم متوسط دخل الواحد فيهم من التسول 2000 ريال لا نزيدش
ما يعاد 10$ أي في الشهر 300$ للواحد يعني هذاولا الثلاثة الأخوة يدخلوا في الشهر للأسرة
180.000 ريال ما يعاد 900$ قرب يوصل راتب وزير
بالله عليكم هذا الشعب فقير ................................................
النموذج الناجح .. كمان واحد صديقي يعمل في مجال التسويق
أخينا هذا جدا أفكاره خارقة في مجال التسويق والمشاريع وما إليها
المهم ... كان من قبل لما يحيرف (ما يبقى معه ولا فلس) يقوم يشتغل
يدخل مصروف أربعه خمسة أشهر في أسبوع أو اسبوعين
ويروح البيت ينام لما يخلصها ..... فمره كنت أنا وهو جالسين مع بعض
قلت له يا ....... ليش حياتك بكل هذا الاستهبال
سألته سؤال .. هل باستطاعتك تكون مليونير ؟ .... قال أكيد
قلت أتحداك ... قال أنت عارف لو اشتي أجيك الاسبوع الجاي بسيارة آخر موديل بجيك
قلت تجيني بالسيارة وبعدين تروح البيت تنام ....
قال : يا أخي عيش يومك .... مالك من بكره ...
قلت له والله حرام عليك أنت بتحطم حياتك كذا
قال أيش أسوي ... ؟ استغربت من السؤال .. قلت له أنا أسألك هذا السؤال
مش أنت اللي تسألني .....
قلت يا أخي فكر في مشروع تفيد به وستستفيد منه ويكون سندك أكبر شغل مخك
ليش تحت تكون هذا الصغير .. بيجي يوم ما أحد بيلتفت لك
المهم بعد العتاب والنصائح وبعد الجلسة ذيك
بعد شهرين جاني للمكتب بسيارة آخر موديل لسى ما شال الأكياس من عليها
عزمني وجلسنا سوا وداني مكتبه الجديد وطلع الأخ صاحب مشروع هام جدا
مشروع بيئي وفي نفس الوقت اقتصادي
قلت له كيف هذا .. قال شغلت نافوخي .... لا يا شيخ وعلى فكرة أي واحد يقد يعمل زيه
بس هي الطريقة .. الشجاعة .. النية .. الإقدام .. القدرة على التحمل .. سعة الصدر
وأشياء كثيرة جدا
المهم هذولا نموذجين الأول فاشل والثاني ناجح
وبينهما فاصل إعلاني
أنا أعرف شباب كثير معهم مشاريع في قمة الروعة (معظمها مشاريع تخرج)
بس لا توجد لديهم أفكار في تسويقها وهنا المعضلة
لهذا الشيء نريد العلاج ..... يا شباب اللي في اليمن بالذات
أنا مستعد أرتب دورة تسويقية للمشاريع الخاصة ...
إذا عندكم استعداد .. لنتوكل على الله وللنطلق من هنا بالفعل لا بالقول
لدي أصدقا كثر أصحاب مشاريع ناجهة وكمان أصحاب مشاريع فاشلة
مع خالص التحية ... أرجوا مناقشة هذا الموضوع نظرا لأهميته
استأذنكم أروح اتغدى وأرجع لكم ... في أمان الله
Bookmarks