بسم الله الرحمن الرحيم
كن بخير ياوطن ..
كونوابخير جميعا **
من على اطلال ديواني المسموع الاول والذي انتهيت من تسجيله قبل ايامٍ معدودات... اقدم لكم هذه المصافحة كعربون للنقاء ... والاخوه .. ولأول مره على المنتديات صوت وكتابة ...
فلهذه القصيده معزة خاصه جعلتها تتربع على عرض القصيد في الشريط و يسمى بها.. ولو لم تكن الافضل من بين القصائد في نظر الكثيرين.... لكن.. الفقر بالنسبة الي ..كتلك اللعبة الجميلة التي تجمعنا لكي نكون احد طرافها...فنلتقي روحا وجسدا ... لنحلق بحب وسلام... واليكم...فقيرتي..
اضغط هنا للتحميل
بنت الفقر
يامسى صنعا القديمه وسورهـا والبـاب
يامسى دعج العيون اللي طرقـت ابوابهـا
لاهي ابـبنت الوزير او مجلس النـواب
لكن ابعينـي هـم اللـي انحنـوا نوابهـا
ولا هي ابـبنت الاصول ولاهي الانساب
الفقـر والآه والعفـه غــدوا انسابـهـا
من قبلها كنت اأمن ابـأن الهوى غـلاب
بعدها صرت أأمن انـه مايجـي غلابهـا
والا انـا ماشفتـهـا الا وراء احـجـاب
وقمت أتخيّل وش اللي من وراء احجابها
جلبابها المشقوق غير موضـة الجلبـاب
ليتني قطعـة خـرز واتخيـط ابجلبابهـا
وثيابها من قدمهـا فيهـا نمـت أعشـاب
فـوق هـذا راضيـه متباهيـه باعشابهـا
مرآتها المكسوره ومشـطٍ بعمـره شـاب
طاحت اسنونه وحالـف يعتنـي بشبابهـا
هـذا وانـا بالنحـو متفّـوه وبالاعـراب
جملة اوصاف الفقيره ما عرفت اعرابهـا
دمها التركي تخالط فـي دمـاء اعـراب
لو دروا عنه العرب سادت على اعرابهـا
وشعرها الاسود تمادى وخصرها ما ساب
أشبه ابـعبدٍ حضنها وعانـد ومـا سابهـا
ماتعرف استشوار أو كوفيـر او ميكـاب
ربي خلقها كامله واتفنن ابميكابها
كنّه يقـول اتفكـروا يامـن لكـم البـاب
بدْع الاله ولا هو ابداع البشـر والبابهـا
واذا المثل قال الفقر ببـن الفقـر ينعـاب
أشهد ان بنت الفقر عمر الفقـر ماعابهـا
والله لـو ان الانوثـه تنحسـب بحسـاب
كانت البنت الفقيره مـن ينـول احسابهـا
ياليت اقوى بالشعـر واترجـم الاعجـاب
ياليت تقوى بالنظر في ترجمـة اعجابهـا
والمشكله عاداتها سنت لها انياب
وكلما جيت ال حماهـا كشـرت انيابهـا
لن الحبيب افـبالها لعبـه كمـا الالعـاب
وعودوها دايمـاً تكسـر رقـاب العابهـا
يـارب لملمنـي اذا بعثرتنـي باصحـاب
يـارب بعثرهـا اذا لملمتهـا باصحابهـا
من شان ياخذها الفراغ وتعرف الاسبـاب
اللي تخلي العاشق ايدور علـى اسبابهـا
خلاص يابنت الفقر ما عاد بي اعصـاب
حتى ابيات الشعر ماعـادت ابـأعصابهـا
جيتك وقلبـي تفتّـح لـك سبـع أبـواب
مثلما صنعا القديمـه فـي عـدد ابوابهـا
والسايله الحره سجنهـا دمعـي السكـاب
دمعة عزيزٍ مالقى من يحرمـه اسكابهـا
لوغابت اضواء الترف ضو الفقر ماغـاب
وطلة البنت الفقيره مـا شكيـت اغيابهـا
ويا آه لو ان الفقر بابـن الفقـر ماعـاب
مثلمـا ان الفقـر بنـت الفقـر ماعابهـا
لكانت الدنيـا بخيـر و لا بقـى كـذاب
وان بقـى كـل الاوادم عارفـه كذابهـا
وسلامتكم
وتحيه خاصه للعزيز ابونواف الوصابي[/CENTER]
المفضلات