احد المشجعين الهلالين (_اخوكم نصراوي) كتب قصيده في اسطورة الكوره السعوديه والعربيه
الاسم اللامع ماجد عبدالله والقصيده رائعه جدا
ونظرا لحرصي على ان يحوز هذالقسمعلى كل مايبحث عنه متذوقي الشعر حبيت ان انقلها اليكم احبتي والى القصيده
----------------
يوم الثلوث المسا برثيـك يالكـوره
من بعد ماجد خلاص اليوم عفناهـا
لا لون لا طعم والملعب طفى نـوره
ولحدن يسـد بمكانـه لـو تعناهـا
الفذ الاعجوبه الموهوب الاسطـوره
بالجـد والجهـد امجـاده تبنـاهـا
عشرين عامآ مضت والفن دستـوره
ـواهدافه اللي تشوق النفس طرياهـا
وياما الهب كفوفنا تصفيق لحضـوره
والخصم لاشاف ماجد تقصر خطاهـا
وبالهون بالهون ياللي تجهل عصوره
لاصـرت ناسـي فحنـا مانسيناهـا
في اسيا المنتخب ماكان في الصوره
ومقصورته قبل ماجـد ماعرفناهـا
والكاس قالوا مابين الشرق محصوره
ـويومن بزغ نجم ماجد حقق مناهـا
الكوري يبكي قهر والصين مكسـوره
باهدافه اللي بشكل وفـن مااحلاهـا
والكاس جابه لربعه شعب اخو نوره
واشعل فتيل الفرح والعقـده انهاهـا
وتم اختياره من الفيفا يبـي شـوره
ويسعون له سعي الام اللي ورا ابناها
وذا قول منهو بقافه ترجـم شعـوره
هلالي لكن هروج الحـق مخفاهـا
ماجد ولا غير ماجد يبقى الاسطـوره
هـو ثروة وطن ياعرب والكـل غناهـا
Reply With Quote
Bookmarks