هذه قصيدة شعر من فتاة ذاقت مر الطلاق بسبب بسيط لايستحق الطلاق
وفي هذه القصيده تعبر عن مشاعرها اليه لانها لازالت توده وتحبه
خــلاص ومـاتـت الـبسـمه وحارت خطوة الاقدام = ولالي غير ذكراكم أســـــولف في طواريها
علامــك نـاويـن تـرحـل وتتركني مـع الاوهـام = ترى بعدك علي اكبر مــــــــــن الدنيا وما فيها
تودعني وانا ضايق ودمعي بــلــل الأكـــمـــام = عسى ليلة وداعك مـــــــا يعيد الوقت ماضيها
نسـيت الـوصـل والـطـيـبه نسيت الحلم والأحلام = نسيت اللي على شانك ولو يصعب أسويها
نــسيت عـيـون تـسـهـر لـك وعـينك تتركه وتنام = نسيت الشعر وحروفن علـــى شانك قوافيها
نسيت الشوق واللهفه اذا شفــتــك بــعــد أيــام = أعاتب ليلة وحده تـــــــــروح ولا تجي فيها
نــسيــت احـلامـنـا كـله ونـحـلـم وش يجي قـدام = نقول الحلم يتحقق ولــــــــــو طالت لياليها
ترى لو طــول غـيـابـك أحـس بــساعـتـه اعوام = أحس البعد ما يرحم واقــوم احسب ثوانيها
نسيت أطفال من عقبك غدو في زحــمة الأيـتـام = أمانه من عقب صـــدر (الابو) منهو يدفيها
نسيت...شلون بيدينك تعلم مــســكــة الــمـرسام = كتب اسمك علـــــــــى كفه وبلسانه يهجيها
أشوفك ما تبي تحكي أو ان الــبــال مــنـك هـام = تكلم قول أي كلمــــــــه عسى ناري تطفيها
وذاب البوح من بعدك وماتت نشوة الأقـــــــلام = (وعقبك يا بعد حالـــــي) حياتي من يسليها
فديتك لا تعاتبني اذا من عقبكم مــنــــــــــظــــام = ترى نار الغلا تحرق وتكـــوي رجل واطيها
أشوف فراقك بعيني مع اسراب الليالي حـــــام = عشان الروح لا ترحل عسى ترجع وتحييها
مدام انك خذيت اغلى شعوري واصدق الالهام = تعال وخذ معك روحي ترى((لاغبت ما ابيها))
لجمال القصيده وابياتها المؤثره احببت نقلها لكم وتشاركوني الاعجاب
تحيااااااااااااااااااتي كور العواااااااااااالق
Reply With Quote
Originally Posted by صبا
Bookmarks