الا ياغارة الرحمن انا حبيت مجنونه
تشوف ان السواد ابيض وتحكمي على كيفه
تبالغ دوم في هجري وهي بالعشق مرهونه
الا ياغارتك يارب لو مريت في طيفه
تعاندني بكل كلمه وترمي القلب وشجونه
واذا وده تواصلني تقطع خافقي بسيفه
تحاصرني وتذبحني وتمرح حيل مفتونه
وتلعب بي كذا دايم على جده وفي زيفه
وتحلف ماتحب غيري وكل الشوق بعيونه
وتدور لي من الاعذار لو الفين تصريفه
وكني بحبها مسعود وهي ياناس ميمونه
ومره صايرٍ عدنان هايم بين تخريفه
تقول لامها اني ابيها تصير مسجونه
وانا واللي جمعني به اخلي من الشتا صيفه
اناولها من اشواقي واسامر قلبي بفنونه
واغنيها على شعري بذوق القلب وتوليفه
تبيني اسهر بليله وادندن على دلعونه
تبي قلبي يشاطرها الاماني لاجل توظيفه
اخيرا صرت كالمجنون متيم بين مجنونه
ومدام اللي عشق مثلي يصير بألف توديفه
للشاعر علي الحازمي
Bookmarks