النـّـخوهْ اْتبخّـرت والدّم

**علي نشوان** · 26-03-2008, 12:28 PM

بسم الله الرحمن الرحيم
المقدمه.. باختصار وايجاز
كل ما يجري في الوطن العربي والإسلامي وما حل بشعوبه من ويلات الحروب
الاءقتصادية والثقافيه والعسكريه والسياسية والنفسيه الخ
بأيدينا شعوباً وحكاماً .. ولن تصلح أحوال الأمة الا اذا صلحت النفوس
ولن تصلح النفوس الا تصافت وتخلصت من الضغائن والأحقاد ولن تتخلص منها
الا اذا عادت الى كتاب الله وسنة الحبيب محمد عليه وعلى آله أفضل الصلاة والتسليم
اللهم اهدي حكامنا واجمع كلمتهم على الحق وردنا جميعا الى ديننا ردا جميلا

**علي نشوان** · 26-03-2008, 12:55 PM

يا مالك الملـك انـا سالـكْ=برحمتـكْ ثـم احسـانـكْ
وسـر وحيـكْ وأسمـاءكْ=ياحـي قـيـوم يارحـمـنْ
إلهـم عبـادك لطاعـاتـك=ودلهـم خيـر مرضـاتـك
أمنـن عليهـم بأفضـالـك=ياصاحب الفضـل يامنـان
أرجـوك يـارب ترشدنـا=للخيـر والـحـق وفقـنـا
ودلـنـا نـحـو واجبـنـا=يـا الله وجنبتنـا العصيـان
قال ابن نشوان حان الوقـت=وآن للشعـر بعـد الصمـت
يثور بعد الضنـا والكبـت=ويعلِـم الجـان والإنـسـان
حرب الخليج ريحهـا هبّـت=وفي العراق نارهـا شبـت
واحلاف واشنطـن التفـت=نحو الثلاثيـن مـا نقصـان
لاغـيـر قـواتـنـا ردت=علـى الثلاثيـن واتـحـدت
وواجهتـهـا ولا ارتــدت=ودكـت الظلـم والـعـدوان
مارنزهم والسريـع صـدت=واجنـاس متعـدده أفْـنـتْ
ومن دماهـم سقـت واْروتْ=رملة وطن سهل والوديـان
وصيحـة الثائريـن اْحيـت=آمالنـا والقلـوب هــزّت
وأمـة الرافـديـن لـبّـت=سنّـه وشيعـه وكردستـان
في الكـون صيحاتهـم دوّت=واهتزت الأرض وارتجـت
وكل من لهْ ضميـر احيـت=الله أكبـر علـى الـعـدوان
تحيا النشامـا التـي جـادت=بالروح والماجـدات جـادت
وفي نـزال العـدا اشتاقـت=شِيْبـه وشبـان والصبيـان
هذا العـراق الـذي مـالان=على مدى الدهر والأزمـان
والشاهـد الواحـد الـديـان=لمن رفـع رايـة الإيمـان
فيـه المياميـن والفرسـا=نمثل البنان أو كمـا البنيـان
ياكم تآمـر وكـم عـدوان=ثاروا عليهْ ثـورة البركـان
والقائـد الـحُـر يهنـالـهْ=أكـد علـى صـدق أقوالـهْ
واثبـت ودلّــل بأفعـالـهْ=في الجو والبحـر والميـدان
قـاوم ودافـع مـع ابطالـه=شيـوخ وافـراد وعقّـالـهْ
والمعتـدي قطّـع اوصالـه=قضى على هيبـة امريكـان
واجه قوى الشرك واْرتالـهْ=بقـوة الله ..مـع اشبـالـهْ
ماغيـر يانـاس قـوّآ لـهْ=واجب نسجل لـهْ العرفـان
قبض بحبل القـوي الجبـار=حتى هزم عصبـة الكفـار
والله وتشهدبهـا ذي قــار=والخافجي ما نسـاه انسـان
فرّت قوى الحلف مذعـوره=ولاف قتـلـى ومقـبـوره
ودُور الْمريـك مقـهـوره=تقـول ياليـت ذا مـاكـان
أبـو عـدي قائـد الأمــه=صاحـب ارادهوذوهـمـه
في عهده المجد فـي القمـه=صان القيم والمباديء صان
وابن العراق قال مـا همّـهْ=من مـات عتعوّضـهْ امّـه
الأ رض أمّه وفيهـا اسمـه=سهـول وجبـال والوديـان
ياشعبنا في العـراق احـذر=أعـداءك اليـوم بالمجهـر
يشتو عراق الإبـا يشطَـر=سني وشيعـي وكردستـان
اعلن خطابك علـى المنبـر=وقـل لحاخـام والمسـتـر
ماشي لكـم أي شـي يذكـر=غيـر المهانـات والخـذلان
هاجم جموع العـدا واجـزِ=روفجّـر اوكارهـم دمّــر
وكل خايـن عميـل ابتـر=واقضي على الزور والبهتان
ياشعبنا الصامـد الصابـر=بالصبر ربك لـك الناصـر
وفي الختام نصرك الظافـر=برايـة العـز والإيـمـان
يكفيـك ياشعبنـا وحــدك=ماحد مـن اخواننـا مـدك
ولا مـن المسلميـن شـدك=حتى اقرب الناس والجيـران
كـل القيـادات مسئـولـه=واعذارهـم غيـر مقبولـه
مهمـا العبـارات معسولـه=تدّي لك المغْـص والغثيـان
وكـم قيـادات مكـروهـه=لهـا اتجاهـات مرفوضـه
تنهج سياسـات مفضوحـه=تنافـي الشـرع والإيمـان
قاده بهـم زادت الأ محـان=كانوا مع الإ حتلال أعـوان
فلا رعـوا حـق للجيـران=ولا رعوا حرمة الأ وطـان
والبعض ماعوا مع الولعـه=وفـي الملـذات والمتـعـه
ماهمهـم كبـرت السمعـه=قد الحيـا فـارق الإ يمـان
ومن دخل ساحـة الملعـب=مع التحالـف كمـا الثعلـب
مـن داء أحلافـه استكلـب=وصار من جملـة الغربـان
ياويل من هو يخون شعبـه=وشارك الحلف فـي اللعبـه
والرافديـن أيـدوا ضربـه=عما قريب يسقـط الخـوان
والله ولا ظـن احـد يسلـم=من جرعـة السـم والعلقـم
والإ عتبـارات بالمخـتـم=من عاش يذكر علي نشـوان
ما شي مفـر لا ولامهـرب=اذا وفـا الكيـل والمحسـب
كلّيـن ممـا سقـى يشـرب=بالقسط والعـدل والميـزان
تالي خبـر يدمـي الأكبـاد=غزو الكويت ولّـد الأحقـاد
بيـن القيـادات والأفــراد=أيقض فتـن نايمـه أزمـان
الغزو أسعد بنـي الإ لحـاد=واْصبح لهم أكبـر الأ عيـاد
والحلف للغـزو بالمرصـاد=ما إن حصل أصدر الإ علان
إرسل عتادهْ مـع الأ فـراد=وجورج بوش عزّز الإمـداد
وكل خاين رخيـص انقـاد=واحتلواالبحـر والشـطـآن
يقول بـوش مـن يأيّدنـي=أحميـه وقـرّبـهْ مـنـي
ومـن لرأيـي يعارضنـي=أقصيه واْحكـم عليـه الآن
ومـن يعـارض سياستنـا=ولا يـسـانـد تحالـفـنـا
هــذا مـؤكـد يخالفـنـا=ومن يخالف أكيـد خسـران
قـادة عمـالـهْ وخـوّانـهْ=لهـم خطـابـات رنّـانـه
صاغوا شعـارات شيطانـه=أعظم من ابليس والشيطـان
ظهر حليف وافتضح حلاف=وكل مـن سانـد الأحـلاف
وعوج الاْقـلام والأ لقـاف=أذناب تكسـاس والرعيـان
أمـا الـذي سلّمـوا صـدام=وصفقـوا ساعـة الإعـدام
تـدور الايّام..والأحـكـام=بـكـل مـرتـد أخــوان
بانـوا بلاقـدر أو معيـار=خـدام خـدام الاْستعـمـار
مابيـن مكـار أو غــدّار=قد طعّنوا اليعربـي طعّـان
يوم التحالـف مـع الكفـار=قدأغضبوا الواحـد الجبـار
لكنـي أتخيـلـه منـهـار=بقـدر الـواحـد المـنـان
يامن رضيتـوا بالاستكبـار=والظلم وانـواع الاستعمـار
عـاراه عليكـم وياللـعـار=والـذل والإحتقـار ألـوان
بعتوا فلسطيـن والجـولان=بغـداد بعتـوا مـع لبنـان
وقبـل جمهوريـة أفـغـان=باقي تبيعـوا لنـا السـودان
وفـوق ذا القـاده الحـكـام=لجورج بوش اعلنوا استسلام
واستقبلـوه مثلمـا الأغنـام=ونْ قلت اجامل كما الخرفان
استقبلـوه أجمـل استقبـال=كنّه مـن القـاده الأبطـال
أما الصبايا مـع الأ طفـال=غنّت لبوش اعذب الأ لحـان
وسيـدات العـرب هامـت=بمجرم الحـرب واشتاقـت
لقياه مـن بعـد مـا ذابـت=بين الذراعيـن والأحضـان
وبين صدر ابن بوش ذابـت=تمايلـت بعـد واتـراخـت
تخـدرت كودهـا فـاقـت=بصـدر محبوبهـا الفتـان
وبعد ذا يصـدر المرسـوم=ونشوف بوش منتشي منعوم
باعلى وسام العرب موسـوم=كنّه مـن القـاده الفرسـان
وليش يـا سادتـي التكريـم=لحربـه الديـن والتعليـم!!!
وجهاد فـي خانةالتحريـم!!=وسلب حريـة الإ نسـان!؟
ياقادة المسلمين شـي عـار=عد شي حيا عنكـم أوسـار
ماعـد لنـا وزن أو مقـدار=يامن جلبتوا لنـا الأحـزان
النخـوه اتبخـرت والــدم=وكـل قايـد أصـم ابـكـم
ومـن معـهْ فـم يتلعـثـم=كنّه محشّش دنـان سكـران
ابن الوطـن زادت امحانـه=والقلـب غـارق بأشجانـه
والدمـع قدجـرّح اوجانـه=والنوم قـد فـارق الأجفـان
والآن نبقـى مـع فاصـل=تفضلوا شاهـدوا الحاصـل
القـادم الوافـد الـواصـل=لمؤتمـر قمـة العـربـان
في الجامعه سيّـدي نـازل=ناقش أمـور مالهـا طايـل
من جـدول القمـه الحابـل=تمخضت وانجبـت فئـران
الى القـرارات وتبـدأ ريـم=حول العراق نرفض التقسيم
وعن غريب نرفض التعتيـم=وخطف الاطفال والصبيـان
ندعي الفصائل مع الأطراف=في مؤتمر شوروي شفـاف
يتقاسموا كل شـي انصـاف=وطز في الأ رض والأوطان
عدنا الى أخطـر الأخبـار=أبكى الشجرأحزن الأحجار
وبحور هاجب مع الأنهـار=يشيب مـن هولـها الولـدان
قالوا على السيـد المختـار=المجتبـى سيـد الأ طهـار
مايغضـب الواحـد الجبـار=ويدمـي القلـب والأبــدان
تجنّوا على من لـهُ حرمـه=مـن خصّـهُ الله بالعصمـه
رسول الهدايـات والرحمـه=للعالميـن انسهـم والجـان
الدانمـرك مثلـوا الهـادي=برسوم الي تحـرق اكبـادي
وطليـان قـالـت عــادي=قاموا برسمه على القمصـان
وعيـد للعقـل والأذهــان=مالم يكـن قـط بالحسبـان
ما تذكروا مزقـوا القـرآن=واحنا كما الصـم والعميـان
والله قـد زاد الاستكـبـار=والظلم وانـواع الاستعمـار
وش بعد سلب الوطن والدار=والمـرأه المسلمـه تهتـان
واحنا مـع دقـة الاءوتـار=ونغمـة العـود والمزمـار
وقهـوة الغـرب للسـمـار=وراقصه جسمهـا عريـان
يـاغـارة الله والـتـيـار=بارد ودافـي وتـاره حـار
قد لخبـط العقـل والأفكـار=شوّش على الشّيْب والشبـان
هذا هـو اللغـز والشفـره=أفكـار مستـورده مــرّه
واعلام مـزّق لنـا الستـره=بالدجل والزيـف والهذيـان
هـل آن نستوعـب الفكـره=والوقت حان ناخـذ العبـره
نأمـن علـى اجيالنابكـره=ماشي لنـا عـذر بعـد الآن
مصانـع الغـرب شغّـالـهْ=واسواقنـا شيـل شيّـالـه
ماصـدر الغـرب حيّـالـهْ=حتى الدجاجـه مـع الشقـران
أسواقنـا اليـوم مشحـونـه=بالقمـح والـرز والتـونـه
وملـح ساسـا ومكـرونـه=والعاب الاطفال والصبيـان
والعطر والورد والأزهـار=وكل ما يخطـف الأنظـار
صبغه ومكيـاج واستشـوار=والبـودره عـد بـالألـوان
الأكل من غير مـا نـزرع=واللبس من غير ما نصنـع
قد العـرب مثلمـا الرضّـع=والأم هولـنـد أو طلـيـان
نستـورد الشـوم والحالـي=جديـد ولاّ يـقـع بـالـي
ما همنا رُخْـص أو غالـي=سويسـري كـان أو تيـوان
كـم يااعتمـادات بالصعبـه=مـن الشونجـم أبوحـربـه
حتى الصواليـن أبـو دبـه=يهنـاك يامصنـع اليابـان
واحنا كمـا احنـا ولازلنـا=كـأن مـاكـان أو كـنـا
ولاسرحـنـا ولاجـيـنـا=بنعتلـف مثلمـا الثـيـران
وأرضنـا خيرهـا وافــر=ونـوع خاماتهـا نادر
بس خيرها والريال طايـر=في بنك أوف ابن أمريكـان
والنفـط مفتـوح عــدادهْ=واتضاعف الضخ وامـدادهْ
والغـرب شـل الـذي راد=هوابن العرب ينْشـق الدخّـان
مــاذا بنيـنـا وشيّـدنـا=مـاذا صنعـنـا وأنتجـنـا
فـي أي ميـدان أبدعـنـا=أبي جواب سيدي السلطـان
أبـي مشاريـع زراعـيـه=أبـي مصـانـع دوائـيـه
أبـي اكتـفـاءات ذاتـيـه=مـن هاهنـا يبـدأ البنيـان
أبـي مصـانـع محلـيـه=تنتـج دفـاعـات جـويـه
وبولـجـيـه وذريــــه=ياقادة الجيـش والأ ركـان
خلاصـة القـول ياخبـره=من قبل كليـن يجـي دوره
وبعـد مـا تنفـع الحسـره=وقـول ياليـت ذا مـاكـان
ماحد عينجح وهـو وحـده=ولا عنخـرج مـن الشـده
الا اذا شـي لنـا وحــده=نحفظ بها الأرض والإنسان
الغـرب واجـب نقاطعهـم=مانشتـري مـن بضايعهـم
ولا نجامـل حـدا منـهـم=أقل شي أضعـف الإيمـان
غـداً تقـفّـل مصانعـهـم=باتقـرأوا فـي صحايفهـم
وتسمعـوا فـي اذايعـهـم=افلاس واترقبـوا الإ عـلان
واترقبوا الحضر والمحضور=أكيـد بايصـدروا منشـور
لكن غـدا يفهـم الجمهـور=الحضر في صالح الأوطـان
وعندهـا نعتـلـي القـمـه=بالعـزم والجـد والهـمـه
والله يرضى عـن الأ مـه=أمـة محمـد ولـد عدنـان
ياصاحب الغيـره اسمعنـي=وبـلـغ القافـيـه عـنـي
انشـر مقالـكْ وجوّبـنـي=وانظـم قوافيـك بـالأوزان
دام الأمـل فيـك راودنـي=أبشّـرك وانـت بشّـرنـي
أطمأنـك واْنـت طمـأنـي=نعلي غـدا رايـة الإ يمـان
مازلـت واثـق ومستبشـر=وبـوقـوّة الله مستنـصـر
أوحّــد الله و ~ كـبّــر=دوام في السـر والإعـلان
وتهنـأتـنـا لـقـائـدنـا=راعي وحـارس مسيرتنـا
محـقـق احــلام أمتـنـا=موحـد الأرض والإ نسـان
علي ابن عبـد الله الصالـح=رمز العرب صقرها الناجح
بعقلـه الراشـد الـراجـح=زعيم قومي ظهـر واْبتـان
وعاشـوا امثالـه الأمجـاد=القـاده الـقـدوه الــرواد
قـاده وضبـاط والأ فـراد=ومن لاءجل اليمن سهـران
وكل مخلص وفـي يشكـر=أمثـال عبـد الله الأحـمـر
تعيـش يالـيـث سبتـمـر=يارمز الابطـال والشجعـان
وذلـك الثائـر المـغـوار=في ثورة الشعـب لـهْ أدوار
أبوا شـوارب أبـو الثـوار=عمـي كليـة الأ ركــان
ياخير مـن خلّفـت حاشـد=بالأصـل أثبتـوا الـفـارد
مـازال تأريخكـم شـاهـد=ياخير من خلّفـت قحطـان
وذي على الدرب قد سـارو=اوضـد أعداءنـا ثــاروا
وللمتـارس قـد اخـتـاروا=وواجهـوا النـار بالنيـران
بكيل يامـن جهـل يسـأل=بايعرف الأصـل والمعقـل
سجل الاحـرار قـد سجّـل=بأحـرف النـور والنيـران
والحاشدي والبكيلـي اْخـوه=هم مصدر الجـود والنخـوه
والمذحجي منبـع الصحـوه=وفي الحرايب كما الطوفـان
وخير من خلّـف الأسـلاف=الهاشميـيـن والأشــراف
لي صانوا العُمق والأطراف=بهمْ يمنّـا الحبيـب اصتـان
وعـاد تيّـاره الـجـراف=برايـة العـدل والإنصـاف
واستكملت صورة الأطيـاف=عيبان عانق أخـوه ردفـان
سار اليمن في طريقه سـار=بوحدتـه يكمـل المشـوار
ورفرفـة رايـة الأحـرار=قمّـة نقـم عانقةشمـسـان
ياشعبنا في اليمـن بشـرى=بالوحـده الغايـه الكبـرى
سجّل لها في القلوب ذكـرى=واحذر من التّيْـه والنسيـان
ونحمـد الله فـي الـسـرّا=باطن وظاهر وفي الضـرّا
يستاهـل الحمـد والشُّكـرا=الواحـد المرتجـى سبحـان
الوحده اشفت لنـا الأجـراح=وابن اليمن مفتخـر مرتـاح
على اليمن دامـت الأفـراح=بالأمـن واليُمـن والإيمـان
وكل شوعي ورجعـي راح=مكسّـر اليـد والأ جـنـاح
ومن تحالف مع ابليس طاح=ولا بقى في اليمـن شيطـان
بقـدرة الـواحـد الـقـادر=الله مـع المؤمـن الصابـر
وهاهو ابن الوطـن سايـر=يقـوّي الديـن بـالأركـان
أركـان ايمانـه العـامـر=وسُنّـة المصطفـى الآمـر
محمـد الطيـب الطـاهـر=خير الورى انسهـا والجـان
صلّوا عليه مـا نشرناشـر=وماسبح في الفضـا طائر
وما قصـد نحـوه الزائر=وما قـرأ قـاريء القـرآن

**علي نشوان** · 29-03-2008, 01:22 PM

معقول
هذا المنتدى
ويمني ؟؟!!
والوحيد الذي اعتقدت أنه وطني عربي اسلامي تحرري غيور
واذا افترضنا المنتدى يفتقر الى أعضاء ومشاكرين فاعلين
ع الا ءقل بالموقع مشرفين وقائمين وقاعدين
حصل خير
يا الله
بالسلامه