الفرق بين أطفال الناس الهاااااااي واطفالنا المحترمين

[عاشقة الإنشاد]

[CENTER]الفرق بين أطفال الناس الهاي و وأطفالنا المحترمين
1_أطفال الناس الهاااااي
في الصباح حيث يبدأ يوم اطفال الهاي عندما يستيقظ على صوت
الكناري اللي بغرفته بعدها يتوجه للحمام يتروش ويفرش اسنانه ويطلع
من الحمام تستقبله المربيه بالمنشفه وتصبح عليه يروح يغير ملابسه
وياخذ شنطته وينزل لغرفة الطعام ويصبح على امه وابوه واحلىىىى بوسه
ياخذها منهم
ويفطر ذاك الفطور طبعا عباره عن كورن فلكس الديك ذاك وبيضه وحده بس!!
وكاس عصير وشويت زبده مع العسل على خبزه ما عمري شفتها
بعدين يقوم يغسل فمه ويودع الماما والبابا ويتوجه للسياره يلقى قدامه
السواق مبتسم ويفتح له الباب ويوديه لمدرسته الخاصه< ام الدراهم >

وأطفالنا المحترمين
ورعانا يقوم الصبح بعد ما يطلع عين اهله ولازم افراد العائله تمر عليه
عشان تصحيه وكل واحد وطريقته:
الاب:قم جعلك الهزل
الأم:قم جعلك الجدري
الأخ: والله اذا ما تقوم لافقع وجهك
أخته: < تسوي نفسها بتدلعه> يالله قوم وأعطيك شنطة أخوك تروح فيها
للمدرسه << ما درت انه يروح بسير لزاق >>
بعد ما يقوم يمر الحمام على السريع ويغسل وجه شطف هذا اذا راح
وبعدين ياخذ اقرب كتب عنده ويربطها ويجيك مدحدر يدور الفطور ويتفاجأ انهم
ما حطوه !!!! بعد ما يجي الفطور وهو كالعاده :
فول شكشوكه تميس + حليب ابو علم
يبدأ الورع بالأكل وشوي الا وهو حاذف أخوه بعلبة الهندسه؟؟؟
عشانه سحب صحن الفول من عنده<مسكين ما يطوله> وشوي الا وهو
مسدد بقس عنيف يمشي 200 لأخوه الثاني!! لأنه سرق فسحته؟؟
أبوه يتكلم معه يا ورع أركد وافطر وعين خير انت وش بلاك وراك مدرسه
يرد الورع عليه: انت ما تشوف سعيدان سارق فسحتي؟؟
<< سعيدان اكبر سروق بالبيت >> ابوه على طول يصدق ويصـــــــك
سعيدان كف صدقي
المهم بعد ما يخلص الفلم اليومي يروح الولد للسياره يلقى اخوه فاتح
الكبوة ويصب ماء للرديتر المشقوق تقفل اخلاق الورع وينقز للشارع ويأشر
لأقرب سياره ويروح للمدرسه<< أكيد حكوميه >>

[_أطفال الناس الهاااااي
بعد المدرسه يرجع اطفال الهاي ويلقى المربيه في استقباله تاخذ
الشنطه وتوديها لغرفته بصحبته يغير ملابسه ويغسل وجهه ورجليه
ويستريح له ساعه في أنتظار افراد العائله عشان يتغدى وبعد الغداء
الرايق << طبعا ما اعرف وشو بس اللي اعرفه انهم ياكلونه بشوكه
وسكين >>
يروح لغرفة الجلوس ويشرب شاهي للتهضيم ويحلي بقطعة كيك وبعدين
يروح لغرفته ينام له ساعه قبل العصر.

وأطفالنا المحترمين
اما الورع منهم يجي من المدرسه وثوبه قالب لونه بني<< تقول جدار مدرسه >>
ولا دخل البيت حذف الشنطه << اسف السير اللزاق>>بالصاله وفصخ ثوبه
ووينك يالشارع << اخوياه يحترونه>> وهاتك ياللعب كوره بذا القايله وعادي
الشارع مولع من الحراره وهم عادي مررره
ولا كأنه فيه شيء واهله ما يدرون ؟؟
في هذه الأثناء يرسل ابوه كتيبه من اخوانه للبحث عنه ولا لقوه وجابوه
للبيت قام يصيح طقوني وسحبوني قدام الناس << والله ما أحد لمسه النصاب>>
المهم يحطون الغداء << معروف يا كبسة لحم ولا مشخول دجاج >>
غيره ما فيه!! يتغدى الورع الكريم ويصــــــــــــــــــك بعدها لتر للبن
بعدها يجلس ساعه فاتح ثمه << تحاول تسكر بفمه أنسى >>
يحتري من يوديه يغسل له يديه!!!!!!!!!؟؟؟؟؟؟؟

3_أطفال الناس الهاااااي
اطفال اهاي لا جاء العصر جابوا دروسهم وشافوا وش عليهم من
واجبات وحلوها وحضروا دروس بكره بمساعدة الماما والبابا.
بعدها يروح لغرفة الألعاب ويجلس على البلاي ستيشن 2 وخذ لعب
لمدة ساعتين تقريبا يعني اللى وقت ما بين المغرب والعشاء.
بعدها تطلبه امه مع بقية أخوانه عشان يجتمعون ويشربون العصير
ويسولفون سواليف مررررررررررره حلوه << أسألوني >>!!!!!!؟؟؟؟؟

وأطفالنا المحترمين
يجي وقت العصر وهو نايم << مفعول اللبن >> يقوم قبل المغرب
وياخذ دروسه وواجباته << وأقلامه ناسيها في درج الطاوله اللي بالمدرسه>>
ويروح عند أخته ويتحايل عليها بكل ما أوتي من قوه على شان تحل له
الواجبات واذا قالت لا يا ويلها يا سواد ليلها
بعد كذا أنواع الدجه مع ورعان الحاره ومن هم على شاكلته ما يخلون
هندي الا وسرقوا سيكله ولا دكان << حلوه دكان >> الا ولعبوا بحسبته
ولا رجع البيت << على الساعه 11 تقريبا >> تلقى راسه مفلق من
جميع الاتجاهات والشرطه تدوره وجارهم مسوي أعلان عليه مطلوب
حي أو ميت!! وخذلك عاد << مساكين اهله >>

4_أطفال الناس الهاااااي
اطفال الهاي بعد ما يتعشى ويمسي على اهله يروح لغرفته ويجلس
على النت ساعه أو ساعتين الى موعد نومه << الساعه 10 تقريبا >>
بعدها يغير ملابسه وتجي المربيه وتحكي له قصه اللين ينام تغطيه وتطفي
النور.

وأطفالنا المحترمين
لا رجع البيت<< الساعه 11>> ما يدخل مع الباب لا ينط من فوق السور على
شان ابوه ما يمسكه ..
وعلى طول يزبن لغرفته ويسكر الباب ويطفي النور ويطل من الدريشه
<< الشباك يعني >> على باب الشارع الرئيسي يشوف وش صار على
مسلسل المشاكل المكسيكي اللي جابها معه للبيت وكيف بيحلها ابوه
مع الناس ومع جارهم ومع الشرطه.
[SIZE=4]--------------------
منقووووووووووووووووووووووووووووول

[ابن ردفان]

ههههههههههههههههههههههه
والله انك صادقه يعطيك الف عافيه

والله فطستيني ضحك خخخخخخخخخخ


الاب يقول:جعلك الهزل:

الام تقول:جعلك الجدري

الاخ يقول:والله اذا ماتقوم لافقع لك وجهك


خخخخخخخخخخخخخخخخخخخخخخخخخخخخخ

والله روووووووووووووووووعه سلمت يدك عشعش

مشكوووووووره جدأ ومنتظر جديدك

تقبلي مروري اختي الغاليه

[Mohammed Alhumaikani]

ههههههههههههههههههههههههه ::

هذ عاده مش كله على أولادنا المحترمين ::

هذا الكلام الي قلتيه يعتبر مدح عاد لاشفتي شقاوته من صدق ::

مشكووووووووووووووووووووره أختي عاشقه على النقل المضحك ::

ومنتضرين جديدك ::

[zero]

ههههههههههههههه
حلو هذولا من جد اطفالنا المحترمين
اما الباقي يصحو عشان يروحو يشتغلو ويطلبو الله
لا مدرسة ولا شي

[حمود(79)]

أ ي محترمين خليت فيها احترام الجدري والملابس الوسخه ووووال...خ ،،، انا لي وجهة نظر غير بإختصار ،،،،،

اولاد الهاي هاي : هبوط في التعليم ، تشتت في الاسرة ، كل واحد في صوب ، الآلفه معدومه، ،،،،
اولاد الناس العاديين بالأصح : ممتازين في التعليم ، قلوب رحيمه مع بعض ، جمعه واحده ، إلفه بينهم ...

وفي النهاية ومن وجهة نظري يكفي الناس العاديين جمعتهم مع بعض في الغدا او في العشاء عكس الناس الهاي هاي كل واحد يأكل بروحه لأن مزاجاتهم مختلفة ،،،،،،،،،،

شكرا عزيزتي ،،،تقبلي مروري

[نواف العامري]

السلام عليكم ورحمت الله وبركاته
مساكي الله بلخير اختي عاشقة الاناشيد
اشحاليج يالغالية انشا الله بيخير
بيصراحة موضوع في قمة الروعة
اتمناء ليج التوفيق ومزيد من المواضيع
دمتي بيخير اختي وعساجي دايم بيصحة وعافية
مرحبا سع

[مستشفى الملابس]

ان يكونون أطفالنا من الناس الهادئه
حذف أخوووووه بعلبة الهندسه هههههههههههههه
مشكووووووره على النقل
تحياتي:. راكــــان الشـــويـــب

[الهاشمية]

ههههههههههههههه فروق وااضحة

نسال الله السلامة
تحياتي،،،،،،