ر جــــــ ع ـــــتي

**عجزت انساك** · 20-04-2008, 05:50 PM

رجعتي

رجعتي لي تنادينـي بماضـي حبنـا المهجـور
بعد ما ضاعت اسنينك وبستانـك ذبـل زهـره
بعد ما جنة احلامك تهاوى قصرهـا المعمـور
وتهتي في غياهـب ليـل لا نجمـه ولا قمـره
رجعتي لي بإحساسك تنـادي قلبـي المغـدور
على بالك تصحي به غرام(ن) مات من صغـره
غرام(ن) كان بيدينك .. حفرتي له مئات قبـور
دفنتيه بقبـر ظلمـك ورفـض يتحملـه قبـره
رجعتي لي مع دمـع(ن) تناثـر كنـه البلـور
دموع(ن) تحرق عيونك على خدك غدت جمـره
تناديني ... تغنيني ... وودك هالزمـان يـدور
ونرجع مثل ما كنـا حبايـب نحفـظ العشـره
ولكن لو رجيتيني ... زمانك ما بقـى لـه دور
زمانك شيدك قصر(ن) .. رحلتي .. إنهدم قصره
زمانك نسخه من طبعك وطبعك بالقسا مشهور
تربعتي على عرشـه ونلتـي بالقسـا شهـره
زمانك يسبه الإنسان .. ما يشبع وفيه غـرور
زمان من الخيال اغرب وانا محتار فـي أمـره
احاسيسك كما طفل(ن) حزين ويدعي بسـرور
حزن وتخالطه فرحه فـرح وتخالطـه حسـره
وعدتيني مع حبـك اعيـش بدنيتـك مسـرور
تحبينـي و تغلينـي ... تصونينـي مـثـل دره
ومن عينك طلع فجر(ن) لهالدنيا يـزف النـور
شعاع(ن) في الدجى يسري يبدد ليلـي وبـدره
وانا في روعة المنظر أضيع بروعتك مسحـور
احاول أوصفك فكره ... ولكن تفشـل الفكـره!
لان المشهد اتغير ... بدأ جـوك علـي يثـور
بدأ صيفك علي يطغى يذوب ثلجـي مـن حـره
وفجرك صار في لحظه يزف الحب صوب قبـور
قصفتي عالمي كله بجوه ... بـره .. وبحـره
هجرتيني .. نسيتيني .. تركتي خاطري مكسور
لجل ذاك الذي غـرك بكثـرة مالـه وقصـره
اذا هو راسمك زهره .. فانا قلبي زرعك زهور
سقيتك صافي احساسي وسقاك بدفتـره حبـره
كتب لك في رسالة حب كلام(ن) ما تعدى سطور
ورسم لك بآخر الصفحه قلوب(ن) طافت العشره
وانا لي قلب متمرد .. رفض يبقى معي مأسور
تركني وراح ليدينـك عسـى تهتمـي لأمـره
قطع مني شرايينـه وصـار بدنيتـك عصفـور
يرفرف فـي بساتينـك وانتـي تحفـري قبـره
رحلتي والسبب فقري .. تريدين الذهب وقصور
تناسيتي محبتنا بعد مـا اهـداك مـن عطـره
صحيح اني فقير الحظ .. ولكني غنـي شعـور
عزيز وعزتي طيبي .. كريم إحساس بالفطـره
وفي(ن) الوفا طبعي .. وطبعك بالجفا مشهـور
تعرفيني واعرفك زين وكل(ن) عارف(ن) قدره
مدام اني فقير(ن) ليه رجيتي هالزمـان يـدور
ونرجع مثل ما كنـا حبيايـب نحفـظ العشـره
غرامي كان بيدينك .. حفرتي له مئـات قبـور
واذا هالقلب بيسامح .. تري ما يسامحك فقـره

**الرياشي** · 20-04-2008, 07:49 PM

عجزت انساك قصيده تحمل من الصور الكثير
وتعبر عن معانة الغدر والرجوع لا يصيغها بهذا الجمال الا شاعر رائع
هو انت

**عجزت انساك** · 21-04-2008, 06:15 PM

سلمت اخي الرياشي
اخجلتني بكلامك المعسول
مشكووووووووووور
دمت بكل الود

كون بخير،،،

**Alhomaiqani** · 21-04-2008, 07:31 PM

قصيده جميله والله

ألف شكر اخي عجزت لسانك

**عجزت انساك** · 24-04-2008, 04:44 PM

اولا مشكوراخوي على مرورك
ثانيا قلت مشكور عجزت لسانك
انا اسمي عجزت انسااااااااااااااااااك
تحياتي

**جوهرة القلب** · 24-04-2008, 08:43 PM

ايش هذا الكلام الكبير ياعجزت انساك والله انك روعه
هجر ثم رد ويليه صد الغني غني النفس اخي وليس الغنى بالمال
والحب الشيء الوحيد الذي لا يشترى ولا يباع انسان ما عنده كرامة اللي يبيع الاحساس والنفوس بالفلوس
سلمت يمينك على هذا الطرح ويعطيك العافيه
تقبل مروري