العيد جا والجيب طفرن يلمع =من النظافه مكتمل باوصافه
والكبش غالي قد طلع له مطلع=الى الثلاثين قد وصل قصافه
وكل واحد قال هيا نبضع=وكل من سجل لنا اصنافه
مطلوب كسوه بالنمر تتجمع=والجيب طفرن بل سقط بالحافه
خاطبت نفسي قلت مالي مرجع=بعض الاثاث ماحاجتي لوصافه
وقفت نسين صوب باب المربع=والعفش حقي قد وصل لشنافه
صوب الحراج اسرعت مالي مرجع=وبعت ماكان قد غلي بلحافه
عودت صوب اهلي وجيبي مشبع=وقلت هيا شكلوا كشافه
كلاً شرا له دام جيبي المرتع=وقلت مهلاً خففوا اللفلافه
بقوا ولو شيئ فالحديقه تولع= شفت الحديقه للفلوس خطافه
وشفت ضحكة طفلنا تتوسع= وسط الحديقه كنها عصافه
مايدري ان البطن حقي توجع=من حين عاد لون الجيوب شفافه
فجعلت مرجع امرنا للمرجع=للخالق اللي امرنا له كافه
هذه لسان ابن اليمن ذي وقع=بتشكيل دوله لليمن صرافه
Bookmarks