العضو الأكثر نشاطاً هذا اليوم 
بسم الله الرحمن الرحيمقصيدة مسنده من الشاعر / فراج بن مفرح الصميلي السبيعي
إلى الشاعر الكبير المعروف / حمود زامل بن قاسي المجمعي السبيعي
قال من صاغ المثايل بعد جاله مجـال ***** ويترفع عن علومـن تجيـب المهزلـه
يفتخر بمراسل الطيبيـن مـن الرجـال*****ويترفع عن علومـن تجيـب المهزلـه
ون عطاء يعط الاجابة على قد السـؤال*****ولا تكلم فـي علومـن مهيـب مـحلله
والثقة فالنفس عندي تراهـا راس مـال *****والثقة عند الرياجيـل كنـز ومرجلـه
ما ورت العد من دون دلـو ولا حبـال*****والرخيصه سوقها دايمـن مـا ننزلـه
لا ورت العد نشرب من الصافـي زلال*****والذهب سوقه نعرفه ونشري من هلـه
وعرف الدينار عمله وعملتنـا الريـال*****والبنادم ما يحاسب على غيـر أعملـه
عشت فالدنيا عرفت الحرام من الحـلال*****والغلـط مانـي بحبـه ولانـي بقبلـه
والتعلم فامر دينـي طريقـاً لا محـال *****واجبن مـن واجباتـي ولانـي بجهلـه
يا قلم سجل على الطرس من حل***** و المقالدام أنا أختار لك زين الكـلام وسجلـه
سجل الي فيه أخاطب كريميـن السبـال*****أنـت سجـل والكـلام اللسـان يكملـه
راكب الي ما بعد طلعوه مـن الظـلال*****من موديل ألفين وثنين وحروفـه دلـه
ماخذن في معرضه خمسة أيـام وليـال*****نزلـوه مـن الترلـه ولاحـدٍ شغـلـه
زين صوته لا نقرتـه وتـم الاشتغـال *****كل قلباً فيـه همـن اليـا سمعـه دلـه
دايم الفكسار منوت هل الطرق الطـوال *****منوت الي له لزوم وعلى شـق أعجلـه
فل كامل ما يبـا وصـف لله الكمـال ***** كاملاً بـدي ومكينـه وقيـره ودبلـه
يا نديبي لا خذيته من المعـرض تعـال***** وخـذ خطـاً كاتبينـه نبيـك توصلـه
وصله لحمود زامـل وخبرنـي بحـال ***** بعد ما ياصل صحيبي اكتابـاً مرسلـه
وصله من يحرق البن في صفر الـدلال ***** مجلسه كل الرجـال النشامـاء تدهلـه
من رجالاً فالمواقيـف تشـدي للجبـال***** هم هل الوادي هل الظرم ضلعه وسهلـه
هم هل الجذع المسماء عريبين الخـوال*****وهم هل المثلوثه الـي كرمهـا تفعلـه
وبو زامل راع الطيـب شيـال الثقـال *****جعل يفدونه هل البغض وهـل المنذلـه
يا رفيقي محزمي لا صفق جالاً بجـال ***** من رضاي رضاه وزعل من الي يزعله
يا عشير الي خدوده مثل بـرق الخيـال***** ما بغت غير السنافـي عشيـراً تقبلـه
ودي أشكيلك زمانـاً تغيـر وستحـال ***** وعتبـار الثانيـة فـي محـل الأولـه
فيه ناساً جت على الشعر ذنباً لا يـزال *****شعرهم ما زال بعض الجرائـد يحملـه
بعض ناساً ما تعرف الجزال من الهزال ***** ودها بالشعر والشعـر صعبـاً منهلـه
ورد وشعـر الحداثـه قليليـن العيـال ***** شعر لا معنـاً تحبـه ولا فيـه أذبلـه
ما درن للشعر شعار تضـرب بالمثـال***** مثل ابن جـدلان كـلاً لسانـي مازلـه
ومثل خالي وابن جازع شعاعيراً جزال***** كل منهم ينقض البيـت نقـض ويفتلـه
شعرهم معناه بالوصف من وفوق الخيال ***** يسبحون بحور شعر النـوادر واجملـه
لاكلبي شعره مثل شعر أبو زيد الهـلال *****وأبو ناصر صاغ صعب المثايل وعدله
وأبو فالح صيد فكره صعيبات المنـال***** كل صاحب ذوق لا سمع شعـره فزلـه
وغير ذولاً فيه شعار ما فيهـا اجـدالل *****و أبذكر مقدر احصي عددهـم بكملـه
والختام بذكر رباً خلـق كـل الاجـال ***** خالق ابن آدم من الطيـن خلقـاً فضلـه
ويا صلاة الله على الهاشمي سيد بـلال*****والسلام عـداد بـاذر نبـات السنبلـه
هذه القصيدة للشاعر / حمود بن زامل السبيعي
رداً على قصيدة الشاعر / فراج بن مفرح الصميلي السبيعي
مرحبا في مرحبا عد مـا هـل الهـلال*****عد مـا هـل الهـلال وتعلـى منزلـه
وعدد ماهل وبل الصدوق مـن الخيـال ***** عـد مـا خيـل خيالـه وعـد مخيلـه
بالكتاب ومن كتب في الكتاب احسن مقال***** والثنـى نثنيـه لمسجلـه وموصـلـه
فوق جيب دوبهم طلعـوه مـن الظـلال ***** مرسله فـراج بكتابـه اللـي مرسلـه
حين ماجاني زهمت المقهـوي للـدلال***** والخـروف سلومنـا بالثـلاث نكملـه
بعدها واجـب علينـا نجـاوب لامحـال *****والخـروف سلومنـا بالثـلاث نكملـه
راكب اللي مستسنـه وزاويهـا الحيـال ***** القصيـده ردهـا مـا يريـض نعجلـه
كنها لاناحـرت طامـح تزهـى الـدل***** الحرة من جيـش ابـن ثانـي ومحيلـه
مزهب الراكب تشيله وغيره مـا يشـال ***** واحدٍ له مع هل العرف قـدر ومنزلـه
لاعطت فج الخلا كنها وصـف الغـزال ***** في نهـار العيـد لا صحابهـا متغزلـه
يوم انجبها هوايه وامان مـن العطـال ***** والشـداد اللـي يجمـل وهـي تجملـه
يانديبـي نصهـا وادي عنـا شـمـال ***** وادي الخرمـه لعـل النصـوب تسيلـه
وادي قلبي يحبـه كمـا حـب العيـال ***** من غلى اللي محتمينه وحامين نخيلـه
لاوصلت لبيـت فـراج ثنلهـا العقـال ***** لا وصلته حـط عنهـا الشـداد ونزلـه
ابشـر بترحيبـةٍ يـوم تقبـل بابتهـال ***** والشحم يثعاه للضيـف عقـب مهيلـه
يارفيـق رفقتـه مانبـي عنهـا بـداله ***** و يلـد لنـا وحنـا لـزوم نلـد لـه
طيبنا طيـب لكـم يـا بعيديـن المنـال ***** نعم والله يالصميلي ليـا قيـل صملـه
عزوتي يوم البـلاوي يفكـون الحـلال ***** الخطر نزَّالـةً فيـه وانتـو مـن هلـه
مع دروب اخوان ذيبه يسوقون الرحـال***** ينزلون الخـوف لامـن تعطـر منزلـه
وان ذكرت الشعر للشعر عمَّان وخـوال ***** الزلامي من هله والسديري مـن هلـه
وغيره دبيـان راع الطواريـق الطـوال ***** ومرشد البذال صعـب القصيـد يعَّدلـه
ومن مطير الخس شعره يقامله احتفـال***** ومع جزا الحربي ثياب القصيـد يفصلـه
وان ذكرت الحي والميتين الشرح طـال ***** خايف لا نفتـح البـاب نـزري نقفلـه
يا عشير الجادل اللي مع المذهب جمـال***** بنت شيخ وغيـر فـراج عيّـت تقبلـه
اترك اللي شعرهم للنشامـا مـا يقـال ***** يكتبونـه فـي المجـلات كلـه بلبلـه
عالم داست على الشعـر دوس بالنعـال *****من لقالـه بيـت غنَّـى وراح يسجلـه
مرحبا في مرحبا عـد ماهـل الهـلال ***** عـد ماهـل الهـلال وتعلـى منزلـه
وشكر
مع تحيات
الفقير إلى الله الطائفي
اللهم.•°´¯´°•.صلى.•°´¯´°•. على.•´¯´°•.الحبيب.•´¯´°•.محمد صلى الله عليه وسلم.•°´¯´°•.وعلى.•°´¯´°•.آله.•´¯´°•.وصحبه
رد مع اقتباس
المفضلات