حصرياً قصيــدة جديدة جداً للشــاعر اليمني / علي الحزمي (( زود اعتذارك ))
وش يفيدك عقب جرحي تعتذر وتقول اسف
وانت تدري ان جرحي ما يداويه اعتذار
يا غلا واللي جمعنا في الغلا عشق وولايف
انتبه زود اعتذارك يصبح بعمرك شعار
قلت لك ان العواذل شغلهم نقل السوالف
قلت لك مليون مره يعقب الليل النهار
بس لعلمك كنت ناوي والا صدّق كنت حالف
ما اجيك ولا تجيني وخلنا نصنع جدار
لكن اللي ما قويته لو طرى في البال طايف
من طيوفك يمتحنّي بين نور وبين نار
انت تدري اشقد احبك والمصيبه ان انت عارف
فوق هذا ليش قلي كل يوم ولك قرار
صادق وربي بحالي عالم بسري وشايف
المهم اني رضيتك وارتضيتك باختيار
وش يصير اليا جمعنا شملنا والجو كايف
يمكن احسن من جنوني في ثواني الانتظار
وشوف قلبي في ايدينك يامناتي ما يخالف
وهات قلبك يم دربي خلّنا نبدي الحوار
اقرأ اللي في عيونك واستمع همس الشفايف
وانت تطربني بهمسك والا صمتك والوقار
وان لقيتك باعتذارك تعترف وتقول خايف
والله اني عن فراقك ما تأخَّر ..باختصار
......................تحيــــــــــــــــاتي ..................................
Bookmarks