انا لى قصةٍ قصـه ولا ظنـى تجـى فالبـال
::::::::::::::::::: ابكتبها وانا ادرى ان الدموع تهل من عينـى
حكاية شاعرٍ يكتب من طروق القصيد جـزال
::::::::::::::::::: وعاف البيت. والمعنى. وطرقه. والدواوينـى
كثير الناس من حولى تنشدّنى وش؟الاحـوال
::::::::::::::::::: علامك ليه ما تكتب وانـا شعـرى معنينـى
اشيل هموم فى صدرى وانا همى يهد جبـال
::::::::::::::::::: تثاقلـت الكـلام ولا لقيـت اللـى يقديـنـى
انا عارف ترى الشكوى لغير الله علـيّ إذلال
::::::::::::::::::: وانا عارف قدر نفسـي واقـول الله مغنينـى
وعى قلبي وابوي يقولها ما يشكـى الرجـال
::::::::::::::::::: ياربي طول بعمـره علـى العـزه موصينـى
موصينى على شيل المصايب لو تجينى أثقال
::::::::::::::::::: ولو ضاقت بى الدنيا ولو دارت بـى سنينـى
ترى صبرٍ جميل يعوضك يوم الليالـى طـوال
::::::::::::::::::: مدام الصبر مفتاح الفـرج والنـاس دارينـى
يقول لسانك حصانك واذا صنته من الجهـال
::::::::::::::::::: تبى ترقا المعالى والنصيحـه بينـك وبينـى
صغير السن حزتها معلمنـى علـوم رجـال
::::::::::::::::::: طبايع "بدو" محلاها علـى الفطـره مربينـى
كبرت وشفت انا الدنيا بعينى وكثرت الآمـال
::::::::::::::::::: صحيح اضحك مع العالم وربي عالـمٍ فينـى
اقول انى مقزرهـا وانـا جرحـى هنـا لازال
::::::::::::::::::: مدام ان الهمـوم اللـى تصبحنـى تمسينـى
ابى قلبٍ عرف ينسا . وابى عمرٍ قصر لو طال
::::::::::::::::::: وابى همى يفارقنـى . وابـى حـبٍ يكفينـى
وابى قلبٍ على قلبي صدوق ولا يجيه اجـدال
::::::::::::::::::: ابى لاضاقـت الدنيـا بعينـى مـا يخلينـى
وابى قلبٍ ملابه من حنان الكون كل اشكـال
::::::::::::::::::: حنان "الام" يـا زينـه ابـى مثلـه يدفينـى
قسم لكتب له ابياتٍ تجـى للعاشقيـن امثـال
::::::::::::::::::: وجيب من القصيد اللـى يسليـه ويسلينـى
وعوض كل ما فات الخفوق اقوال وإلا أفعـال
::::::::::::::::::: "حبيبى"يابعد عمرى"حياتى"يـا نظـر عينـى
أبى لى قلب ينبضها بصدق ولا يجى محتـال
::::::::::::::::::: ولكن للأسف حظـى وقـف عيـا يراعينـى
صدمت بواقعى.! وادرى علومى ما تسر البال
::::::::::::::::::: آلا ياللـى تنشدّنـى تـرى همـى مطوّينـى
هذاك اليوم تسألنى وحالـى بالقصايـد حـال
::::::::::::::::::: انا لاجيت ابكتبها يهـل الدمـع مـن عينـى
تبى أكثر اوضحهـا انـا جرحـى هنـا لازال
::::::::::::::::::: أبى ترجع بدايتهـا "وركـز فـى عناوينـى"
حكاية شاعرٍ يكتب من طروق القصيد جـزال
::::::::::::::::::: وعاف "البيت" والمعنى" وطرقه" والدواوينـى
م
ن
ق
و
ل
Bookmarks