بدع " الانفصالي "
ماعاد ابا الوحده ولا نا وحدوي = قولوا يساري او من اصحاب اليمين
باقولها من صدق يحنق من حنق = لما براميل الشريجه يرجعين
لما تجي وحده على دين النبي = يكون فيها العدل للناس اجمعين
اما انها الوحده لصالح عائله = مرفوض عند الله في دنيا ودين
انا انفصالي رغم اني وحدوي = والمدعي الكذاب عبرها سنين
ان جات امريكا بها يا مرحبا= وان جا يهودي مرحبا به مرتين
يفكنا من شر ظالم مفتري = نرجع كما كنا كرام امنين
ياما نصحنا هم وقلنا تحركوا = ولا وجدنا للنصايح سامعين
واليوم ماتت عظم الله اجركم= ياذي قتلتوها ادفنوها وسط طين
كان الجنوب الحر اسمه في السماء = واهله يسقون العدوا صرف الخزين
واليوم يشتونا خدم تحت الطلب = حيشا وكلاء ما نظلي صابرين
ثورة ولا والله نصبر هكذا = حتى يحق الحق رب العالمين
الظلم حطمناووطاء روسنا = وحنا الذي كنا سموم الطامعين
انا انفصالي هكذا باقولها = ما دامت الوحده بلا مبدا ودين
انا حر في رائي ولا نا عبد حد = ولا علي ربي ولاهو لي امين
مرت علينا اعوام سودا مضلمه = صبوا علينا الويل والحقد الدفين
حتى كرهنا اليوم ذي فيه اعلنت= واليوم ذكراها اصبح اليوم الحزين
شفنا التخلف والجهاله والمرض= والغبن ذي خلى الكبد تصبح طحين
خلاص فاض الصبر ياذا قل لذا = ثورة على الشيطان وابليس الرجيم
ثورة على الاوغاد يسقط من سقط = مافايده لاما بكت من كل عين
جواب " الوحدوي "
يا مرحبا حيا بقول المهتجس = من قلب يتمنى صلاح المسلين
ربي علي شاهد وانا باقولها= وحده وبا تبقى على مر السنين
العدل فيها والتساوي بيننا= لاحد يقع ينكر فعال الطيبيين
خيراتها عمت على كل البلد= وانتوا وراكم للجماله منكرين
هو نتوا نسيتوا العفوا ذي منا صدر= من طيبها حنت على المتخلفين
ذي دمروا ارض اليمن ومجادها = من شرقها لاغربها جرت ونين
ماحد رثاء منكم لقسوة حالها= قمتوا سرقتوها مع ذي سارقين
ماحد سوى الوحده وقايدها علي= ردوا لها لمجاد في لحظه وحين
واليوم ارضي في مكامل حسنها = واليوم قدها بنت ولها عاشقين
واليوم تتزين بلادي با الحلل= والشك ماشي شك وقوالي يقين
مثل الشموس الساطعه في كونها= تضوي ويستاضي بها ذي مظلمين
وان رحت شرق الارض ولا غربها= ماعاد حد با ينشد ياذا منين
والان حرية وديمقراطية= ياذي تباها عنجهية لافيين
عد راجع افكارك وقع في صفنا = لعاد تتشكوى بصوتك والحنين
قد انتهى حزبك وراحت شلتك = روح علي عنتر وروح سالمين
شف من زع شي خير لازم يحصده = والشرب با يجني ثماره وقعتين
اما عجوز الويل ما با تنقذك = واش با يخارجها من ارض الرافدين
وصحابكم ماكان لعذر منهم= با للتقي في القدس ولا في جنين
وانت احمد الله يا المغني واشكره = ماحد نشدكم واين جا الحم السمين
روح مع الغربان وذياب الخلاء = حيرور والبرقاء ولادم شاهدين
بدع وجواب عبر عن واقع حقيقي نعايشه
الله يجيب الصلاح
م
Bookmarks