((((((((امواج غدرك)))))
لا تقول اني احبك صارحبك مستحيل
لا حشى ماني احبك وانت ماعندك ضمير
ذقت من حاوك ومرك مايخليني عليل
يرفضك قلب يحبك عاش في عينك اسير
ضعت في مدك وجزرك يابحر وين الدليل
ضحكتك امواج غدرك كيف بعماقك يصير
مركبي خاطر من اجلك لو رسى ساعه يميل
يابحر غدار طبعك خنت من لجلك يسير
صرختي بعماق قلبك غارقه ضاع الجميل
ماأبي احسان عطفك عشت بحساسي أمير
حضي العاثر بدربك من رجى عطفك ذليل
نارفي قربك وبعدك ونجرح قلبي الكبير
غيروك وتاه دربك كيف ترضى بالهزيل
ياخساره كنت جنبك مسك وحساس حرير
معدنك من طيب اصلك ياذهب عادك اصيل
افرش الازهار تحتك وانت تفرش لي حصير
انطفى نورك وبدرك وبتدى الليل الطويل
لو تحب اضعاف حبك طير حبك مايطير
مابقى عندي وعندك روح دورلك بديل
انتهى مشوار حبك الكذب حبله قصير
ك\ الحلم الساهر
Reply With Quote
Bookmarks