شـــاعر المـــــــليـــــون!!!!!!!!!!!!!!!!!!!!!!!!!
--------------------------------------------------------------------------------
محمد مريبد العازمي ((فيلسوف الشعر ))
منقول
العمر فرصه والحيـاه ايـام والدنيـا ظـروف
والمشتبه فالامر ما بين الحـرام مـن الحـلال
والشعر ديوان العرب وانا بشعـري فيلسـوف
أترك أدقاق الشعر وأنقى من معانيـه الجـزال
والبارحه صدرالجنوب يضيق وتسوق الحسوف
وين أنت يا صدرالشمال أحتجت للفزعه تعـال
وردت مجاهيم الليال أحيام ورياحـي شعـوف
من يوم وقفني بدرب العشـق يسألنـي سـؤال
وأقوله بيني وبينه يـا عسـا الحـب مخلـوف
ان مارجع ربحه علـي الله يـرده راس مـال
كم لي وأنا تكويني الدنيا علـى روس الكتـوف
وأشيل ما لا أطيق من شانك وأحملـه الجبـال
مديت لك ريحانة الاشواق في بيـض الكفـوف
قبل يجـف العطـر والاوراق تدفنهـا الرمـال
وقفتني بالشـارع الضيّـق وممنـوع الوقـوف
مسار واحـد والمصيبـه لا يميـن ولا شمـال
تقول طوّفها معـي واقـول عيـت لا تطـوف
اجيبهـا منـا تجـي منـا و لا فيهـا مـجـال
الحب ماينفع معـه فزعـه ولا واو معطـوف
الحب لو زالت جبال الارض ذكـره لا يـزال
يرقا على رجم الغرام ويخدمه نبض الحـروف
اشوي من نسج الغلا واشوي من نسـج الخيـال
وش عاد لو غنيت طاروقك وصفيت الصفـوف
صفٍ يبا ياقف معي وصفٍ اليا من رحت شـال
والله لتبطي ما وصلت ادنى مواصيل الهنـوف
الجادل اللي دمعها لارحـت والا جيـت سـال
الجادل اللي طيفها عنـدي ولا كـل الطيـوف
ام الحـلا / ام الغـلا/ ام الدلـع / ام الـدلال
اللي هداياهـا ملـت كـل الزوايـا والرفـوف
يطلع ابطلتهـا بـدر ويغيـب لا غابـت هـلال
وانـا اقدرهـا مثـل تقديـر حاتـم للضيـوف
وأطرب على فيّة غلاها كل مـا مـال الظـلال
واعيشها عيشة عمر مابين أمـن وبيـن خـوف
وازرع لها شعري وهي تسقيه من غيث الوصال
حتى خذتني عشق وانا خذتهـا رغـم الانـوف
واسكنتها روحٍ عن أهروج البشر منفى اعتقـال
والا أنت قربك ما يشجعني وفرقاك امعـروف
أقلط على نزف الشعر والفـال يقفـاه العقـال
حتى لو أنت ألذ من تمـر المدينـه والهفـوف
أرحل ترى أيامك خضر لكن ترى أسنينك اهزال
وفر أدموعك دام دمعك مر والـدرب محفـوف
جعلك فدا من هلت دموعه على شـان ابتهـال
الفيلســـــوف (( محمد مريبد العازمي ))
منقــــــول *****
Bookmarks