العضو الأكثر نشاطاً هذا اليوم 
المكونات
2 بسكوت الشاي او 3 حسب حجم الصينيه ..
2/1 كوب ماء
كوب حليب
4 مغلفات دريم ويب
سكر حسب الرغبه
1 علبة قشطة
رشة نسكافيه
شكولاتة مبشور
..
الطريقة:
*صفي البسكوت في الصينية بعد تغميسه في الحليب (يعني هاتي صحن فيه حليب وذوبيه في كوب ماء وغمسي فيه البسكوت وضعيه في الصنيه بالترتيب الى ان تتغطى الصينيه تمام وتكوني عملتي طبقه من البسكوت )
*اخلطي بالخلاط الكهربائي دريم ويب والماء والسكر ( السكر اختياري انا مااحط والسبب اني احط سكر في الحليب اللي غمست فيه البسكوت بالأول)
حتى يصبح زي الرغوة((انا أحط 4 أكياس دريم ويب)) عشان تصير منتفخة بس هي فيها بس 4 وحتى 3 زينه وياسلام عليكي لو حطيتي عليه قشطه (علبه واحده) تطلع جنااااااااااان ...
بعد ماتصير زي الرغوة إستمري في الخفق لحد ماتحسيها منتفخة من الرغوة
* صبي نصف مقدار الخليط في الصينية على البسكوت اللي عملنا منه طبقه وحده ..
* صفي طبقة ثانية من البسكوت بحيث يكون عندنا طبقتين من البسكوت بينهم دريم ويب ..
*صبي باقي الكريما على البسكوت وساوي سطح الصينيه بالملعقه ..
*رشي عليه النسكافيه والشوكولاته وخليها في الثلاجة 12 ساعة او لحد ماتتماسك وتصير زي الايسكريييم..
* طبعا في طريقه ثانيه وهي بإختلاف الطعم ( ممكن نحط واحده جلي فراوله مع الدريم ويب في الخلاط طبعا بدون رشة النسكافيه او الشيكولاته )
واو من جد تجنن
او نحط ملعقتين كاكاو على الخليط في الخلاط
هذي عاد دمااااااااااااااااااار حركات تجنن بركات من جد ..
.
المهم اللي شاطر في المطبخ ممكن يختار النكهه اللي تعجبه ويتعامل معاها زي ماشرحت ..
.
حاولت ادور على صوره مالقيت غير وحده تكاد تكون قريبه للوصف ..
وصحه وهنا لاتنسوا تدعولي لما تذوقووووووها وتعجبكم
رد مع اقتباس
المشاركة الأصلية كتبت بواسطة غمدان بن ناصر
المفضلات