يايمه قصيدة ابكتني

[بقايا جروح.]

يا يمه...قصيدة ابكتني

صاحب القصيده شاب كان بار في امه
وبسبب قلة عقله وعدم تفكيره فأمه المسكينه
رافق شلة سوء, الشلة هذه علمته على المخدرات و الحشيش
و شاء الله إنه يطيح في يد الشرطه ونسجن
و الام المسكينه من القهر عطتكم عمرها
وصاحب القصيده الحين تاب و يطلب من امه السماح
بس وين امه الحين اتسامحه وتغفر له
وكتب هذه القصيده و اهو في السجن
الله يسامحه ويغفر له و يهديه

اترككم مع القصيده المبكية

-------

يا يمه منتهي جيتك وطالب منك الغفران
أقبل قاعة أقدامك وأغسلها بدمعاتي

يا يمه كل ما فيني ينادي لك أنا ندمان
طلبتك قولي سامحتك وردي لوجهي بسماتي

أنا أدري قلبك الطيب كسرته بصدمة النكران
غلطت وغلطتي هذي تعير كل غلطاتي

تشوف الشيب يا يمه ترى ما جاء وأنا فرحان
ورب إللي رفع ذاتك ونزل لردى ذاتي

فقدت الراحة من بعدك فقدت الطيبة والتحنان
بدونك راحتي غاية بيدينك هذي راحاتي

أنا بعدك ولا حاجه أنا بعدك ترى عميان
أشوف ولا أشوف إللي يوريني مساراتي

أنا وسيد الشقاء والهم من بعدك غدينا إخوان
يجيب هموم هالعالم ويرميها بمتاهاتي

صدقتي يوم قلتي لي تدين اليوم بس تندان
رميتك في بداياتي ورموني في نهاياتي

أنا من شالك بأيده ورماك بأسفل البركان
نخيتيني وطلبتيني ولا حصلتي نخواتي

مثل ما هنتي بعيوني عليهم قلبي يمه هان
رموني وضعفهم فزعه وأنا الدمعات فزعاتي

يا يمه لا تظنيني أنا من فعلهم زعلان
سواتٍ فيك سويته وسووا فيني سواتي

يا يمـيا الله ضميني ودفيني بين الأحضان
أنا أدري فيك مشتاقة وهمك بس ملاقاتي

يا يمه حيل ضميني أبي أرتاح أنا تعبان
تعبت أهرب من ذنوبي أبي أجا خر مسافاتي

أبسمع منك أي كلمه لصوتك مسمعي ولهان
أبسمع يمه بصوتك أبذكر فيها نشواتي

أشوفك ساكتة يمه غفيتي ولا أنا غلطان
غفيتي يا بعد عمري تعبتي من مواساتي

يا يمه طالبك قومي إذا لي بعيونك شان
أشوف الموت بعيونك عساها تخيب هقواتي

تعالوا يا بشر شوفو أنا محتار أنا تلفان
أنا أمي ما أدري وش فيها أنا مدري أنا أحاتي

شنو أمي أنا ماتت لاوالله ترى غلطان
أنا أمي ما تخليني على حزني ووناتي

أنا أمي قلبها طيب ولا يمكن تبكي إنسان
أنا أمي ما تبكيني ولا تتمنى آهاتي

يا يمه صح ما متي وصح الموت تو ما حان
إذا متي أنا بعدك أبقضي وين ساعاتي

يا يمه قومي وقولي الموت لا ما كان
أنا جيتك وأنا ناوي أبدل فيك جناتي

تركتيني ومتي و ليه تركتيني وأنا غرقان
ولا مسموح يا وليدي ولا تلعنك لعناتي

أنا الجاني وأنا المجني وأنا المخطي وأنا الندمان
وأنا بيدي رميتك إيه وبعثرته ملفاتي

وجيت من الهناء مفلس وقلبي من الضناء خسران
تركتيني على ناري أعدد فيك زلاتي

ولا نيب مرضيٍ ربي ولاني تابع الشيطان
أنا بعدك ترى مابين نهاياتي وبداياتي

يا يمه منتهي جيتك وكلي مرتجي غفران
وشفت الناس تلعني وتحذرني من الاتي

----------------------

طبعا منقوله

[محمدالحامد]

كلمات قوية

مشكور يا بقايا جروح


محمد الحامد

[اســ الاحزان ــير]

ايش ينفع الندم بعد ايش

قال الله تعالى اعوذ بالله من الشيطان الرجيم (ولاتقل لهم اف ولاتنهرهما وقل لهما قولا كريما

واخفظ لهم جناح الذل من الرحمه وقل رب ارحمهما كما ربياني صغيرا )

صدق الله العظيم

شكرا لك اخي بقايا على هذه القصه والقصيده

اتمنى يعتبر بها كل عاق لوالديه

[بقايا جروح.]

ايش رايك اسيرها نقول للرجال ينتحر
الله غفور رحيم وانت تقول ايش ينفع الندم

[بقايا جروح.]

تسلم اخي محمد الحامد على رقة احساسك

[اســ الاحزان ــير]

ايش رايك اسيرها نقول للرجال ينتحر
الله غفور رحيم وانت تقول ايش ينفع الندم

ذنبه اكبر واعظم من الانتحار

عاصي والديه ايش تتوقع منه

ماتوقعت يكون هذا ردك

[yemeny_2]

قصه موثره جدا وقصيدة حساسه

والله يعلم مافي الصدور

ولا تنسوا ان قلب الام ما يكره ^_*

وشكرا

[بقايا جروح.]

تسلم yemeny_2على مرورك واحساسك المرهف

[yemeny_2]

الله يسلمك هذا من طيب اصلك

وشكرا

[النورس.]

طغت على عيني الدمعه
و
كانت هي العنوان

و
لم استطع القراء ولو لنص القصيدة

هي تلك عباراتي لك اخي الكريم
بعد ان بداءت بقراءتها ياغالي
و
لم اعد استطيع ان اكملها




اشكرك
و
سامحك الله


دمت بخير

[أمــAmonــون]

كلمات رائعة


شكراً على نقلك

[بقايا جروح.]

الله يحفظك اخي النورس
عزيز وغالي انت وامثالك
مشكور على مرورك الكريم