من نظره سحرت القلب بجمالك
وأسرت العين ذي مثيلك ماتشوف
ويوم طلبت القلب قلت يهنالك
واهديتك روحي وقلبي العطوف
وبحبك أخزيت عذّالي وعذّالك
راضي بحسنك وبكل الوصوف
وراضي بقلبك واعجبني دلالك
ومن شفتك السمع ملك لك والشوف
وان مر طيفك وشفت لمحة خيالك
تزيد دقات قلبي وتملكني الخوف
يـا سعد قلبي إفعل مــا بدى لك
رهوان بك ولشوفتك والله ملهوف
خل الدلع ياسيدي وابدي وصالك
خلنا نتخطى كل الحواجز والظروف
يافرحة الروح اليوم بلقيا جمالك
فداك أنا وكل شعري والحروف
___
كلمات متواضعه
وارجوا ان تنال استحسانكم ورضاكم
====================================
من رهوان اجمل تحيه
Bookmarks